影片
更多
2023-07-02
133 瀏覽
走入餐廳有種穿越舊香港嘅錯覺，裝潢係復古華麗風格。一坐低就有一杯有條金魚裝飾嘅茉莉花雪梨茶潤喉，心理作用覺得好似打邊爐都會冇咁上火，呢個舉動都幾貼心。💡 香江拼 $788圍喺爐邊嘅全牛拼盤，賣相精美，集合唔同牛嘅部位，呢個設計仲非常方便，又唔會一碟碟肉分散全枱，挾起放入鍋。唔洗怕認唔到牛肉部位同唔知淥幾耐，單上有QR Code有齊資訊。📖個人最愛係安格斯肥牛，就似一朵玫瑰花，份量比想像中多，牛味濃郁又有油花，質感同味道都平衡到。🐮仲有唔太常見嘅牛白肉，通常好專門食牛嘅地方先有，係肋骨中間的軟骨，咬落好爽口，口感上好過癮！其他牛都各有各特色，一次過試勻晒就最開心～💡 辣汁花蛤鍋 $298火鍋湯底唔算好辣，同時都唔覺好重味精味，以花蛤、蕃茄，唔同種類嘅菇出味，花蛤大大粒仲好鮮甜。🍲💡 七彩餃子 $108就算得7粒餃子，擺盤一樣夠晒氣派，仲要隻隻都唔同餡料。🥟餡料特別，同埋有香港地道特色，好似金華火腿菜肉、冬菇薺菜同午餐肉粟米，配搭都幾有趣。💡 桃花緣 $88 & 鳳琉香 $78桃花緣簡直正中我口味，雖然有梳打，但依然保持到夠濃味。（我好怕梳打水搶晒味）仲有新鮮桃肉，調味剛剛好，唔會太甜。鳳
💡 香江拼 $788
圍喺爐邊嘅全牛拼盤，賣相精美，集合唔同牛嘅部位，呢個設計仲非常方便，又唔會一碟碟肉分散全枱，挾起放入鍋。唔洗怕認唔到牛肉部位同唔知淥幾耐，單上有QR Code有齊資訊。📖個人最愛係安格斯肥牛，就似一朵玫瑰花，份量比想像中多，牛味濃郁又有油花，質感同味道都平衡到。🐮仲有唔太常見嘅牛白肉，通常好專門食牛嘅地方先有，係肋骨中間的軟骨，咬落好爽口，口感上好過癮！其他牛都各有各特色，一次過試勻晒就最開心～
💡 辣汁花蛤鍋 $298
火鍋湯底唔算好辣，同時都唔覺好重味精味，以花蛤、蕃茄，唔同種類嘅菇出味，花蛤大大粒仲好鮮甜。🍲
💡 七彩餃子 $108
就算得7粒餃子，擺盤一樣夠晒氣派，仲要隻隻都唔同餡料。🥟餡料特別，同埋有香港地道特色，好似金華火腿菜肉、冬菇薺菜同午餐肉粟米，配搭都幾有趣。
💡 桃花緣 $88 & 鳳琉香 $78
桃花緣簡直正中我口味，雖然有梳打，但依然保持到夠濃味。（我好怕梳打水搶晒味）仲有新鮮桃肉，調味剛剛好，唔會太甜。鳳琉香薑味汽水做底，甜甜酸酸嘅味道好開胃。🍹上枱時店員會即時整煙燻泡泡，雖然留得唔耐，但影相真係好靚～
另外不得不讚店員嘅服務，我因為有少少凍，搓下手臂，店員就問我需唔需要披肩。呢份貼心真係加咗唔少分，好彩有披肩好快就冇咁凍。
張貼
