六安居

營業中

休息中

上環喺港島嚟講都叫做保留咗幾多香港人民情懷，前身係蓮香居嘅六安居，唔只用返舊伙記，一貫保留埋點心車仔嘅文化。而我今次就係夜晚去，都係香港傳統，日頭賣點心，夜晚賣小炒，不過聽講遲啲晚市都會有點心，大家就約夜晚可以兩樣一齊食了！💡椒鹽鮮魷 $138魷魚夠新鮮，咬落仲有啲漿感同絲感，外層好香脆，調味正中我口味，有啲辣粉更加惹味～重點係每舊都大大舊㗎，包你每一啖都勁享受！💡海鮮粒炒飯 $118炒飯充滿蛋香，鑊氣夠唔會太油，海鲜粒有複有魚，仲會放菜心增加口感。蝦仁都俾得幾多，仲要大大隻！💡啫啫滑雞煲 $98每次食香港小菜必定會叫一個煲仔，一嚟唔怕咁快變涼，二嚟油爆咗嘅香料味更濃。雞件大細適中，同埋又真係好滑唔柴口，薑蔥蒜味剛好，非常送飯～侍應上菜執枱速度好快，但唔洗俾佢哋嚇親，我只係問咗一句有咩好推介，即刻勁貼心講下有咩小菜好食，仲同我吹咗陣水。呢一點都幾體會到香港文化，節奏快但仍然有人情味。