影片
更多
2025-03-18
299 瀏覽
今次朋友生日飯去咗間超隱世嘅中菜館「御膳」，匿埋喺觀塘敬業街工業大廈12樓，原來已經有13年歷史，估唔到咁有水準，服務仲正到喊，食乜都有得傾！ 今日得兩丁友，唔食套餐散叫最啱心水！✨ 頭盤已經有驚喜！店家送嘅滷水鵝肝、鵝腎滷得超入味，夾埋冰凍汽水（汽水打卡送㗎！），未正式開餐個胃已經醒哂！ 🦐 香芒沙律蝦球超犯規！粒蝦球大過乒乓波，外層炸到勁鬆化，仲有陣陣牛油香氣，但又一啲都唔油膩，個新鮮芒果蘋果沙律仲要係冰鎮住上枱，熱辣辣脆蝦球撞上凍冰冰醬汁，口感正到打冷震！ 🔥 招牌西班牙黑毛豬叉燒（OMG！）即叫即燒即上枱，咬落啖啖蜜汁爆出，個邊位燒到少少焦脆，肉質彈牙得嚟又唔韌，連平時唔食肥膏嘅我都忍唔住清碟！ 🦞 全晚高潮位——香煎龍蝦！師傅神乎奇技將蝦殼炸到脆卜卜，爭啲可以連殼食埋🤭🤣，龍蝦肉爽甜，底層脆麵仲要灑咗椒鹽，唔係伴碟咁簡單，配上冰凍啤酒真係無得輸！ 🐚 蒜蓉粉絲蒸蟶子皇：大到離譜！蟶子肉厚，粉絲索滿金銀蒜同豉油香，最正係個汁唔會死鹹，我直頭想撈碗白飯食！ 🐔 炸子雞半隻：係師傅即叫即炸（其實係風乾油淋，唔係炸咁簡單🤭），皮脆到似食緊薯片，但啖肉又keep住嫩滑有雞味，個雞髀我同
今次朋友生日飯去咗間超隱世嘅中菜館「御膳」，匿埋喺觀塘敬業街工業大廈12樓，原來已經有13年歷史，估唔到咁有水準，服務仲正到喊，食乜都有得傾！ 今日得兩丁友，唔食套餐散叫最啱心水！
✨ 頭盤已經有驚喜！店家送嘅滷水鵝肝、鵝腎滷得超入味，夾埋冰凍汽水（汽水打卡送㗎！），未正式開餐個胃已經醒哂！
🦐 香芒沙律蝦球超犯規！粒蝦球大過乒乓波，外層炸到勁鬆化，仲有陣陣牛油香氣，但又一啲都唔油膩，個新鮮芒果蘋果沙律仲要係冰鎮住上枱，熱辣辣脆蝦球撞上凍冰冰醬汁，口感正到打冷震！
🔥 招牌西班牙黑毛豬叉燒（OMG！）即叫即燒即上枱，咬落啖啖蜜汁爆出，個邊位燒到少少焦脆，肉質彈牙得嚟又唔韌，連平時唔食肥膏嘅我都忍唔住清碟！
🦞 全晚高潮位——香煎龍蝦！師傅神乎奇技將蝦殼炸到脆卜卜，爭啲可以連殼食埋🤭🤣，龍蝦肉爽甜，底層脆麵仲要灑咗椒鹽，唔係伴碟咁簡單，配上冰凍啤酒真係無得輸！
🐚 蒜蓉粉絲蒸蟶子皇：大到離譜！蟶子肉厚，粉絲索滿金銀蒜同豉油香，最正係個汁唔會死鹹，我直頭想撈碗白飯食！
🐔 炸子雞半隻：係師傅即叫即炸（其實係風乾油淋，唔係炸咁簡單🤭），皮脆到似食緊薯片，但啖肉又keep住嫩滑有雞味，個雞髀我同朋友仲要猜包剪揼爭嚟食！
🥦 估唔到連上湯西蘭花都咁有心思！湯底清甜到呢，加埋唐芹嘅獨特香氣，食完濃味嘢，即刻refresh返個味蕾～
🍜 壓軸蔥油拌麵不得了！師傅自家炮製嘅蔥油香到癲，麵條爽身唔油膩，微甜嘅蔥油掛滿每條麵，明明飽到上心口都照清碗！
🍵 甜品：抹茶奶凍甜度啱啱好，奶香同抹茶味平衡得超完美，為呢餐畫上個靚靚句號～
真心話：呢間絕對係我會encore N次嘅飯堂！由菜式創意到服務細心度都滿分，最正係人均$400左右食到酒店級質素，仲有私隱度高，又冇任何附加費，價目一目了然，店長話如果自攜壽包仲可以代蒸～自備生日蛋糕都唔收切餅費，極適合生日慶祝，朋友gathering。各位快啲Bookmark定啦喂！📌
張貼
