影片
更多
2023-01-14
503 瀏覽
之前一直有friend 強烈推介，話好值得食。正所謂一不做二不休，咁難預約，就即場連book兩日，一次早茶，另一次就係今晚，試試佢嘅晚市。大時大節食中餐就一定冇錯，今次揀咗12月31號除夕，估唔到呢間小店依然滿座，或者早咗個幾月預訂，位置非常好。一行八人非常開心。🍴勾魂叉（五件）雖然上次已經試過叉燒，但係今次都係要再叫，價錢唔平要$188，但係又5件厚切，望落都有睇頭。加上陳年陳皮醬加炸米脆，仲有專人上枱後再燒！叉燒肥瘦適中，香口軟糯，其實都唔錯。不過茶市嘅第一叉，入口更加肥美軟熟，下次再試我會寧願食第一叉。🍴 一口金磗呢味金沙蘿蔔糕要再encore，性價比好高，金沙鹹蛋黃好香，食落唔油膩，蘿蔔糕都好有誠意，有蝦米瑤柱絲，食落非常香口。🍴燒鵝半隻人數唔算好多，燒鵝簡單預留半隻，米芝蓮燒鵝絕對有誠意，燒鵝都燒得幾香，肉質非常多汁美味，燒鵝皮如果可以再脆身就值回票價。🍴薑咪蒜香龍仔蒸蟹飯價錢絕對唔平，不過隻蟹大大隻又新鮮，而且仲有糕，呢個價錢絕對抵食。飯底好香蒜蓉味，而且粒粒分明，蒸完之後仲非常乾身，巾幗不讓鬚眉，不過兩者應該係分開烹調，飯就冇咩海鮮味。茶錢索價$28，不過普洱或是鐵觀音亦
大時大節食中餐就一定冇錯，今次揀咗12月31號除夕，估唔到呢間小店依然滿座，或者早咗個幾月預訂，位置非常好。一行八人非常開心。
🍴勾魂叉（五件）
雖然上次已經試過叉燒，但係今次都係要再叫，價錢唔平要$188，但係又5件厚切，望落都有睇頭。加上陳年陳皮醬加炸米脆，仲有專人上枱後再燒！叉燒肥瘦適中，香口軟糯，其實都唔錯。
不過茶市嘅第一叉，入口更加肥美軟熟，下次再試我會寧願食第一叉。
🍴 一口金磗
呢味金沙蘿蔔糕要再encore，性價比好高，金沙鹹蛋黃好香，食落唔油膩，蘿蔔糕都好有誠意，有蝦米瑤柱絲，食落非常香口。
🍴燒鵝半隻
人數唔算好多，燒鵝簡單預留半隻，米芝蓮燒鵝絕對有誠意，燒鵝都燒得幾香，肉質非常多汁美味，燒鵝皮如果可以再脆身就值回票價。
🍴薑咪蒜香龍仔蒸蟹飯
價錢絕對唔平，不過隻蟹大大隻又新鮮，而且仲有糕，呢個價錢絕對抵食。飯底好香蒜蓉味，而且粒粒分明，蒸完之後仲非常乾身，巾幗不讓鬚眉，不過兩者應該係分開烹調，飯就冇咩海鮮味。
茶錢索價$28，不過普洱或是鐵觀音亦是靚茶，睇介紹話係專登搜攞，飲得出非常滑身亦都唔苦澀。
飯後有腐竹糖水做甜品，餐前亦都有合桃同苦瓜做小食， 除夕晚餐食到呢一餐都算係為呢一年畫上完整嘅句號。
張貼
