影片
更多
2024-08-20
2035 瀏覽
返工辛苦咗成日，放工梗係要搵好嘢食，打邊爐就最開心！新蒲崗依間火鍋小廚主打街坊生意，唔收加一、唔收茶芥、唔收醬油費，性價比高好抵食！海量火鍋湯底揀，好多仲係海鮮湯底勁吸引！鮑魚花膠冬瓜盅 $248次次都叫辣湯底，今次就試下夏天必食嘅冬瓜盅先，要提早一日預訂當然唔止得冬瓜la，Venus嗌嘅係「 #鮑魚花膠冬瓜盅 」湯底。大大隻鮮鮑魚做配料，加埋花膠滋補養顏，撈一撈原來仲有海參同鮮雞，基本上係補湯嚟勁鮮甜！好少何打邊爐個湯底係飲得㗎！松露墨魚丸 $108每粒都大大粒！係見到一粒粒松露佈滿墨魚丸，墨魚丸入口煙靭彈牙非常有口感，松露味都好濃郁！自家鮮蝦雲吞 $53 雲吞皮薄餡靚，原隻鮮蝦包裹豬肉，比例均勻，大粒到一啖咬唔哂～手包松露雜菌餃 $53 (雙拼+$5)原本以為係冬菇之類做餡料，咬開係好多種平時比較少食到嘅菌類，即刻覺得好抵食，同樣松露味好濃郁同雜菌好夾～彈牙白魚蛋 $57魚蛋好彈牙，食得出係鮮魚製造，點辣椒豉油食更加惹味皇帝菜 $36新鮮爽脆，份量都幾多，食咗咁多粒丸，緊要食下菜中和下～炸魚皮 $57魚皮即叫即炸，單食已經好好食，打邊爐索滿湯汁仲好味！日本烏冬 $18打邊爐點少得日
鮑魚花膠冬瓜盅 $248
次次都叫辣湯底，今次就試下夏天必食嘅冬瓜盅先，要提早一日預訂當然唔止得冬瓜la，Venus嗌嘅係「 #鮑魚花膠冬瓜盅 」湯底。大大隻鮮鮑魚做配料，加埋花膠滋補養顏，撈一撈原來仲有海參同鮮雞，基本上係補湯嚟勁鮮甜！好少何打邊爐個湯底係飲得㗎！
松露墨魚丸 $108
每粒都大大粒！係見到一粒粒松露佈滿墨魚丸，墨魚丸入口煙靭彈牙非常有口感，松露味都好濃郁！
自家鮮蝦雲吞 $53
雲吞皮薄餡靚，原隻鮮蝦包裹豬肉，比例均勻，大粒到一啖咬唔哂～
手包松露雜菌餃 $53 (雙拼+$5)
原本以為係冬菇之類做餡料，咬開係好多種平時比較少食到嘅菌類，即刻覺得好抵食，同樣松露味好濃郁同雜菌好夾～
彈牙白魚蛋 $57
魚蛋好彈牙，食得出係鮮魚製造，點辣椒豉油食更加惹味
皇帝菜 $36
新鮮爽脆，份量都幾多，食咗咁多粒丸，緊要食下菜中和下～
炸魚皮 $57
魚皮即叫即炸，單食已經好好食，打邊爐索滿湯汁仲好味！
日本烏冬 $18
打邊爐點少得日本烏冬呢！加埋湯底飲勁滿足！
陳儀興玫瑰餐廳
📍地址：新蒲崗爵祿街33A-37A號百勝工廠大廈地舖
📞3583 1123
張貼
