NIKUSA肉佐

營業中

休息中

今日去咗銅鑼灣一間叫「NIKUSA肉佐」去餐廳食日式放題，我哋揀咗level 5嘅嚴選山形縣產藏王和牛、極上刺身、極上壽司、海鮮放題，有115款食物選項可以選擇，仲可以食180分鐘，時間較為充裕；餐廳嘅座位闊落，既有榻榻米又有私人包廂；而家餐廳有個新開張優惠，每枱只要有四位客人選擇level 5嘅套餐，就會送一隻龍蝦刺身！🍊 原隻龍蝦刺身龍蝦尺吋唔算大，但蝦肉尚算爽口彈牙🍊肉類呢個餐包咗頂級嘅山形縣產藏王和牛上肉同赤身肉，和牛油花分布平均，肉質幼嫩，入口即融；和牛牛舌肉質彈牙有口感，煮熟後牛味非常濃郁；有預算嘅朋友仲可以每位加$100任食宮城縣產仙台A5霜降黑毛和牛，有西冷、肉眼、赤身肉等唔同部份，配埋甜甜地嘅壽喜燒湯底，真係好夾！🍊 刺身有季節限定嘅魚、三文魚同帆立貝，食材新鮮，味道鮮甜🍊 壽司每人贈送一份壽司拼盤，包括大拖羅/中拖羅、赤身、油甘魚、鯛魚、炙燒和牛同三文魚腩；另外仲可以嗌藍旗吞拿、炙燒和牛等十五款壽司🍊 炸物款式種類繁多，包括日本廣島蠔、鮑魚、芝士年糕、迷你一口芝士、蟹肉忌廉薯餅、炸蠔、炸雞、炸餃子等等，全部都即叫既炸，上菜時熱辣辣，唔算太油膩🍊 自助區有唔同嘅火鍋配