影片
更多
2025-04-02
117 瀏覽
今日嚟到銅鑼灣嘅一間樓上日式餐廳/cafe @shio_cwb ，佢嘅環境充滿日式風情，主要分為兩個座位區，一邊係吧枱位置，另一邊係榻榻米，非常特別。前菜：炙燒三文魚（餐）呢個前菜即叫即燒，入口充滿着魚油，非常香口。味道：7.8/10明太子八爪魚配帶子夕陽富士山丼 🗻🗻$138+$58餐(前菜+自選飲品+甜品）夕陽富士山當係呢度嘅名物，廚師會將米飯整成淡雅嘅藍色，頂上面再鋪上一層蛋白霜同醬油漬蛋黃，形成一個夕陽富士山嘅感覺，非常之打卡able。至於配料有好多種選擇小編作為明太子控，當然揀咗明太子再配八爪魚同帶子，兩款刺身店家都比得幾慷慨，尤其帶子味道仲幾新鮮，質感軟嫩。明太子嘅作用只係輕輕吊味，仍然需要加啲嘅豉油同芥末成個飯先會夠味。味道：7.9/10蟹膏甲羅燒配三文魚子夕陽富士山丼🗻🗻$138+$48餐(自選飲品+甜品）呢個一樣係整成富士山咁嘅樣，不過配料就用咗蟹膏蟹肉、蟹肉絲同三文魚子。配料一樣給好給滿，但小編本身都擔心，如果蟹膏處理得唔好可能會好腥，但呢度又唔會。係可以放心撈勻成個飯嚟食嘅蟹膏，配埋蟹肉絲，蟹味十足。味道：7.9/10甜品：芝士蛋糕（餐）芝士蛋糕質感偏實，似係紐約
今日嚟到銅鑼灣嘅一間樓上日式餐廳/cafe @shio_cwb ，佢嘅環境充滿日式風情，主要分為兩個座位區，一邊係吧枱位置，另一邊係榻榻米，非常特別。
前菜：炙燒三文魚（餐）
呢個前菜即叫即燒，入口充滿着魚油，非常香口。
味道：7.8/10
明太子八爪魚配帶子夕陽富士山丼 🗻🗻
$138+$58餐(前菜+自選飲品+甜品）
夕陽富士山當係呢度嘅名物，廚師會將米飯整成淡雅嘅藍色，頂上面再鋪上一層蛋白霜同醬油漬蛋黃，形成一個夕陽富士山嘅感覺，非常之打卡able。至於配料有好多種選擇小編作為明太子控，當然揀咗明太子再配八爪魚同帶子，兩款刺身店家都比得幾慷慨，尤其帶子味道仲幾新鮮，質感軟嫩。明太子嘅作用只係輕輕吊味，仍然需要加啲嘅豉油同芥末成個飯先會夠味。
味道：7.9/10
蟹膏甲羅燒配三文魚子夕陽富士山丼🗻🗻
$138+$48餐(自選飲品+甜品）
呢個一樣係整成富士山咁嘅樣，不過配料就用咗蟹膏蟹肉、蟹肉絲同三文魚子。配料一樣給好給滿，但小編本身都擔心，如果蟹膏處理得唔好可能會好腥，但呢度又唔會。係可以放心撈勻成個飯嚟食嘅蟹膏，配埋蟹肉絲，蟹味十足。
味道：7.9/10
甜品：芝士蛋糕（餐）
芝士蛋糕質感偏實，似係紐約芝士蛋糕嗰種質感。芝士味幾香濃，加上面頭嘅脆脆，口感同味道都幾豐富。雖然未至於好特別，但作為飯後甜品，都幾滿足。
味道：7.6/10
秋明山藤原豆腐咖啡（餐）
作為頭文字D嘅粉絲，完全比個名吸引到。咖啡可以選擇豆腐味濃啲或者咖啡味濃啲兩個選擇，小編就揀咗豆腐味濃啲。店家真係加咗一啲嘅豆腐塊落去，所以可以確實飲到一塊塊軟嫩嘅豆腐，而且豆味亦都幾香，係喺尾段先會飲到嘅咖啡味，感覺非常新鮮。唔太鍾意咖啡又想試吓呢杯飲品嘅朋友，絕對可以放膽去試。
味道：8/10
大阪櫻花果茶（餐）
水果茶有水果嘅香甜，甜度啱啱好，食完個飯再飲就一流，可以消滯。
味道：7.7/10
抵食：7.7/10
環境：7.8/10
服務：7.8/10
汐 (銅鑼灣)
銅鑼灣耀華街3號百樂中心13樓1303號舖
#香港必食 #香港美食 #食評 #香港食評 #香港生活 #hkfood #hkfoodie #hkeat #銅鑼灣 #銅鑼灣美食 #causewaybay #cwb #cafe #brunch #富士山 #dinner #pasta #japan #刺身 #海鮮 #shashimi #咖啡☕️ #咖啡店 #日式 #fujimountain #chill #chillin #chillvibes
張貼
