影片
更多
2024-08-11
237 瀏覽
話說「船渦」呢間餐廳已經bookmark咗幾年，終於同朋友夾到時間去試吓！平日晚餐時段去到，都幾乎座無虛席，都坐得7788，店員安排咗我哋坐窗口吧枱位，枱面略高，兩人座位用上竹蓆間開空間，立即私隱度大增！餐廳有幾個唔同價位嘅Menu可以選擇，價錢豐儉由人，我哋就揀咗「九品芝麻套餐」、「內務總管套餐」，套餐價錢唔算貴，已經好多款食物！落完單之後，好快就上咗沙律，同埋即炸嘅炸物、章魚丸，全部熱辣辣送上！😋2個套餐都可以+$1 換購鮑魚，「九品芝麻套餐」包左6款海鮮：白蜆、蝦、鮮魚片、大蜆、扁蟶子、鮑魚，加左$1鮑魚1共有2隻，呢樣海鮮比較突出，彈牙兼新鮮👍「內務總管套餐」除左跟餐海鮮有少少唔同之外，仲可以揀多樣海鮮：蟹（半隻）/蟶子皇（一隻），而且小食會變左熱辣辣嘅吉列炸蠔🦪食到最尾，所有海鮮嘅精華就已經去晒煲底，有得俾你揀最Normal嘅「南瓜芋頭粥」/+$28「蟹膏蟹肉粥」，我哋各點咗一個，我自己就比較鍾意「南瓜芋頭粥」，有南瓜嘅香氣🎃既有綿密既芋頭粒，個粥底職員會問你鐘意稀啲定杰啲，會照返你既喜好調配👍✣ 內務總管套餐 $328 - 換購鮑魚 +$1- 沙律 - 吉列炸蠔（2隻）-
話說「船渦」呢間餐廳已經bookmark咗幾年，終於同朋友夾到時間去試吓！平日晚餐時段去到，都幾乎座無虛席，都坐得7788，店員安排咗我哋坐窗口吧枱位，枱面略高，兩人座位用上竹蓆間開空間，立即私隱度大增！
餐廳有幾個唔同價位嘅Menu可以選擇，價錢豐儉由人，我哋就揀咗「九品芝麻套餐」、「內務總管套餐」，套餐價錢唔算貴，已經好多款食物！
落完單之後，好快就上咗沙律，同埋即炸嘅炸物、章魚丸，全部熱辣辣送上！😋
2個套餐都可以+$1 換購鮑魚，「九品芝麻套餐」包左6款海鮮：白蜆、蝦、鮮魚片、大蜆、扁蟶子、鮑魚，加左$1鮑魚1共有2隻，呢樣海鮮比較突出，彈牙兼新鮮👍
「內務總管套餐」除左跟餐海鮮有少少唔同之外，仲可以揀多樣海鮮：蟹（半隻）/蟶子皇（一隻），而且小食會變左熱辣辣嘅吉列炸蠔🦪
食到最尾，所有海鮮嘅精華就已經去晒煲底，有得俾你揀最Normal嘅「南瓜芋頭粥」/+$28「蟹膏蟹肉粥」，我哋各點咗一個，我自己就比較鍾意「南瓜芋頭粥」，有南瓜嘅香氣🎃既有綿密既芋頭粒，個粥底職員會問你鐘意稀啲定杰啲，會照返你既喜好調配👍
✣ 內務總管套餐 $328 - 換購鮑魚 +$1
- 沙律
- 吉列炸蠔（2隻）
- 白蜆｜蝦 ｜大蜆｜扁蟶子 ｜鮑魚 ｜元貝 ｜蟶子皇（1隻）
- 美國肥牛｜雞腿肉
- 三寶丸
- 時蔬拼盤
- 蟹膏蟹肉粥 +$28
- 可樂 +$16
✣ 九品芝麻套餐 $259
- 換購鮑魚 +$1
- 沙律
- 章魚燒（2粒）
- 白蜆｜蝦｜鮮魚片｜大蜆｜扁蟶子｜鮑魚
- 美國肥牛｜豚肉片
- 三寶丸
- 時蔬拼盤
- 南瓜芋頭粥
- 可樂 +$16
張貼
