影片
更多
2025-04-14
91 瀏覽
同朋友知道呢度8:30pm，就會開始宵夜時段，特登過嚟試吓！😙呢度最平$22起，就可以order到一款燒物，肉類就會稍微貴少少$48就有交易😆見8:30pm已經有特價，order咗一串食物，我自己大推「特級厚牛舌」，食過牛舌都知道，出邊餐廳普遍嚟講，呢個尺寸嘅牛舌，都會一分為二，呢度真係原條咁上！👅 認真對唔住隻牛牛！你條脷好好食，好厚肉俾我幾啖就食晒😜「A5 肩胛特選」 雪花紋佈置得好靚，真係食咗先評價！好軟好腍，油脂感重，俾我少少鹽同黑胡椒吊味，都唔使落多餘嘅調味料已經好好食😋唔食牛嘅朋友都有選擇！可以揀「鹽燒豬頸肉」，我自己就幾推介燒好咗之後，點佢地既辣醬，惹味又Juicy 🐷「鹽蒜元貝」 見到有少少蔥花伴碟，我就放埋落去一齊燒😌估唔到有幾match喎！最估唔到，我哋拍咗兩碗「殿堂玉子飯」，其實都係紫菜、蔥花、七味粉、玉子，再max埋佢哋嘅秘製醬汁，睇落去好似好簡單咁，但我見到我哋附近，枱枱都有叫，價錢抵得來又好食🙈
同朋友知道呢度8:30pm，就會開始宵夜時段，特登過嚟試吓！😙
呢度最平$22起，就可以order到一款燒物，肉類就會稍微貴少少$48就有交易😆
見8:30pm已經有特價，order咗一串食物，我自己大推「特級厚牛舌」，食過牛舌都知道，出邊餐廳普遍嚟講，呢個尺寸嘅牛舌，都會一分為二，呢度真係原條咁上！👅
認真對唔住隻牛牛！你條脷好好食，好厚肉俾我幾啖就食晒😜
「A5 肩胛特選」 雪花紋佈置得好靚，真係食咗先評價！好軟好腍，油脂感重，俾我少少鹽同黑胡椒吊味，都唔使落多餘嘅調味料已經好好食😋
唔食牛嘅朋友都有選擇！可以揀「鹽燒豬頸肉」，我自己就幾推介燒好咗之後，點佢地既辣醬，惹味又Juicy 🐷
「鹽蒜元貝」 見到有少少蔥花伴碟，我就放埋落去一齊燒😌估唔到有幾match喎！
最估唔到，我哋拍咗兩碗「殿堂玉子飯」，其實都係紫菜、蔥花、七味粉、玉子，再max埋佢哋嘅秘製醬汁，睇落去好似好簡單咁，但我見到我哋附近，枱枱都有叫，價錢抵得來又好食🙈
張貼
