河內越式料理 (西洋菜南街)

營業中

休息中

【越式輕鬆Tea Time】下午茶想食碗粉又想坐得舒服，今次去咗食越南野下午茶嘅選擇超級多，選擇困難症嘅朋友要睇住時間揀了。蕃茄蟹肉扎肉湯檬蕃茄湯底好濃，蟹肉比想像中多，喜歡濃味嘅我覺得好滿意，檬粉同扎肉口感亦幾好食，配菜有芫茜仲有豆腐卜。順化牛肉撈檬賣相非常吸引，雖然下午茶但份量都大碗，牛肉甜口，加埋魚露酸汁，整體上很好食。越南春卷春卷新鮮炸起，春卷皮煙煙韌韌，餡料有蔬菜絲同少量肉，醃得好香口。檸檬蜜糖薑茶薑味都幾辣，加埋檸蜜酸酸甜甜，飲落口好舒服。