Le Menu

營業中

休息中

今日去咗灣仔六國酒店入面嘅「Le Menu」食自助晚餐，酒店近期推出咗華麗盛宴自助晚餐，一個價錢已經可以食晒扣鮑魚、龍蝦同爐端燒，食物種類包羅萬有，總有一款啱你胃口！而家喺三月至四月期間，訂座起三日內繳付全數，仲可以享有額外七折優惠！🍊 自助晚餐現場表演今期嘅特色係師傅會即場表演三道菜式，包括法式龍蝦海鮮酥皮盒、堂弄原隻鮑魚鵝掌同火焰雪山。每個過程大約數分鐘，可以即場見到師傅將唔同材料製作成一道美味嘅菜式，係一個幾特別嘅自助餐體驗🍊 法式龍蝦海鮮酥皮盒師傅先將配料同魷魚、大蝦、青口、蜆肉等海鮮熱炒後再炆煮，放入酥皮內再拎去焗，焗出嚟嘅酥皮香脆，入面嘅海鮮料吸收晒龍蝦汁嘅鮮味，充滿法式風味🍊 堂弄原隻鮑魚鵝掌鮑魚同鵝掌都炆到好腍，鮑魚口感彈牙，鵝掌膠質豐富，而且吸收晒鮑魚汁嘅鮮味，食落去係經典嘅味道🍊 火焰雪山將烈酒倒入鮮奶油，製造火焰嘅視覺效果，而中間嘅係黑森林蛋糕加雲呢拿味雪葩，味道唔會太甜，口感層次豐富🍊 凍肉區自助餐有多款前菜凍肉包括西班牙火腿、意大利扎肉；冰凍海鮮例如麵包蟹、長腳蟹腳、青口、龍蝦、青螺等，全部都充滿海水嘅鮮味；日式魚生刺身，例如三文魚腩、帶子、油甘魚、甜蝦、赤貝