影片
更多
2025-03-17
72 瀏覽
今次去咗灣仔一間高級湘菜食府「湘舍壹號」，餐廳位於酒店1樓，環境優雅，裝修充滿中式古典風格，感覺非常高級。餐廳主打正宗湘菜，今次試咗佢哋嘅商務午市套餐，菜式豐富之餘亦充滿驚喜，最重要係二人餐都只係$350，每人百幾蚊就食到呢個環境呢個質素，一定要推薦比大家！———————————————🌟 餐前小食 - 蕃薯片用靚靚古裝盒裝住□蕃薯片，炸得香脆且帶有天然嘅甜味，作為餐前小食都令我食唔停口。🌟 前菜 - 燒椒皮蛋皮蛋佢切到好細粒口感滑溜，配上椒嘅香辣味道，層次感十足，中間仲有塊葉做裝飾，作為前菜非常醒胃！🌟 湯品 - 筒子骨燉湖藕湯品燉得非常濃郁，筒子骨嘅肉香同湖藕嘅清甜完美結合，湯汁鮮美，飲落暖胃又滋補，而且佢都會用火暖住超貼心服務。🌟 主菜 - 十八秒牛肉牛肉肉質嫩滑得嚟帶有少少嚼勁，辣度適中，而且仲係芫荽炒埋一齊，成個香味再升一個層次。🌟 小菜 - 芙蓉鎮米豆腐米豆腐口感軟滑，係好新奇既嘗試，配上特製嘅醬汁有少少次麻婆豆腐個醬，味道香濃得嚟又帶少少辣，層次口感非常有趣。🌟 蔬菜 - 時令蔬菜時令蔬菜係手撕包菜，辣味唔重帶少少酸，非常爽口。🌟 主食 - 青稞餅青稞餅呢個有驚喜，外層香
今次去咗灣仔一間高級湘菜食府「湘舍壹號」，餐廳位於酒店1樓，環境優雅，裝修充滿中式古典風格，感覺非常高級。餐廳主打正宗湘菜，今次試咗佢哋嘅商務午市套餐，菜式豐富之餘亦充滿驚喜，最重要係二人餐都只係$350，每人百幾蚊就食到呢個環境呢個質素，一定要推薦比大家！
———————————————
🌟 餐前小食 - 蕃薯片
用靚靚古裝盒裝住□蕃薯片，炸得香脆且帶有天然嘅甜味，作為餐前小食都令我食唔停口。
🌟 前菜 - 燒椒皮蛋
皮蛋佢切到好細粒口感滑溜，配上椒嘅香辣味道，層次感十足，中間仲有塊葉做裝飾，作為前菜非常醒胃！
🌟 湯品 - 筒子骨燉湖藕
湯品燉得非常濃郁，筒子骨嘅肉香同湖藕嘅清甜完美結合，湯汁鮮美，飲落暖胃又滋補，而且佢都會用火暖住超貼心服務。
🌟 主菜 - 十八秒牛肉
牛肉肉質嫩滑得嚟帶有少少嚼勁，辣度適中，而且仲係芫荽炒埋一齊，成個香味再升一個層次。
🌟 小菜 - 芙蓉鎮米豆腐
米豆腐口感軟滑，係好新奇既嘗試，配上特製嘅醬汁有少少次麻婆豆腐個醬，味道香濃得嚟又帶少少辣，層次口感非常有趣。
🌟 蔬菜 - 時令蔬菜
時令蔬菜係手撕包菜，辣味唔重帶少少酸，非常爽口。
🌟 主食 - 青稞餅
青稞餅呢個有驚喜，外層香腍，內裡軟糯，帶有獨特嘅穀物香氣，甜度亦都適中，作為主食好唔錯。
🌟 甜品 - 酒釀丸子
酒釀丸子甜度適中，丸子軟糯，酒釀帶有淡淡嘅酒香，作為甜品非常滿足，為呢餐畫上完美句號！
張貼
