薔紅

營業中

休息中

【灣仔區】【薔紅】早排幫政府手做咗啲嘢，識到唔少朋友，當中有位朋友又係好重視飲食。講開燒雞，佢喺度問呢間「薔紅」好唔好，我就叫佢放心，即管去。咁我叫得人去嘅，又點會唔順便同我班好讀者講。呢餐係上年十月同朋友去食，本身諗住入去食少少嘢，點知忍唔住。因為見到好多客人都叫佢哋嘅馳名出品，即係 $88 嘅「脆皮燒春鷄」，配「炸薯條」。等咗一陣先有得食，不過食落就知係値得等嘅，因為隻雞係燒得外脆內嫩，雖然雞味唔算濃但係香港冇活雞就真係冇計。餐牌用返個「鷄」字又係正，脆炸曲薯條都好味。我加 $10 飲杯「凍檸茶走甜」，食燒雞點都要飲啲嘢，杯嘢正常水準咁啦。朋友就食 $65 嘅「焗肉醬意粉」，佢話正常冇特別，但佢就加 $18 飲「荔枝雜果特飲」，都係冇亮點可言。埋單 $181 唔貴嘅，我估其實嚟得呢度都係食燒雞㗎喇，其他嘢未必咁好。。。（地址：灣仔莊士敦道194-204號灣仔商業中心1樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodie