薔紅

營業中

休息中

灣仔呢間餐廳開業三十幾年 依然大排長龍✨價錢親民 大大份又好食 CP值好高‼️嚟到必食招牌名物-脆皮燒雞❤️‍🔥.📌金牌脆皮燒雞 $88 (碎上+$3)採用3斤重三黃雞 以20多種配料調味醃製 再經過幾小時工序 用心製作💯外皮金黃香脆 肉質軟嫩又多汁 富油脂甘香同雞味🐔雖然得半隻雞 但份量十足 好多肉🙌🏻選配左香飯🍚同傳統茄汁意粉 都係食回憶 不是味道🍝.📌豉椒排骨炒河 $70超有鑊氣嘅炒河 入口已經feel到🔥河粉爽滑彈牙 沾滿惹味芡汁🍜除左豉椒 仲有大量洋蔥同甜椒 鹹香惹味🌶️🧅🫑排骨就很一般 似雪藏貨～🐷.📌澳門豬扒包 $36竟然有得食豬扒包🇲🇴豬仔包外脆內軟 但偏韌左啲🥖豬扒幾厚身 爽嫩冇肉騷味🥩以孜然粉調味 好香口 但未必個個鍾意👀仲有千島醬, 芝士, 酸瓜, 生菜, 蕃茄同洋蔥 好豐富🧀🥒🥬🍅🧅.📌金銀蛋娃娃菜 $50娃娃菜軟腍清甜 鋪滿皮蛋同鹹蛋 湯頭唔重口味 飲埋都得 呢個價錢超抵🍲.📌姜汁炒芥藍 $50芥蘭當做 爽嫩冇苦味 加埋微辛薑汁 冬天食最啱🫚.📌椒絲腐乳通菜 $50通菜青綠爽脆 沾滿腐乳醬汁 鹹香十足🥬

呢個薔紅餐廳喺灣仔區嚟講多歷史悠久十幾廿年嘅餐廳嚟佢哋呢最出名嘅招牌菜就係呢個燒春雞咁我今次都係食呢個燒春雞佢半隻燒春雞大概70蚊左右都算抵食呀，同埋個味道都唔錯就可以跟薯菜呀沙律嗰啲嘅個味道都唔錯幾好食佢半隻雞燒春雞咁脾位呀嗰啲就幾 嫩滑 嘅不過嗰啲胸口呀個雞嘅身呀嗰啲位就比較 "鞋"啲不過都尚可接受嘅抵食嘅 唔錯唔錯 值得推介 呢間餐廳咩鐘數都好多人食咁所以呢就時間關係呢，就今次係外賣薔紅 (灣仔)灣仔莊士敦道194-204號灣仔商業中心1樓

本身餐廳位置唔起眼，响商場入邊1樓成日路過唔會覺得要特別幫襯估唔到上到1樓排隊有幾墟冚，個個拎住飛唔願走。但伙計太有效率，我哋等10張枱都係等左15分鐘就有位 ，搭枱都照坐，因為入到餐廳見倒人人一手雞你就知咩事我哋都跟叫脆皮燒雞跟薯菜。燒雞上碟時仲係熱到辣手，搣開雞皮好似搣開脆片咁，佢皮薄冇乜肥膏，非常香口。雞肉超Juice，搣開嗰陣不斷有肉汁流出。雞肉咬落去非常嫩滑，食得出雞肉有輕輕醃過。薯菜係傳統嘅波浪紋厚切薯條完全滿足晒食香口嘢嘅慾望

【灣仔區】【薔紅】早排幫政府手做咗啲嘢，識到唔少朋友，當中有位朋友又係好重視飲食。講開燒雞，佢喺度問呢間「薔紅」好唔好，我就叫佢放心，即管去。咁我叫得人去嘅，又點會唔順便同我班好讀者講。呢餐係上年十月同朋友去食，本身諗住入去食少少嘢，點知忍唔住。因為見到好多客人都叫佢哋嘅馳名出品，即係 $88 嘅「脆皮燒春鷄」，配「炸薯條」。等咗一陣先有得食，不過食落就知係値得等嘅，因為隻雞係燒得外脆內嫩，雖然雞味唔算濃但係香港冇活雞就真係冇計。餐牌用返個「鷄」字又係正，脆炸曲薯條都好味。我加 $10 飲杯「凍檸茶走甜」，食燒雞點都要飲啲嘢，杯嘢正常水準咁啦。朋友就食 $65 嘅「焗肉醬意粉」，佢話正常冇特別，但佢就加 $18 飲「荔枝雜果特飲」，都係冇亮點可言。埋單 $181 唔貴嘅，我估其實嚟得呢度都係食燒雞㗎喇，其他嘢未必咁好。。。（地址：灣仔莊士敦道194-204號灣仔商業中心1樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodie

今晚去到灣仔搵嘢食，喺軒尼詩道望上去見到好多人食呢間餐廳，我哋就上去試吓！一開始間條啡白色恤衫職員態度很好，點知真正落單黑衫禿頭人過嚟幫我哋落單，講完幾個菜名之後，我哋諗住個餐牌都放喺枱面繼續睇飲乜好，就叫佢落住啲菜式先，點知佢搶個餐牌想收，我話我哋想睇嘢飲，佢就話你想睇到時咪再攞囉，好似個餐牌鑲金咁，唔俾留喺枱面，跟住佢行走嘅時候舉起手指好冇禮貌大聲講 「 你咪睇囉！」其實實質上係佢唔俾我哋睇，唔係我哋唔想睇，真係未見過經理可以咁差嘅態度，簡直就係趕客！不過呢度最出色都係燒春雞，其他真係唔得 👎個椒鹽蝦冇味得外面啲椒鹽粉味，個小炒肉啲肉好硬好似好老咁，唔係因為隻燒春雞，真係唔好嚟呢度食！如果一間餐廳有一個咁嘅人，仲要係管理餐廳嘅經理，講真其他人服務有幾好，都比呢一個人搞衰晒！就算要去食，上到去都唔好叫呢個黑色禿頭經理幫你落單，免得受氣！

引以為傲既招牌，原來都係....。早排睇IG見到由灣仔開到入邊到感。睇完成個餐牌，第一次泥試下個招牌啦。1分鐘唔夠落枱，見到個樣知懶硬。薯條都未識炸，番炸再番炸D油係哂里面，仲要凍既唔熱，比室溫高少少。燒雞都係唔熱，睇個樣就知放得耐啦，干得泥，中間個位黑哂，干既苦既。係苦呀老闆！平日係灣仔食個成$100既lunch，你地話值唔值？引以為傲既招牌，原來都係垃圾。早排睇IG見到由灣仔開到入邊到感。睇完成個餐牌，第一次泥試下個招牌啦。1分鐘唔夠落枱，見到個樣知懶硬。薯條都未識炸，反炸再番炸D油係哂里面，仲要唔熱比室溫高少少。燒雞都係唔熱，睇個樣就知放得耐啦，干得泥，中間個位黑哂，干既苦既。係苦呀老闆！垃圾中既垃圾。平日係灣仔食個成$100既lunch，你地話值唔值？

今日嚟到呢間餐廳，一入門口就覺得環境幾熱鬧，牆上貼滿曬舊時嘅海報，充滿懷舊氣息。講番啲食物啦，嗰隻燒雞，外皮燒得金黃香脆，好似披住件黃金戰衣咁，咬落去“咔嚓”一聲，聲音勁清脆，肉質嫩滑多汁，不過就覺得調味有少少偏鹹，同啲高檔西餐廳嘅烤雞相比，雖然冇咁精緻，但係勝在有種市井嘅風味，夠曬接地氣。再睇下嗰碟意大利粉，醬汁包裹住每一條粉，望落去已經好吸引。入口酸酸甜甜，番茄味幾濃郁，不過粉就煮得有少少過火，冇咁彈牙，同啲專門做意大利菜嘅餐廳出品相比，確實差咁啲火候。但係喺呢種茶餐廳環境食呢碟意大利粉，又有另一番風味，好似中西合璧咁。飲品方面，嗰杯凍檸茶，茶味夠濃，檸檬嘅酸味中和咗茶嘅澀味，不過就覺得冰塊有少少多，飲到尾有啲淡。總體嚟講，呢間餐廳嘅食物雖然有啲小瑕疵，但係價錢親民，環境又有特色，食住呢啲嘢，就會諗起以前細個同屋企人出街食飯嘅情景，簡簡單單，但係好溫馨，希望呢種味道可以一直保留落去啦！

用網上外賣平台落單，送到嚟發現送漏咗杯凍檸茶，另外叫的飲品也送錯。打電話去餐廳詢問，店員一聽到係網上外賣平台就立即打斷我講嘢，不停講佢哋咩都知，有問題要退錢就自己上平台解決。到我上平台要求店家退錢時，店家即時以已出單為理由拒絕退款並沒有再跟進。食物質素沒什麼特別，沙嗲牛肉沒有沙嗲味，只是稍有調味的牛肉。不吃也罷！

朋友帶咗我拎試灣仔名物😎脆皮燒春雞！即管睇下佢咩料😌見到餐廳大部份人都係帶住手套食緊燒雞，我哋一行四個人都嗌咗四份燒春雞🍗🍗配菜可以揀飯/意粉/薯仔沙律/薯條，我就揀咗薯條🍟燒春雞一上枱超震撼，大家都急不及待帶手套搣嚟食，不過超級熱，熱到會焫親手嘅程度🤣搣開雞嘅同時，雞油同汁keep住流出嚟🤤咬落去的確皮脆肉嫩，尤其係雞髀！超級Juicy！薯條食落有粟米湯零食嘅味🤣就算好飽都忍唔住係咁食🌽🤤至於朋友叫嘅茄汁意粉同沙律就好普通，係舊式茶記會食到嘅味道🙈

放工約了友人食飯，友人提議去薔紅食燒春雞，話時話自從轉工之後都真係好少係灣仔食野，諗返以前薔紅都係食堂之一(多數都係食Tea)，趁今日當去懷緬過去。又介紹返，餐廳面積頗大，茶記格局同時又有港式快餐店之感，平日晚上7點去到差唔多Full咁制，初步相信都係來食燒春雞，好在友人預先來到霸位。餐牌。脆皮燒春雞，$88，有種港式懷舊之感，買少見少。好大隻又燒春雞，熱騰騰上，入口皮脆肉嫩又多汁，好美味，粗身的炸薯條香脆，好滿足。友人要的脆皮燒春雞配沙律，清新點解油膩。凍檸茶，跟餐+$10，狂篤檸檬好爽。食物味道不俗，都Keep到下，燒春雞美味又幾抵食，有機再做念舊姐。

終於試咗灣仔名物薔紅燒春雞，外皮超級脆，整得好好，上枱係熱辣辣，仲係辣手個隻，雞肉好juicy，雞味唔算濃，不過真係夠嫩，而且好大隻，仲跟薯條，夠曬飽Menu都係舊港式風格，充滿人情味同回憶啊。

每次見燒春雞與豬手的出場率都旗鼓相當，每次食飽後都諗，不如試豬手？但是每次落單時最後都係會叫燒雞。眼一掃，食客有7成是男性。幾多人，全場已坐滿8成座位。<脆皮春雞籃(配飯或薯仔沙律) 是必食‼️每次推薦給朋友，個個都好鍾意。💗半隻春雞，其實幾飽肚，所以我通常都會選配薯仔沙律 (或可選配飯)🥗🍖1. 雞籃出菜出得好快，仲要熱騰騰地不斷冒煙，雞皮烤到相當香脆！穿上手套，🖐🏻一手拉出雞脾，裡頭的雞汁源源不絕地湧出，💦這黃油雞 Super juicy!!!💦同時亦會附上淮鹽和泰式甜酸辣醬，可自行為較乾的雞胸加味。

今日經過灣仔，有個frd話好出名，咁咪應酬吓去食，但個侍應勁寸，已經唔係繁忙時段，啲侍應仲得閒到可以睇電視，都唔知佢燥乜我哋叫完嘢食，同個地中海講話：畀個杯我呀佢勁唔耐煩，話我未落完單就叫佢拎杯。（餐枱有水，但冇杯，我喉嚨唔舒服只想飲水）其實已經叫完兩個飯＋一杯嘢飲，我當佢其實本身都會拎杯，但我好似點佢做嘢咁，算數，由得個地中海講。我只係費時當一話我唔飲，然後佢一9擰住頭走，之後我又要再叫停佢幫我拎杯啫。拎完杯過嚟之後又再gut多我一句，話我未落完單就叫佢拎杯😂到個飯嚟咗，個地中海侍應仲要啤住我然後擰頭，jm9啫呀伯👴我同個frd食，我費時嘈影響我個frd，我已經冇出聲。嘈交原因如果係因為落完單叫個侍應幫你拎杯，然後佢話唔知你落完單，都幾無謂利申：全程冇話用好mean嘅語氣落單，唔知個呀伯咩事，個frd都笑咗食chicken factory 好過我好少用google評論去評一間餐廳，今次用埋openrice，薔紅好嘢！

今日過開灣仔，突然想食燒春雞，於是就黎薔紅試一試佢，朋友再叫多個午餐雜扒飯，隻雞黎到賣相都已經好好，金黃色，皮脆肉嫩😋😋😋炸到岩岩好，就連雞胸位置都唔會鞋颯颯👍🏽👍🏽👍🏽加少淮鹽一齊食，仲正，不過啲薯條就略嫌炸到硬左少少。個雜扒就不過不失啦，但係跟果個意粉，真係好好食，好有小時候去茶餐廳食果啲意粉既味道👍🏽👍🏽👍🏽

今日同同事去咗灣仔叫咗馳名嘅燒春雞。🐥呢隻雞真係好吸引，金黃酥脆嘅外皮，香噴噴，令人一見就想食。😻咬落去，肉質鮮嫩多汁，完全唔會乾柴，味道好入味，感覺就好似食緊乳鴿或者乳豬咁，真係令人驚喜。💓 配搭嘅醬汁有椒鹽同埋甜酸醬亦都好特別，酸酸甜甜，正好中和咗燒雞嘅油膩感，令人一口接一口，停唔落嚟。可以揀薯條/意粉/沙律/飯，我揀咗薯條🍟。薯條食落去又一浸粟米湯嘅味道，非常特別💗第一次去茶餐廳食到有味道嘅炸薯條🤣同事叫咗意粉，都不過不失。另外一位同事叫咗沙律，但係就太多沙律汁，感覺似食汁多個食沙律🤣餐廳嘅環境都幾舒服，服務員態度親切！大部份都係叔叔輩，全部都風趣幽默🤣而且態度殷勤，服務質素值得一讚💗總括來講，今次嘅用餐經歷非常滿意，燒春雞真係值得一試🫡🫡🫡下次再來灣仔，仲想試下其他菜式！