九爺牛腩 (佐敦道)

營業中

休息中

【油尖旺區】【九爺牛腩】大家有睇開我都知我成日都食潮式粉麵，一來平靚正快，二來可以叫兩碗嘢加個嘢飲就砌到個 post 出嚟，唔會食得太飽。之前睇好多人講過話呢間個牛腩好食，但係佢喺尖沙咀，件事放咗喺個心度但一直都冇時間去處理咗佢。有一次就係咁啱行經過佐敦道，赫然就見到佢哋個招牌大大個咁棟咗喺我面前。不過嗰次我食飽咗，所以冇幫襯。但係一直都覺得佢就喺我嘅生活圈裡面，因此就點都要搵日去會一會佢。擇日不如撞日，第二日我就過咗去。一坐低就整碗 $60 嘅「牛魔王河」，不過我見佢有魚麵我就加 $14 轉「魚麵」啦，個魚麵都幾好食喎。而個餸係「牛魔王」，即係牛腩、牛筋、牛雜，三款都中規中矩，牛腩有啲鞋不過好彩佢切得薄身啲等佢個情況冇咁差。牛筋同牛雜就正如頭先所講，係比較普通嘅料，都冇咩好講。好彩嘅係喺啲餸麻麻哋好食嘅情況下有個唔錯嘅魚麵，加埋杯要加 $8 先有嘅「凍檸茶」走甜，成件事都算完整。不過埋單價 $82 嚟講，又冇乜動力下次會再去食咁。。。（地址：佐敦佐敦道36號地舖）#1amfoodie #foodie #hkfoodie #thatfoodiething #hkfood #food #