九爺牛腩 (佐敦道)

大家分享下今日嘅快樂源泉～專登過嚟佐敦試吓呢間「九爺牛腩」，未入門口已經聞到陣陣牛骨香！佢哋嘅牛筋撈粗真係一絕，牛筋炆到啱啱好，入口即化得嚟又保留到膠質口感，撈埋啲秘製醬汁同彈牙粗麵，掛汁能力滿分！牛腩米都係必點之選，湯底清甜得嚟牛味濃郁，腩肉肥瘦勻循，仲帶少少筋膜，食落層次感超豐富。米粉索盡湯汁精華，每啖都係享受～特別要讚呢度嘅炸靈吞同炸魚皮，靈吞炸到金黃通透，咬落「咔嚓」聲，魚皮更加係脆到無朋友，點埋湯食真係無得頂！食到飽飽哋當然要整返杯紅豆冰平衡下，紅豆煲到起沙但又粒粒分明，奶香同紅豆甜度夾得啱啱好，飲完成個人都涼浸浸～呢間絕對係會令人心思思再encore嘅良心小店，無論係lunch定晚餐時段都keep到水準，街坊之選無誤！…查看更多

逛完廟街在附近的《九爺牛腩》吃飯，知道這裏的牛腩非常受歡迎，差不多每枱顧客也點了牛腩。我們吃了以下的食物也好好味：🔸 麻辣牛腩牛筋豉油王撈粗：牛腩牛筋又香又嫩，麻辣度夠，豉油王撈粗吸滿醬汁，好惹味，食落層次豐富。 🔸雲吞魚片米線：雲吞紮實彈牙，魚片新鮮滑溜，米線煙韌湯底鮮甜。 🔸腐乳通菜：通菜爽脆，腐乳醬香濃郁，鹹鹹甜甜好開胃。 🔸 孜然雞翼：雞翼外脆內嫩，孜然味香濃，微辣帶香，惹味又有層次。 🔸脆炸魚皮：魚皮炸得香脆，鹹香帶微辣。 …查看更多

假日同朋友一齊嚟咗呢間喺佐敦嘅粉麵店諗住簡單快脆食個港式午餐🤣$42「豬手麵」再 +$6「拼鮮蝦雲吞」 +$14「轉魚麵」：豬手炆煮得非常軟熟🤣，雲吞大大隻裏邊有蝦仁🍤，魚麵🐟煙靭幾好食😋咁當然亦都要食牛腩啦🤣，$59「崩沙牛腩麵」再 +$8「拼豬手」：「崩沙牛腩」似乎係牛腩中最矜貴嘅部位，呢間粉麵店嘅「崩沙牛腩」肥瘦適中肉質軟熟兼有牛味😋；豬手就炆煮得夠腍😋；幼麵煙煙韌韌幾彈牙🤣跟麵加 $12一碟「郊外油菜」：咁叫咗兩碟，揀咗「腐乳通菜」同埋「菜心全走」：兩碟菜都夠新鮮爽脆簡單幾好食😋跟麵加 $8「熱奶茶」：夠濃郁夠滑🤣跟麵加 $8「熱檸水」：簡簡單單🤣$23「凍檸檬無糖可樂」：大熱天時飲凍冰冰嘅檸檬可樂就梗係好飲啦🤣…查看更多

自從搬左過嚟佐敦後放假會偶然係返同區試新餐廳今次試呢間都幾多哈哈笑既牛腩鋪呢到仲有崩沙，同坑腩位賣但我鍾情牛筋，所有我就要碗牛筋河$44老公試麻辣牛筋牛腩撈麵$65牛筋湯河，湯底係正常腩汁味，味精唔重河粉份量勁多，多到好似加左底咁大碗到主角牛筋，牛筋件件真係筋位，冇溝到D肉口感好滑，但可惜炆過火，過淋，唔爽口試左老公份麻辣撈麵麻辣係辣到痺果種，辣味都重，但唔係勁辣個麵底都爽口，份量正常，唔似我份河粉咁特大牛筋一樣係滑，唔爽，煮得過淋牛腩有D鞋口，似炆過火跟個湯底都幾清，幾好味食完辣野有D清湯飲下幾好整體味道可以，份量足夠鋪頭員工都幾nice，有禮貌但主角牛筋牛腩口感就麻麻地，似炆過火…查看更多

麻辣手撕雞豉油王撈粗🐔 $58呢個店員推薦嘅豉油王撈粗，果然冇介紹錯，麵底彈牙有咬口，配埋麻辣手撕雞非常惹味，絕對係又平又好味嘅選擇！咖喱牛魔王飯🐮$74見到隔籬枱叫咖喱覺得都幾吸引，所以我哋都叫咗黎試吓，咖喱非常香濃，而且唔辣，大人細路都啱食！呢一個牛魔王就包咗牛腩同各式各樣嘅牛雜，全部都整得好乾淨冇異味～ 一次過可以試晒咁多樣嘢，啱晒選擇困難症嘅我！😁咖喱牛腩飯🍛$56另外佢哋嘅牛腩都好出名，牛味濃郁，肉質又嫩滑，所以同行朋友就揀咗咖喱牛腩飯，朋友覺得五十幾蚊有呢個質素真係超值啊！嗌任何粉麵飯類，加$12就可以配凍檸樂，天氣咁熱，當然要加啦！💦…查看更多