天然豚骨拉麵專門店一蘭

營業中

休息中

【油尖旺區】【一蘭】呢間日本拉麵舖出咗名好耐，即使係咁，我都冇乜點食過佢哋，就算有次喺福岡經過佢哋嘅總店門口，都毫無興趣。呢間標榜係「天然豚骨拉麵專門店」嘅拉麵店嘅香港分店喺尖沙咀都有一間，有次我喺呢頭諗唔到食乜，無奈地選擇咗佢哋，一次半次算啦。入到去話冇小毒毒嘅一人位坐，唔緊要啦坐返普通位，都係用 QR Code 落單。叫咗 $283 嘅「一蘭極滿足套餐」，好似睇唔到其實有啲乜，淨係幅細到好似梁國雄議員咁嘅 preview 圖依稀見到好似乜都有咁。諗住撳入去睇都有得揀吓嘢食掛，點知都係冇嘅。我可以揀嘅就淨係個拉麵嘅口味濃淡、油膩度、蒜泥、蔥、叉燒、赤紅秘製醬汁、麵的硬度，其他嘢全部都冇得揀，唔講以為自己食緊 omakase。咁冇得揀都唔緊要，至少都要話畀我聽大約有啲乜吖。上菜嘅時候真係上錯咗畀隔離枱，隔離枱都唔知自己食乜。佢唔講就我講啦，佢個主食其實係「天然豚骨拉麵」，之但係佢啲配料又分開，就係佢哋個「一蘭精選配料組合」。碗麵本身都係普普通通嘅日式拉麵加幾塊豚肉，加咗啲「一蘭特製赤紅秘製醬汁」同啲蔥咁。堆配料就係紫菜、木耳絲同增量豚肉，冇特別。而仲有碟「燉煮豚肉燒」，就似係拉麵啲豚肉