臻麵饍 (已結業)

【沙田區】【臻麵饍】又返返嚟我自己住嘅沙田區，曾經有人講過我寫好多沙田區，我係有啲不悅但係都自問已經盡力拉匀唔同區份嘅讀者嘅需要。好似而家咁，我都好似半放棄咗離島區同南區咁，自己都已經不斷反思，不過都冇乜辦法，努力啦。如果要勉強做其他區而忽視沙田嘅話，作為一個沙田友又未免太悲哀，我都想喺本區搵啲好嘢食。之前同大家都介紹過一間叫湯户方，玩健康飲食，食蒸飯嘅。不過我自己本身都唔好蒸飯，又好難去說服人喎，之後就搵到呢間。喺石門京瑞二期入面嘅呢間嘢，一睇個格局就知係食中式麵食嘅，但又唔係京川滬嗰啲擔擔麵喎，好特別。睇 menu 啲嘢就覺得好補好健康，叫個 $76 嘅「花膠蟲草花湯麵」配米粉，真係好清，隻米粉仲要係彈牙嗰隻，少有。畀多 $22 要三隻「蝦醬雞中翼」，熱辣辣炸起仲要分咗單骨，幾惹味。加 $8 要罐「雀巢檸檬茶」，咁就 $106，食一碗麵、一份小食加罐嘢嚟講，係幾貴。不過佢嘅清淡促成咗我嘅二訪，今次要 $62 嘅「招牌撈麵」，落醬油。味道就點都好過揀「麻辣」架喇，嗰個我肯定食唔到，不過其實咁樣簡簡單單都幾正。之後又係用 $8 要咗罐「雪碧」，今次夾埋 $70 但係冇叫到小食，我覺得係