影片
更多
2021-11-01
66 瀏覽
終於去到久仰大名位於新蒲崗嘅海膽仔，海膽仔顧名思義係一間海膽嘅專門店，除咗海膽，仲係主打海鮮刺身食材嘅專門店。呢度嘅海膽性價比高之外，仲有其他刺身、丼飯、生蠔、燒物等可供選擇，種類多元化。爆膽丼爆膽丼有三種唔同嘅海膽，三種都好creamy，味道好鮮甜 ，入口即溶，木板上海膽配可配合壽司飯同日本紫菜食用，加上豉油同芥末，令味道層次更加豐富。爆膽丼係跟套餐，所以配上沙律菜同海鮮湯，性價比高，海鮮湯仲有兩隻蜆肉， 好鮮甜。刺身定食刺身定食好大盆，定食有六種刺身，包括有三文魚、牡丹蝦、北寄貝、油甘魚、吞拿魚等，每款都大件鮮甜，個人最鍾意食佢嘅牡丹蝦，體型好大隻，食落鮮美爽口，定食仲包埋一大碗壽司飯，分量十足。日本厚岸生蠔生蠔有多款選擇，全部即叫即開，好新鮮，店員推介我哋最近時令嘅日本厚岸生蠔，一上台見到生蠔手掌咁大隻，蠔肉厚身，入口肥美Creamy ，食到最後會感受到好微海水味道，容易入口，超鮮味。鹽燒牛舌牛舌係厚切嘅，一上枱已經聞到香味，食落牛肉味濃， 厚切得來好爽口，加上檸檬汁可以消除油膩感。日式炸餃子炸餃子上枱熱辣辣，食落脆卜卜好有咬口，餡肉濃郁多汁，令人忍唔住食完一件又一件。燒菠蘿燒菠
終於去到久仰大名位於新蒲崗嘅海膽仔，海膽仔顧名思義係一間海膽嘅專門店，除咗海膽，仲係主打海鮮刺身食材嘅專門店。呢度嘅海膽性價比高之外，仲有其他刺身、丼飯、生蠔、燒物等可供選擇，種類多元化。
爆膽丼
爆膽丼有三種唔同嘅海膽，三種都好creamy，味道好鮮甜 ，入口即溶，木板上海膽配可配合壽司飯同日本紫菜食用，加上豉油同芥末，令味道層次更加豐富。
爆膽丼係跟套餐，所以配上沙律菜同海鮮湯，性價比高，海鮮湯仲有兩隻蜆肉， 好鮮甜。
刺身定食
刺身定食好大盆，定食有六種刺身，包括有三文魚、牡丹蝦、北寄貝、油甘魚、吞拿魚等，每款都大件鮮甜，個人最鍾意食佢嘅牡丹蝦，體型好大隻，食落鮮美爽口，定食仲包埋一大碗壽司飯，分量十足。
日本厚岸生蠔
生蠔有多款選擇，全部即叫即開，好新鮮，店員推介我哋最近時令嘅日本厚岸生蠔，一上台見到生蠔手掌咁大隻，蠔肉厚身，入口肥美Creamy ，食到最後會感受到好微海水味道，容易入口，超鮮味。
鹽燒牛舌
牛舌係厚切嘅，一上枱已經聞到香味，食落牛肉味濃， 厚切得來好爽口，加上檸檬汁可以消除油膩感。
日式炸餃子
炸餃子上枱熱辣辣，食落脆卜卜好有咬口，餡肉濃郁多汁，令人忍唔住食完一件又一件。
燒菠蘿
燒菠蘿味道值得一讚，菠蘿夠新鮮，燒得好惹味好無渣之餘仲好Juicy多汁。
張貼
