影片
更多
2022-07-18
2047 瀏覽
『每道菜發揮都頗為出色，即使去到甜品環節都冇令人失望』又到食中菜嘅日子，今次嚟到位於K11 Musea嘅創新中餐廳Dab-Pa，融合北京、四川同上海菜的風味特色，平日嚟到都要等位就知出品幾有保證👯♀️餐牌選擇好多，除左傳統嘅京川滬菜式之外仲有非常特別嘅甜品，好可惜當晚「柚香」 太過搶手已經售罄，好彩招牌的「胭脂」 亦毫不失色。整體嚟講相信無論老人家定後生仔，係呢度都可以搵到啱口味嘅菜式。推介 🥢蒜泥白肉 🥢乾爆重慶辣子雞 🥢招牌紅燒肉 🥢茶花 🥢胭脂 ——————————————————————————◎招牌酸菜鮮鱸魚 (HKD238) | 3.8/5魚唔算好辣又幾滑，湯頭偏甜辣酸度可以再突出d🌶️味道較重應該同薯粉好相襯◎紅燒肉糯米燒賣 (HKD68) | 3.5/5燒賣皮釀入滿滿的糯米，口感煙煙韌韌的◎蒜泥白肉 (HKD82) | 4/5好特別嘅蒜泥白肉🌟醬汁微微的甜辣，肉味頗濃，豬肉肥瘦相間，捲成一團入口彈牙得嚟帶點軟糯，蒜味不過重反而好似米紙捲入面的菜，增添了爽口的感覺◎乾爆重慶辣子雞 (HKD128) |4/5香麻感十足又唔會太辣，雞肉乾身微微脆口，要小心碎骨較多◎
『每道菜發揮都頗為出色，即使去到甜品環節都冇令人失望』
又到食中菜嘅日子，今次嚟到位於K11 Musea嘅創新中餐廳Dab-Pa，融合北京、四川同上海菜的風味特色，平日嚟到都要等位就知出品幾有保證👯♀️餐牌選擇好多，除左傳統嘅京川滬菜式之外仲有非常特別嘅甜品，好可惜當晚「柚香」 太過搶手已經售罄，好彩招牌的「胭脂」 亦毫不失色。整體嚟講相信無論老人家定後生仔，係呢度都可以搵到啱口味嘅菜式。
推介 🥢蒜泥白肉 🥢乾爆重慶辣子雞 🥢招牌紅燒肉 🥢茶花 🥢胭脂
——————————————————————————
◎招牌酸菜鮮鱸魚 (HKD238) | 3.8/5
魚唔算好辣又幾滑，湯頭偏甜辣酸度可以再突出d🌶️味道較重應該同薯粉好相襯
◎紅燒肉糯米燒賣 (HKD68) | 3.5/5
燒賣皮釀入滿滿的糯米，口感煙煙韌韌的
◎蒜泥白肉 (HKD82) | 4/5
好特別嘅蒜泥白肉🌟醬汁微微的甜辣，肉味頗濃，豬肉肥瘦相間，捲成一團入口彈牙得嚟帶點軟糯，蒜味不過重反而好似米紙捲入面的菜，增添了爽口的感覺
◎乾爆重慶辣子雞 (HKD128) |4/5
香麻感十足又唔會太辣，雞肉乾身微微脆口，要小心碎骨較多
◎招牌紅燒肉 (HKD168) | 4/5
紅燒肉軟腍但未到軟爛，汁甜皮化，不過有幾舊肉比較厚就略嫌唔夠入味
◎黃金蝦球 (HKD188) | 4/5
蝦肉超級厚肉彈牙，冇平時好硬好脆嘅感覺🦐鹹蛋黃起沙卻不會太鹹，仲可以食到蝦的鮮味
◎蟲草花炒翡翠苗 (HKD92) | 3/5
◎胭脂(HKD138) | 3.8/5
幾得意嘅一道甜品，灑上覆盆子粉末再噴玫瑰糖水，儀式感滿滿🌹玫瑰味撲鼻而來，香甜感覺隨即跟上。蛋糕上面的慕斯質地軟身綿綢，又有覆盆子果凍口感幾豐富
◎茶花 (HKD88) | 4.3/5
全晚最愛之一❤️布甸綿實滑溜，桂花烏龍茶味超香濃，奶味繞舌幾圈作結尾，上面一片片嘅水蜜桃清新宜人，大推！
◎桂花酒釀丸子(HKD58) │ 3/5
勾芡重質地比較濃稠，桂花清香悠悠，不過就冇咩酒味。丸子不多，口感比較軟綿如果煙韌d更好
——————————————————————————
♣️ Dabpa
☌ 尖沙咀梳士巴利道18號Victoria Dockside K11 MuseaB1樓B111號舖
◔1:30am~10pm
回頭率：🌕🌕🌕🌕🌑
環境：🌕🌕🌕🌗🌑
份量: 🌕🌕🌕🌑🌑
味道：🌕🌕🌕🌖🌑
價錢：HKD718p.p(incl. 10% service charge)
張貼
