烏蠅館

營業中

休息中

講起川菜，將軍澳「烏蠅館」絕對係隱藏高手！今次試咗三款招牌菜，每樣都勁有驚喜，嗜辣嘅朋友一定要bookmark！ 傳統水煮牛肉（正常辣）一上枱就聞到陣陣麻辣香，紅油湯底夠晒搶眼！牛肉片超嫩滑，吸滿麻辣湯汁，一啖咬落去辣勁即刻衝上嚟，但唔會遮咗牛肉嘅鮮味。底層仲有大量芽菜同寬粉，索晒辣湯精華，食到鼻水出晒都停唔到口！🌶️🔥 蒜泥白肉怕辣嘅朋友可以試呢個！薄切五花肉肥瘦均勻，卷住青瓜片，口感清爽。蒜泥醬汁香濃得嚟唔嗆喉，仲帶少少甜味，完美中和油膩感。必點開胃菜！😋 乾鍋雞鑊氣十足！雞件炸到外脆內嫩，連埋薯仔、蓮藕同埋大量乾辣椒爆炒，香辣惹味到爆！最正係啲配料吸晒麻辣醬汁，送飯一流，食到最後連辣椒都撈埋！🍗💥 烏蠅館嘅川菜真心高質，辣度夠正宗之餘，食材新鮮，份量仲好足！鍾意食辣嘅一定要試，唔食得辣嘅都可以叫少辣，一樣咁滋味～