紅伶飯店

營業中

休息中

紅伶飯店已超過50年歷史，早前曾經一度結業，上年又再從開，朋友對此店甚有感情，要帶我一試，共享佢呢份回憶。鹵水拼盤紅腸、豬耳、鵝腸等材料，溫住咁上枱，仲細心的自動上埋辣椒油。的確點咗辣椒油後更加出色啊！我最欣賞佢嘅鵝腸，爽口彈牙，鵝脂比例令人接受，整體來講會令人一啖接一啖咁食。椒鹽九肚魚炸得非常之酥脆可口、九肚魚以滑和甜見稱，廚師炸嘅技術高超，又金又黃，炸粉比例恰當，唔會好油膩同有滯感，又係令人一塊接一塊的。時令羊腩煲（細）天氣凍，好想食羊腩煲，傳說食完會全身溫暖。聽朋友講，原來之前係無羊腩煲的，今次朋友都係第一次試。羊腩幾淋、算入味，但易入口，唔會因為太重羊味而快停手。點埋腐乳食好惹味，美中不足就是無跟生菜，但因我哋食量唔多，都未有再點菜了。我最最欣賞係椒鹽九肚魚！Btw多謝我朋友帶我嚟食，如果大家都想食就要預時間排隊或預早訂位了，都幾爆。