影片
更多
2023-02-23
136 瀏覽
今日去開太子等朋友收工，突然間好想食牛腩河，見到網上好多人推介田記魚蛋牛腩專門店，就一於去試試，果然無令我失望😍我叫咗招牌崩沙牛腩河粉，朋友叫咗雙拼（鮮蝦雲吞+ 墨丸）河加咗紫菜同蘿蔔，另外我哋再加咗蠔油芥蘭同腐乳通菜。 ▪️招牌崩沙牛腩河粉 $51份量十足好大碗，呢度出名崩沙牛腩所以係必點！「崩沙腩」位於橫膈膜附近，由於兩邊展開像蝴蝶，所以叫「崩沙腩」。呢度嘅崩沙腩肥瘦均勻，肉質鮮味腍滑不黏牙👍🏽▪️雙拼（鮮蝦雲吞+ 墨丸）河粉 $41鮮蝦雲吞好大粒，鮮甜爽口。墨丸彈牙，加咗紫菜+$7 同蘿蔔+$8，成碗粉都好足料。呢度有樣嘢幾特別，就喺佢辣椒油有麻辣版，鍾意食辣嘅朋友可以一試。我自己就覺得正常辣椒油同牛腩夾啲。呢間絕對係性價比高嘅粉麵店，而且係港式味道嘅牛腩專門店，值得一試！
我叫咗招牌崩沙牛腩河粉，朋友叫咗雙拼（鮮蝦雲吞+ 墨丸）河加咗紫菜同蘿蔔，另外我哋再加咗蠔油芥蘭同腐乳通菜。
▪️招牌崩沙牛腩河粉 $51
份量十足好大碗，呢度出名崩沙牛腩所以係必點！「崩沙腩」位於橫膈膜附近，由於兩邊展開像蝴蝶，所以叫「崩沙腩」。呢度嘅崩沙腩肥瘦均勻，肉質鮮味腍滑不黏牙👍🏽
▪️雙拼（鮮蝦雲吞+ 墨丸）河粉 $41
鮮蝦雲吞好大粒，鮮甜爽口。墨丸彈牙，加咗紫菜+$7 同蘿蔔+$8，成碗粉都好足料。
呢度有樣嘢幾特別，就喺佢辣椒油有麻辣版，鍾意食辣嘅朋友可以一試。我自己就覺得正常辣椒油同牛腩夾啲。
呢間絕對係性價比高嘅粉麵店，而且係港式味道嘅牛腩專門店，值得一試！
張貼
