影片
更多
2025-03-01
325 瀏覽
今次去咗位於ELEMENTS嘅Sepoy Mess，係一間融合印度同埋英國風味嘅fusion餐廳，主廚同埋廚師係印度人，所以每一道菜都充滿創意同埋傳統印度風味。餐廳裝潢風格復古優雅，充滿異國風情，牆上掛上以印度士兵為主題嘅藝術作品，以及掛上好多仿真槍枝作為裝飾，好有氣氛，營造出濃厚嘅殖民時代氛圍。餐廳採用通透落地玻璃設計，引入自然光線，增添空間感。此外外籍店員殷勤有禮，令大家都有賓至如歸嘅感覺。Crispy Chicken Burger雞肉漢堡用上Juicy多汁嘅雞腿，雞腿肉質軟嫩，經過印度香料醃製，好惹味，麵包口感鬆軟，配合番茄、洋蔥同埋切達芝士，口感好Fresh。伴碟嘅薯條係幼薯條，炸得非常酥脆，帶有印度香料味道。Chicken Kadai咖喱用上純正嘅印度香料、洋蔥、番茄、青辣椒同埋茴香籽等，咖喱濃稠香濃，味道微辣，配上印度烤餅一齊食絕配。醃製嘅雞肉用上新鮮黃雞，雞肉同埋雞髀肉嘅口感都醃得軟嫩入味。Garlic Coriander Naan印度蒜香烤餅，品嚐印度咖喱當然唔少得配上烤餅，烤餅嘅溫度微熱，外皮酥脆，內裏鬆軟，充滿小麥香，表面帶有香蒜焦香味道，配上印度咖喱一流。Chic
今次去咗位於ELEMENTS嘅Sepoy Mess，係一間融合印度同埋英國風味嘅fusion餐廳，主廚同埋廚師係印度人，所以每一道菜都充滿創意同埋傳統印度風味。
餐廳裝潢風格復古優雅，充滿異國風情，牆上掛上以印度士兵為主題嘅藝術作品，以及掛上好多仿真槍枝作為裝飾，好有氣氛，營造出濃厚嘅殖民時代氛圍。餐廳採用通透落地玻璃設計，引入自然光線，增添空間感。此外外籍店員殷勤有禮，令大家都有賓至如歸嘅感覺。
Crispy Chicken Burger
雞肉漢堡用上Juicy多汁嘅雞腿，雞腿肉質軟嫩，經過印度香料醃製，好惹味，麵包口感鬆軟，配合番茄、洋蔥同埋切達芝士，口感好Fresh。伴碟嘅薯條係幼薯條，炸得非常酥脆，帶有印度香料味道。
Chicken Kadai
咖喱用上純正嘅印度香料、洋蔥、番茄、青辣椒同埋茴香籽等，咖喱濃稠香濃，味道微辣，配上印度烤餅一齊食絕配。醃製嘅雞肉用上新鮮黃雞，雞肉同埋雞髀肉嘅口感都醃得軟嫩入味。
Garlic Coriander Naan
印度蒜香烤餅，品嚐印度咖喱當然唔少得配上烤餅，烤餅嘅溫度微熱，外皮酥脆，內裏鬆軟，充滿小麥香，表面帶有香蒜焦香味道，配上印度咖喱一流。
Chicken Wings
雞翼醃上克什米爾辣椒醬，大蒜同埋咖喱，好有印度風味，雞翼帶有辛辣嘅味道，好惹味。
Very Berry
Mocktails選擇咗Very Berry，賣相精緻，味道清新開胃，好解渴，表面有一串新鮮莓果，多汁美味，味道酸爽。
Strawberry Lassi
經典印度飲品士多啤梨酸奶昔，健康美味，士多啤梨味濃，味道酸甜，口感濃稠綿滑，另外配上大大粒士多啤梨，酸甜開胃。
Pistachio Kulfi
餐廳自家製嘅開心果雪條，用上開心果味同埋印度香料味嘅融合，口感係冰中帶軟糯，食落幾滑溜，好特別。
張貼
