豐信餃子店

營業中

休息中

餃子控又要出動了🥟！呢間小店啲餃子真係好好味😋！門口長期排滿人, 唔想排隊亦可以選擇外賣~餃子每日新鮮製造, 人手包製, 口味選擇有好多, 可以揀湯餃、煎餃。每隻都大大粒, 皮薄餡多, 性價比高！個人特別推介湯餃👍🏻, 湯底係用上自己煲嘅椰子海帶鮮雞豬骨濃湯, 🈚落味精, 一啲都唔油膩, 椰子味好清甜🥥, 食完餃子仲可以飲埋碗湯！想濃味啲亦可以轉惹味酸辣湯底～🥟雲耳椰菜鮮肉餃➕素餃雙拼可以一次過滿足兩個願望！雲耳椰菜鮮肉餃 - 粒粒飽滿, 裏面有雲耳、椰菜、豬肉, 菜肉比例平均, 豬肉鮮香, 内裏有肉汁; 椰菜份量多, 鮮甜爽脆！素餃 - 有冬菇、雲耳、雪耳, 雲耳爽脆, 味道相對較為清新🥟西洋菜鮮肉餃 西洋菜同豬肉比例剛好, 每一粒都塞滿西洋菜, 而且好juicy！西洋菜新鮮爽嫩, 而且切得好碎, 食落唔會有渣🥟白菜鮮肉餃➕韭菜鮮肉餃 白菜鮮肉餃 - 白菜鮮嫩翠綠, 配上香濃豬肉餡, 絕配！韭菜鮮肉餃 - 韭菜香氣十足, 食到鮮肉嘅鮮嫩, 粒粒飽滿多汁！🥢煎豆腐豆腐煎得好香滑, 豆味香濃另外仲試咗小店嘅豆漿、自家製柑桔蜜, 好飲！