簡.聚

營業中

休息中

【元朗區】【簡.聚】未同皮蛋哥慶生，就佢入元朗食飯，反正我好想試呢間門口好靚、好多花嘅西餐，食物質素就入咗去先知。入到去就覺得環境好靚，坐得好舒服。先試 $68 隻嘅生蠔，各試兩隻西班牙嘅「銀堡壘」同日本嘅「日之雪花」，兩者都肥厚爽口、海水味濃，正。食晚餐，先試前菜「煙三文魚田園沙律配凱撒沙律汁」個沙律好新鮮好正，我哋都好中意。另一份就試加 $98 嘅「香煎日本帶子配三文魚籽法式多士」，帶子同三文魚籽都係鮮甜十足，以法式多士形式食佢哋落肚稍為中和吓個油膩感，成件事夾得好好。主菜我哋先試 $168 嘅「香煎鵝肝黑松露意大利麵」，黑松露味勁香，意粉嘅口感都拿揑得好好，加埋鵝肝係畫龍點睛。試埋 $328 嘅「烤美國安格斯肉眼扒配露絲瑪莉燒汁」五成熟，塊牛扒係具質素嘅，煎嘅火候亦控制得宜，點埋燒汁嚟食都係唔錯嘅。用 Openrice 訂枱嚟慶生仲有份味道唔錯嘅法式甜品「檸檬蛋白批」送，播埋歌仲有得吹蠟燭，正呀。嘢飲佢試加 $5 嘅「薄荷葉凍檸檬茶」，我就試加 $22 嘅「凍鮮果茶」，兩者都好有特色，好好飲。埋單價 $982，我覺得以環境、服務、食物嚟講係値嘅。。。（地址：元朗元朗安寧路172-