何蘭正

營業中

休息中

今日去咗中環一間叫「何蘭正」嘅中西Fusion餐廳食晚餐，見到餐廳名就聯想起諧音食字，成間餐廳嘅裝修都好有特色，有港式嘅霓虹燈牌、中式餐廳嘅餐具擺盤、西式嘅吧枱同中西合璧嘅菜式，見到都覺得好過癮！🍊蔥油火炙半生熟刺身級三文魚片呢個前菜嘅份量好足夠，用咗好大個蠔殼同兩個鮑魚殼做擺盤，入面有好多材料，三文魚刺身好厚身，火炙燒完之後有半生熟嘅口感；涼拌鮑魚味道清甜，口感爽口彈牙；北海道三文魚籽咬落去脆口，帶有好重鮮味：手撕椰菜花、蕃茄仔同洋蔥都好爽甜，配埋開胃嘅甜酸蒜泥醬好惹味🍊伊比利亞黑毛豬叉燒呢個主菜係一個fusion菜，材料用咗外國嘅伊比利亞黑毛豬，煮法用咗中式嘅醃叉燒做法，配合傳統中式叉燒醬，令到呢碟叉燒比傳統港式叉燒更加有濃郁嘅豬味，油脂同豬肉相間，咬落去仍然保持肉汁同油花，伴碟配咗炒芥蘭同洋蔥，另外配咗法式焗薯蓉，食落口感綿滑，重牛油味，加埋黑蒜頭汁味道好特別🍊手製五仁流心朱古力煎堆呢個五仁朱古力煎堆整得好香脆，外面鋪滿五仁，入面有流心朱古力，帶有微暖嘅感覺，朱古力味濃郁；另外配有青檸椰子忌廉及香濃咖啡雪糕，可以將朱古力煎堆沾上咖啡雪糕同青檸椰子忌廉，又係另一種風味🍊蜜糖桂花呢杯