紅館

之前lunch行過，俾典雅嘅大廈吸引，見到大廈地下，仲有間餐廳唔係好貴，特登約️老公過嚟dating下😙呢度嘅法國菜，係由法國藍帶廚師主理，夜晚「6 Course Set for 2 」近排搞緊優惠～$699 就可以食到😌 每道菜都可以揀兩款，First Course 「昆布鯛魚沙律配檸檬醬」鯛魚佈滿香草配上檸檬醬沙律，超級開胃！😋平時我唔係好敢食他他，但係呢款「澳洲M8和牛他他」就配咗多士，感覺容易入口咗，另外用咗洋蔥增強口感，添上唔少香氣😛餐湯固定款式「野生菌蘑菇湯」，唔係有好多蘑菇粒嗰種餐湯，而係將蘑菇忌廉混合打到非常絲滑🙂食到Third Course「藍青口扁意粉」每份都有差不多10隻藍青口，用咗鹽去吊味，簡簡單單食到海鮮嘅香氣🦪Fourth Course 「紅館姜母鴨」、「三黃雞釀野菌卷」呢兩個item唔使加錢，仲要係好多人推介！如果兩個主菜嚟講，我比較鍾意「三黃雞釀野菌卷」，雞卷表面煎成微微焦香，以忌廉拌蘑菇釀入雞卷中央，感覺別出心裁！😜甜品都有兩款可以選擇「士多啤梨拿破崙」、「鮮果芝士撻」，我哋兩款都試晒，拿破崙應該係自家焗製，吉士醬唔會太甜，而且都俾得幾full，再用新鮮