影片
更多
2023-12-05
1921 瀏覽
今晚同朋友去左佐敦一間好有特色火鍋店食晚餐，一行入大堂就見到以50-60年代懷舊華人洋行為題既裝潢，甫進門內裡充滿懷舊氣息氛圍，有當年盛行既紅色大郵筒、巨型抽獎輪、收銀機及留聲機等，另一邊廂仲有個七彩繽紛既汽泡時光玻璃隧道，非常夢幻，雖然唔係啲個年代出生，但絕對令大家可以感受到香港的獨有情懷。參觀完餐廳環境，首先坐低點左兩杯特色飲品，一杯名叫『花月豪庭』，另一杯叫『琥珀誘惑』，兩杯飲品一上場已經好驚喜，因為外形好靚好吸晴，唔捨得飲落肚，『花月豪庭』主要藍莓加蘋果做果汁底，再加入北海道牛奶，口感香濃幼滑，再加上燒過少少焦糖脆口、內裡軟綿綿既綿花糖蛋糕，外面再加左新鮮蜜瓜同奇異果伴碟，而『琥珀誘惑』主要以番石榴做果汁底，再加入新鮮奇異果、橙汁、菠蘿汁調製而成，口感清新怡人，再加上華麗玫瑰花造型，絕對賞心悅目。火鍋湯底揀左『美顏花膠雞鍋』，湯中有半隻新鮮黃油雞、新鮮冬菇、杞子及蟲草等做湯底，味道鮮味濃郁，再加上原條粗身花膠筒，非常養顏，女士滋保養生之選。火鍋料我地就揀左幾款精緻既，當中肉類選左名為『花滿園』分別係黑豚肉片同羊肉片，肉質粉嫩新鮮，加埋浸左花膠雞湯後入口肉味香濃，當中用肉卷成玫瑰
參觀完餐廳環境，首先坐低點左兩杯特色飲品，一杯名叫『花月豪庭』，另一杯叫『琥珀誘惑』，兩杯飲品一上場已經好驚喜，因為外形好靚好吸晴，唔捨得飲落肚，『花月豪庭』主要藍莓加蘋果做果汁底，再加入北海道牛奶，口感香濃幼滑，再加上燒過少少焦糖脆口、內裡軟綿綿既綿花糖蛋糕，外面再加左新鮮蜜瓜同奇異果伴碟，而『琥珀誘惑』主要以番石榴做果汁底，再加入新鮮奇異果、橙汁、菠蘿汁調製而成，口感清新怡人，再加上華麗玫瑰花造型，絕對賞心悅目。
火鍋湯底揀左『美顏花膠雞鍋』，湯中有半隻新鮮黃油雞、新鮮冬菇、杞子及蟲草等做湯底，味道鮮味濃郁，再加上原條粗身花膠筒，非常養顏，女士滋保養生之選。火鍋料我地就揀左幾款精緻既，當中肉類選左名為『花滿園』分別係黑豚肉片同羊肉片，肉質粉嫩新鮮，加埋浸左花膠雞湯後入口肉味香濃，當中用肉卷成玫瑰花形用玻璃層碟盛載，感覺衛生大氣。第二款就係『七色丸』，主要係由七種唔同口味手打而成肉丸，包括:芝士蝦丸、鹹蛋黃、青咖哩、紅咖哩、南乳及椰芋等，肉丸爽口彈牙，顏色鮮艷，直得一試。
第三款係『一帆風順』秋葵蟹籽墨魚滑，造型似足一艘帆船，秋葵新鮮翠綠，蟹籽墨魚滑有香濃墨魚味，另外一款值得推介係『皮蛋蝦滑』，雖然看似簡單，另配左半個皮蛋加小小芝麻，可以親自手攪混合成蝦膠，蝦滑爽口有鮮蝦味，皮蛋香口，滾起入口味道恰到好處。另外柯打左炸魚皮，香脆可口。
總結:餐廳裝修華麗有特色，環境清潔舒適，食物質素亦好好，睇得出所有野都好用心設計，聚會打卡絕對一流選擇，值得推介。
張貼
