祥仔 (K11購物藝術館)

營業中

休息中

八點左右與家人在商場附近找位置吃飯，要留意他9:30左右就是最後下單時間，需要預時間吃飯和下單。因為出名嘅脆脆豬扒已經賣晒，所以就叫咗焗豬扒飯食，如果夜晚比較趕同肚餓嘅話要預時間等。豬扒都係厚切版本，汁醬好多。但係食落相比就會覺得飯底比較少。炒飯底係好食嘅，但係味道就會相對偏鹹同偏濃。叫咗雜扒餐，佢可以配飯意粉薯菜，建議薯條可以配茄汁食，甚至撈埋落個焗豬扒飯度食都OK鐵板上面有太陽蛋火腿煙肉牛柳雞扒司華力腸蕃茄蘑菇椰菜花都係幾豐富嘅，爸爸表示食得好滿足個牛柳會收咗喺下面大家記得如果唔想食咁熟快啲攞上嚟。平平無奇嘅樣子性價比唔算好高，招牌嘅瑞士汁雞翼係幾好食嘅好大隻同埋整得啱啱好。但係個瑞士汁撈埋個公仔麵相對嚟講，味道就冇乜，得顏色味道較淡，炒滑蛋攞到嚟嘅時候都係凍嘅，芝士味道亦唔算偏濃，混落公仔麵度食嘅時候冇乜特別。葡撻相對嚟講比較有驚喜，攞到嚟都係亂嘅，周圍嘅脆皮食落都幾脆，中間嘅葡撻唔會好甜，亦係正常葡撻嘅Size ，適合做飯後甜品，又特登擺個盤，建議大家加錢叫咗餐配甜品食會更划算。