影片
更多
2018-01-31
101 瀏覽
※本文以用餐當日的環境、服務和食物質素為準，口味亦因人而異，文章只作參考之用。-前排發覺友麵子舊址轉左做一間火鍋店，仲同樓上既任食倫哥火鍋打對台，不過呢間火鍋店個名令小妹印象深刻，玩食字叫「大滾友」火鍋！開玩笑一問：係咪唔正經場所黎？！放心絕對正經，仲可以大家齊齊出去滾滾下。前身麵店鋪仔細細，估唔到裝修到咁古色古香和企理。我們被安排坐卡位坐得頗舒服，店員服務態度都很好，去食個時餐廳仲係試業期間，就係上菜速度有大大改善空間，希望正式開業會更加好。前後兩頁紙的點菜紙，排版上又頗盞鬼的。火鍋湯底有「花膠雞湯」、「麻辣卜卜蜆」、「黑胡椒肉蟹混濃湯」、「花雕藥膳雞湯」等；另外仲有款式幾多的火鍋配料，比較特別有咸蛋黃炸響鈴、花雕浸牛肉、鵝肝墨魚丸等，仲有以餃子為主題的「今晚餃唔餃」見到個大標題都忍唔住笑左！（醬料$20/位，另收加一）不得不說既係呢度既鍋超有氣勢，兩邊都有個龍頭造型對住你。半隻花膠雞湯鍋 $288想食花膠雞湯一段時間了，上枱時，花膠同雞係同鍋湯分開既，店員會幫手剪細花膠放落鍋裡，滾多滾可以先飲左雞湯同食花膠先。雞湯入口唔會話好濃味，飲到既係陣陣雞湯既鮮味，覺得係無落味精的，仲有軟綿
-
前排發覺友麵子舊址轉左做一間火鍋店，仲同樓上既任食倫哥火鍋打對台，不過呢間火鍋店個名令小妹印象深刻，玩食字叫「大滾友」火鍋！開玩笑一問：係咪唔正經場所黎？！放心絕對正經，仲可以大家齊齊出去滾滾下。
前身麵店鋪仔細細，估唔到裝修到咁古色古香和企理。我們被安排坐卡位坐得頗舒服，店員服務態度都很好，去食個時餐廳仲係試業期間，就係上菜速度有大大改善空間，希望正式開業會更加好。
前後兩頁紙的點菜紙，排版上又頗盞鬼的。火鍋湯底有「花膠雞湯」、「麻辣卜卜蜆」、「黑胡椒肉蟹混濃湯」、「花雕藥膳雞湯」等；另外仲有款式幾多的火鍋配料，比較特別有咸蛋黃炸響鈴、花雕浸牛肉、鵝肝墨魚丸等，仲有以餃子為主題的「今晚餃唔餃」見到個大標題都忍唔住笑左！（醬料$20/位，另收加一）
不得不說既係呢度既鍋超有氣勢，兩邊都有個龍頭造型對住你。
半隻花膠雞湯鍋
$288
11 瀏覽
0 讚好
0 留言
半隻花膠雞湯鍋 $288
想食花膠雞湯一段時間了，上枱時，花膠同雞係同鍋湯分開既，店員會幫手剪細花膠放落鍋裡，滾多滾可以先飲左雞湯同食花膠先。雞湯入口唔會話好濃味，飲到既係陣陣雞湯既鮮味，覺得係無落味精的，仲有軟綿綿既花膠食。飲完湯再落埋雞件食，不過雞件就略為肥左少少，皮亦較厚。
日本手切飛驒和牛
$328
20 瀏覽
0 讚好
0 留言
日本手切飛驒和牛 $328
盤和牛上枱時仲有乾冰襯托住，噴晒煙很夢幻的。驟眼睇約有十幾片和牛，可惜中間砌成花形既有點傾斜了。靚既和牛稍微輕輕一焯已經食得，入口肉質相當軟嫩，肉味一湧而上，不需蘸上任何醬汁，細味品嚐就好。
大滾友手打肉丸拼盤 （10粒）
$108
22 瀏覽
0 讚好
0 留言
大滾友手打肉丸拼盤 （10粒）$108
包括有蟹子墨魚丸、蟹子鮮蝦丸、鵝肝墨魚丸、牛丸同豬肉丸各兩粒。手打丸類食落新鮮無誤，係墨魚丸尚欠點墨魚味。不過個鮮蝦丸真係好鮮味爽口、鵝肝墨魚丸咬到一半仲見到鵝肝流緊油，配搭新穎味道都唔錯。牛肉既牛味都好重，味道似係以鮮牛肉打出黎。
黑松露蟹肉餃
$88
14 瀏覽
0 讚好
0 留言
黑松露蟹肉餃 $88
小小一隻卻相當飽滿既蟹肉餃，咬落滲出陣陣唔會過於強烈既松露味，仲見到裡面混有絲絲蟹肉同蝦米。不過蟹肉味唔算好重，可以重手返少少。
即炸黃金響鈴
$68
16 瀏覽
0 讚好
0 留言
即炸黃金響鈴 $68
黃金響鈴=咸蛋黃響鈴，由於即點即卷即炸，所以等都左一陣子。建議可以當小食黎食，因為浸湯後咸蛋黃味應該會流。用咸蛋黃黎炸既響鈴咬落好酥脆，蛋黃味好重，食落仲有起沙既感覺，小妹覺得幾好食，不過食兩條已經係極限，都幾飽肚。
蜂巢冰豆腐
$48
4 瀏覽
0 讚好
0 留言
蜂巢冰豆腐 $48
食火鍋必點蜂巢豆腐，好似海綿咁吸晒湯汁好滋味。
芝士腸 $32
整體黎講火鍋同食物質素都唔錯，但如果飲品增加返茶類選擇會更好，同埋今次食火鍋基本上都好夠味，醬料無郁過咁滯，但要比兩位合共$40+10%醬料錢有點貴，如果價錢可以調整返少少就好。
張貼
