影片
更多
2022-09-22
203 瀏覽
U grad嘅時候去過荷蘭旅行🌷，當時因為窮遊，冇乜點真正品嚐荷蘭地道菜式，困係香港幾年冇得外遊，唯有試吓唔同國家嘅菜式，當去咗旅行。:朋友介紹呢間係荷蘭華僑開嘅餐廳，除咗可以食到原汁原味嘅荷蘭菜式，廚師超班嘅烹調技巧令到每一道菜都有fine dining級數。:👍🏻 誠意推介大家去嘅餐廳，品嚐高質異國菜👍🏻:餐廳選用簡單溫馨嘅裝修，配以一盞華麗嘅水晶吊燈，每張枱上面放一組蠟燭，同埋荷蘭風車、鬱金香擺設，令人有一種好warm既感覺。:餐廳職員好專業，推介左幾款荷蘭家傳戶曉既地道小食。品嚐完之後，我都超級建議大家一定要點幾款荷蘭小食試吓！:🥢荷蘭香腸配洋蔥咖喱蛋黃醬———————————————係由雞肉加豬肉製成肉腸，再𠝹開一半放入咖喱吉士醬、洋蔥碎粒，味道層次豐富，after taste係印度咖喱香料味。:🥢阿姆斯特丹脆炸牛肉丸—————————————一款荷蘭街知巷聞嘅小食，一粒脆卜卜嘅圓球，一咬開入面係流心質地，原來係用牛骨熬製成湯，撈埋麵團、牛肉絲搓成球，好香牛味，好有驚喜。:🥢荷蘭脆炸海蝦丸———————————————專登用翻荷蘭空運返嚟嘅海蝦，做到最地道風味，好濃郁嘅蝦膏味
:
朋友介紹呢間係荷蘭華僑開嘅餐廳，除咗可以食到原汁原味嘅荷蘭菜式，廚師超班嘅烹調技巧令到每一道菜都有fine dining級數。
:
👍🏻 誠意推介大家去嘅餐廳，品嚐高質異國菜👍🏻
:
餐廳選用簡單溫馨嘅裝修，配以一盞華麗嘅水晶吊燈，每張枱上面放一組蠟燭，同埋荷蘭風車、鬱金香擺設，令人有一種好warm既感覺。
:
餐廳職員好專業，推介左幾款荷蘭家傳戶曉既地道小食。品嚐完之後，我都超級建議大家一定要點幾款荷蘭小食試吓！
:
🥢荷蘭香腸配洋蔥咖喱蛋黃醬
———————————————
係由雞肉加豬肉製成肉腸，再𠝹開一半放入咖喱吉士醬、洋蔥碎粒，味道層次豐富，after taste係印度咖喱香料味。
:
🥢阿姆斯特丹脆炸牛肉丸
—————————————
一款荷蘭街知巷聞嘅小食，一粒脆卜卜嘅圓球，一咬開入面係流心質地，原來係用牛骨熬製成湯，撈埋麵團、牛肉絲搓成球，好香牛味，好有驚喜。
:
🥢荷蘭脆炸海蝦丸
———————————————
專登用翻荷蘭空運返嚟嘅海蝦，做到最地道風味，好濃郁嘅蝦膏味，入邊仲有少少蝦仁咬口，同樣都係流心咖，Yummy!
：
🥢孫木煙燻鰻魚
—————————
鍾意食刺身既朋友一定唔可以錯過，煙燻味濃郁嘅鰻魚，職員話煙燻左六個鐘。係荷蘭特有嘅鰻魚，比較細條，口感軟綿得嚟有啲彈牙，加埋自家製嘅醬汁，酸酸甜甜好開胃，一試難忘。
:
🥢荷蘭粗薯配咖喱蛋黃醬
——————————————
呢個咖喱蛋黃醬係同香腸小食一樣，蛋黃滲透甜味，同時間咖喱香料味又濃郁，加埋微酸嘅洋蔥粒，一啖展現多重味道，食唔停口。
:
🥢家鄉荷蘭豆湯
—————————
荷蘭人冬天飲嘅湯，飲完個胃真係好暖，將青豆磨成茸，巧妙地加入左煙燻肉粒、腸仔、肉絲、薯仔，完全冇草青味，餡料好豐富。
：
🥢荷蘭青口鍋
————————
餐廳特登用返荷蘭人專用嘅青口煲，上下兩層，冚住就可以焗熟，打開之後可以用嚟放青口殼。青口仲要係新鮮由荷蘭空運，保留海水做湯底，青口有濃濃海鮮味，肉質仲要好爽，完全同冰鮮係兩個世界。
.
🥢蘋果金寶配雲呢拿雪糕
——————————————
新鮮出爐，聞到香噴噴既肉桂味，批底好鬆脆，餡料又唔會好甜，食完都唔會覺得好膩，算係食過數一數二最好味apple crumble，大滿足。
張貼
