影片
更多
2023-08-01
58 瀏覽
餐廳位於灣仔道恆匯中心頂樓，裝潢新淨有格調，另設有一間可容納十多人嘅VIP房可唱住K咁食飯飲酒。此外，上多一層仲有一個Rooftop Bar，有internal staircase & lift連接，居高臨下，可邊飲酒邊欣賞優美嘅City View，仲睇到少少維港海景，但夏天真係太熱，反而冬天應該幾Chill......今晚星期三，九點零鐘開始有Live Music聽，雖然餐廳唔大，但勝在樓底超高，就算唱Live啲聲都唔會逼實曬而太嘈，有免費歌聽，當然係餐廳其中一大賣點。除Music外，餐廳嘅食物質素都唔錯，連擺盤都幾有high-end嘅感覺。慢煮西班牙豬鞍紅酒香草汁 ($198): 豬鞍肉質細嫩，切落去有彈性之餘，亦流出豐富肉汁，邊位帶少許脂肪，油香突出，肉味亦幾香。配菜有燒甜薯及什菜等等。另外點左一款$538嘅4-course set dinner，有前菜、湯、主菜，及甜點。前菜 - 三文魚子鮮蝦蟹肉沙律: 內含蟹肉及鮮蝦肉，鮮加上三文魚子，幾鮮香，由於拌沙律醬，味道香甜。湯 - 甘荀濃湯: 湯嘅質感稠密，甘荀味突出，濃郁可口。連搭配嘅麵包都係外脆內軟，非常酥香。主菜 - 香煎加拿
今晚星期三，九點零鐘開始有Live Music聽，雖然餐廳唔大，但勝在樓底超高，就算唱Live啲聲都唔會逼實曬而太嘈，有免費歌聽，當然係餐廳其中一大賣點。
除Music外，餐廳嘅食物質素都唔錯，連擺盤都幾有high-end嘅感覺。慢煮西班牙豬鞍紅酒香草汁 ($198): 豬鞍肉質細嫩，切落去有彈性之餘，亦流出豐富肉汁，邊位帶少許脂肪，油香突出，肉味亦幾香。配菜有燒甜薯及什菜等等。
另外點左一款$538嘅4-course set dinner，有前菜、湯、主菜，及甜點。前菜 - 三文魚子鮮蝦蟹肉沙律: 內含蟹肉及鮮蝦肉，鮮加上三文魚子，幾鮮香，由於拌沙律醬，味道香甜。
湯 - 甘荀濃湯: 湯嘅質感稠密，甘荀味突出，濃郁可口。連搭配嘅麵包都係外脆內軟，非常酥香。
主菜 - 香煎加拿大牛柳配和牛面頰肉焗薯伴香草紅酒汁: 牛柳軟腍，滑嫩多汁，牛味適中，香草紅酒汁幾香幾惹味。另外，焗薯脆香，和牛面頰肉亦幾濃郁。
甜品 - 廚師精選甜品: 一客共有三件，包括芒果杏仁拿破崙及朱古力蛋糕，幾精緻，最特別係以黑膠唱片機呈上，仲播得出音樂，幾有趣。
張貼
