影片
港鐵銅鑼灣站 B 出口, 步行約8分鐘
繼續閱讀
電話號碼
28339190
營業時間
今日營業
12:00 - 02:00
星期一至三
12:00 - 02:00
星期四至六
12:00 - 04:00
星期日
全日休息
以上資料只供參考, 請與餐廳確認詳情
有關獎賞計劃
朋友問有沒有推薦的酒吧，我就立即從我的收藏口袋中找了這家🤣除了是因為有高樓夜景、live band， 還是因為有我想嘗試已久的煙燻白鱔🤣環境好，服務更是十分熱情，總括而言很高分❣️ ✿ 日式醬燒煙燻白鱔 $288衝著這而來的😍 十分推薦大家跟著衝😌presentation 一流， 木盒+煙霧在背景的燈光下， 像一個放滿珠寶的寶盒😂白鱔份量足夠3-4人分享😋肉感彈牙，油脂豐盈，煙霧不是虛有其表， 白鱔全得到煙燻香氣的加持醬燒的調味恰到好處，微甜，減低肥膩的感覺還配了少許薑蓉，看似不配合，我嘗試過後覺得還可以，供大家轉換口味之用， 不過當然原來的調味已經很出色了😝 ✿ 意式羅勒香草醬雜菜沙律 $128作為沙律控，我很喜歡這款沙律😍意式雜菜 包括節瓜甜椒南瓜等，大片厚身多汁， 軟硬程度適中，不覺油膩，也沒有烤焦了的痕跡，配香草羅勒醬很清新還有數塊大片的硬質山羊(？)芝士😍底部有少許沙律菜 酒類的種類很齊全餐廳還有天台花園，那天太累就沒有上去拍照了，大家自行探索一下 據說打卡很出色🤣午餐看起來也很划算😍會回訪
繼續閱讀
銅鑼灣灣仔一帶美食數之不盡，今日朋友介紹喺恒匯中心高層呢邊有間靚view 餐廳，想一齊chill下～上到黎發現同場已有大約二三十人係到舉行家庭聚會，氣氛熱鬧，不過當日就冇LIVE BAND，落地玻璃可以俾大家一路食飯一路欣賞下灣仔既景色，幾岩有特別事慶祝。我地叫左一份德國豬手腸拼盤/西班牙辣肉腸青口配面包/法式蠔汁鮮蠔芝士焗意粉，本來門面+有靚VIEW以為野食價錢都會幾貴，但原來勁抵，每樣都係100-200蚊。西班牙辣肉腸青口配面包辣肉腸炒青口令到青口味道比起一般就咁焗多左D辣味同埋層次比較豐富，青口本身夠厚肉大隻，配料可以放埋上去一齊擺入口。另外，面包超有驚喜，脆同埋有好濃既蒜蓉香味法式蠔汁鮮蠔芝士焗意粉我地簡左喱個比較少見既鮮蠔芝士焗意粉，本來都有D驚會好腥，但味道原來出奇地夾~用蠔汁焗既意粉有種特別既鮮味，而鮮蠔份量亦都唔少，或者因為用左鮮蠔去焗，整個意粉整體唔乾但有濃濃既蠔味，超特別德國豬手腸拼盤豬手上菜時已經切好，唔需要另外再切。豬手味道非常好，唔會死咸，表皮夠脆，同埋廚房都切得幾好，肉同皮都可以一齊食到。腸既份量非常多，建議3個人分食，個人最喜歡豬肉腸，夾埋酸菜食可以解膩。今次雖然冇飲酒，但見到酒既選擇都非常多，價錢公道，非常推介有特別事要慶祝既朋友黎喱到chill下。
繼續閱讀
今日突登拎假休息，膽粗粗揾左一間一致好評既餐廳同朋友食，結果都真係冇揀錯！🤩呢間餐廳位於一棟商業大廈頂層，冇去過絕對唔知呢到有間餐廳係到🥹 我同朋友避開繁忙時間，大概兩點幾先到，好彩仲有lunch set揀🥳一入到去，已經俾個景觀嚇親，勁開揚同埋勁靚，望到維港急跑馬地馬場😍😍 餐廳好大，樓頂好高，感覺好闊落👍🏻 隔離仲見到有個Band show area，係for餐廳夜晚有live band show，可惜晏晝冇，如果唔係一定好有氣氛🤩隨即同朋友點咗兩個lunch set加小食，話晒都放假嘛😗前菜 （蕃茄蝦湯+香草麵包&蕃茄麵包）首先So sorry🥹🥹店員好盡責講解湯同麵包既製作方法，但我腦裝草，唔係好記得佢講咩🥹淨係記得佢話蝦湯好濃郁係因為用鮮蝦蝦殼煮兩次等等。的確，真係好有鮮蝦味，反而蕃茄味一開始唔係好出，慢慢地先會飲到蕃茄既味道，仲有橄欖油同埋黑椒俾你按口味調配，而淨係湯既份量都唔少！🙈另一方面，麵包分香草同埋蕃茄味。香草味好香好鬆軟，蕃茄麵包都好特別，比香草麵包較脆，好加分🤩香煎帶子、野菌配黑松露魚子醬凍天使麵 ($168)朋友食左一啖就爆咗句好好味！賣相方面，兩種菇圍住天使麵，見到兩種菇嘅外型同排序都有花心思。而每一條天使面都有滿滿嘅黑松露魚子醬，天使麵嘅上方就有帶子仲有三文魚籽，擺碟已經好精美😍味道方面，凍天使面好清爽，加上濃濃嘅黑松露魚子醬，令口感更為豐富！食材高質，帶子煮得岩岩好，肉質唔會韌☺️☺️法式龍蝦米多配龍蝦汁意粉 ($198)呢啲賣相已經好高級，龍蝦啖啖肉，鮮甜美味，好容易切出嚟，亦都好多膏，好深印象。意粉配有龍蝦汁，十分香濃。一般食開意粉，去到最尾個醬汁都會有少少膩同埋dry嘅感覺，但係呢一碟可以撐過去🤣唔知係咪因為底部嘅意粉，個龍蝦汁更加濃郁，最後完全K.O.咗成碟意粉🥰 (唔係因為我大食OK ？😗)留意返，佢都要時間烹調，趕時間既就要留返下次先試到啦🥹泰式炸蟹餅 (Option + $38)嗱，淨係講價錢，見到正價係90幾蚊， lunch Menu加$38就有，係咪要叫先？🙈🤣 出到嚟，個炸蟹餅都超有料，切開一半係會見到蟹肉仲有其他配料喺度，個泰式汁仲要係廚師自己調配，同蟹餅好match （當然淨係食蟹餅都好夠味）🤩🤩廚師精選甜品 (Option + $48)呢個甜品係集合咗餐廳三款甜品而成，廚師想客人試晒三款甜品，所以就出咗呢一個option😍 三款甜品包括焦糖蘋果蛋糕，栗子蛋糕，同埋榛子朱古力蛋糕(?) 我最鍾意焦糖蘋果蛋糕，一陣可以講多啲🥳栗子蛋糕正常發揮，好栗子🤣 朱古力蛋糕好脆，幻想係食緊金莎咁，偏甜，但因為佢好脆，同另外兩款Texture又好唔同🥰西班牙蒜片炒蝦 ($198)炒蝦好惹味，有少少少少辣，刺激味蕾🎢 蝦好大粒，蝦肉好爽，好鮮，仲有大大粒嘅菇，好味但我係食唔晒的，真係太多🤣🥹🙈🙈焦糖蘋果蛋糕 ($78)超級出色！要再encore！底部有滿滿嘅蘋果果肉，焦糖有少少苦味，中和咗個甜味令到佢唔會太甜，個cream本身好軟滑，兩樣嘢夾埋超級match，如果佢出個生日蛋糕size就好啦🤣🫰佢仲有個空中花園，可以比狗仔上去架！個天台都好大，可以容納唔同性質嘅客人，例如飲酒超、chill、食野等。不過，天台因安全問題，落雨等原因有時未必開放，最好打電話book枱加問下店員有冇開放☺️ 但係依然可以坐室內，一樣咁有氣氛❣️店員仲推介晚餐有三樣嘢多人點，包括煙燻三黃雞、煙燻白鱔同埋豬手，都係需要好多功夫去完成嘅菜式。有興趣可以book枱時order埋，同埋要預時間去食，真係會feel到佢哋嘅用心💕結論🫰廚師用心烹調🫰味道出色🫰環境優雅靚景，仲有night music show同天台可以chill!好味度：10/10回頭度：10/10 餐廳資料餐廳名稱：City Dancer Grill & Live Music Bar餐廳地址：灣仔灣仔道232號恆匯中心30樓營業時間：星期一至三12:00 - 02:00；星期四至六12:00 - 04:00；星期日 全日休息
繼續閱讀
「City Dancer Grill & Live Music Bar」位於灣仔恆匯中心頂樓30樓，樓底高，裝潢時尚有格調，為一家酒吧西餐廳，最特別嘅係晚上九點左右就會有駐場歌手表演Live Music，眼看都有幾檯人為音樂而來。Guinness ($108): 健力士黑啤其實一啲都唔苦，醇香幼滑，微甜，帶咖啡及麥芽香，係我最喜愛嘅啤酒。芝士焗炸薯條（$48）: 粗薯條先炸，後加芝士焗製，酥脆具薯味，且帶芝士咸香，為不錯的佐酒小食。法式蠔汁鮮蠔芝士焗意粉 （$198）： 呢個意粉幾特別幾好食，芝士白汁中滲透蠔汁嘅鮮香，醬汁稠密，非常濃郁，另有三顆蠔肉，肉質飽滿幼嫩，肥美鮮甜，絕對值得一試。慢煮西班牙豬架配蘋果醬（$238）： 慢煮方式煮製，熟度不能自選，但其實都睇得出豬鞍肉唔係Well Done，其肉質仍保持細嫩，具肉汁且有彈性，肉味香濃，豬皮帶有Crispy口感，有少少燒腩仔皮嘅香味。蒜香牛油烤野菌（$48）：隨便搭多一個side dish，蒜蓉牛油炒就一定好食架喇，野菌香滑多汁。
繼續閱讀
City Dancer Grill & Live Music Bar📍灣仔灣仔道232號恆匯中心30樓唔知大家對儀式感有幾大追求呢？會唔會記住某啲特別日子，藉此機會慶祝一番？我同朋友經常會係放工後見面食飯，之前都分享過好多快食之選。但今晚比較特別，我同佢都有着得比平時返工正式，為嘅就係慶祝一下兩年前我哋第一次去街嘅呢一日。雖然聽落好似有啲無厘頭，但因為我哋都唔太喜歡喺大時大節同人迫、硬食貴價，所以喺呢啲非假日嘅平日，隆重地慶祝一下對我哋兩個有特別意義嘅日子，反而更加開心。我揀咗呢間位於灣仔嘅bar，一心諗住book個空中花園同佢撐下檯腳，點知天公不造美，全日都落大雨，雖然到埗時已經停雨一段時間，天台嘅地下都乾咗，但雨後天氣潮濕翳焗，所以我哋選擇坐係室內，慶幸店員安排咗我哋坐喺對正跑馬地嘅窗邊，有得睇住靚景共進晚餐。雖然同預期唔同，但當晚夜景幾靚，背景播嘅港台音樂亦係我哋耳熟能詳嘅歌，店員亦好有禮貌，情調氣氛都令人滿意。介紹食物前，想特別highlight一下當晚最享受嘅moment。其實揀呢間餐廳嘅其中一個原因，係想同朋友感受下live band music嘅用餐氣氛，不過我哋都唔太肯定係咪每一晚都會有駐場歌手表演，所以係食緊嘅過程中都有留意舞台嘅動向。食完一樣又一樣，連天台嘅夜景都睇埋，都遲遲未見有歌手樂手，我哋都打定輸數，諗緊一定係因為平日晚上嘅關係，所以無live performance。正當有少少失落時，喺店員送上甜品嘅同時，燈光被調暗、有三位音樂人上台準備，我哋即刻有返心機。後來先知道，原來晚上九點鐘開始，先會有live music聽，所以衝住音樂而嚟嘅朋友要留意啦。呢晚有齊琴手、結他手同主音，三人先輪流獨唱，然後再唱下duet同harmonies，首首歌曲都好經典，歌手樂手們仲好識搞氣氛，除咗有為場內慶生嘅客人唱生日歌，見到我哋坐埋一齊拍手打beat，主動話要唱返首情歌俾我哋聽，令我哋更加投入。我想藉此機會多謝當晚嘅表演者，各位嘅演出非常有水準，歌藝了得，而且演繹經典金曲時有加入自己嘅風格，為我哋帶來一晚精彩表演，令呢個紀念日更加難忘。 💰$48鴨油焗薯仔 🥔Side Dish主要有各類菇菌、蔬菜同薯仔菜式供以選擇，由於我想食薯仔，但又唔想食得咁油膩，所以揀咗鴨油焗薯仔。望落細細兜嘅薯仔事實上有十多件，表面烤焗得金金黃黃，撲鼻而來陣陣鴨油香氣。薯仔口感軟糯不乾粉，烤焗過嘅表皮略帶脆口，食落啖啖鮮薯味，好食！ 💰$238慢煮西班牙豬架配蘋果醬 🐖我揀咗慢煮pork rack做main，配上香甜幼滑嘅apple purée同醬汁，味道清新不膩。豬肉肉質紮實，自身帶有濃香豬肉鮮味。外層輕輕烤過後帶有焦香，內層肉色粉嫩多汁，口感味道均恰到好處。配菜車厘茄、露筍亦唔馬虎，前者一咬爆汁，後者幼嫩無渣，食材相當新鮮。 💰$288日式醬燒煙燻白鱔 🎣煙燻白鱔以木製長方盒呈上，廚師會將蘋果木碎望入抽屜內燒香，蓋上盒蓋以香煙燻製白鱔，造型吸晴，適合打卡。打開盒蓋一刻，白煙隨隨飄出，蘋果木香氣四散，滿足視覺嗅覺。白鱔肥美肉厚，魚皮煙韌，塗滿特製日式醬汁後才燒，件件魚肉都帶有醬汁嘅濃香同木燻後嘅香氣，味道口感更勝一般炭燒鰻魚。 溫馨提示，鱔肉近中線位置有些少幼骨，食用時要注意呀。 💰$78栗子合桃慕絲蛋糕 🌰我哋一人點咗一份甜品，朋友揀嘅栗子合桃慕絲蛋糕，栗子mousse口感綿密細滑，同海綿蛋糕層層相間，配上脆脆堅果底層同合桃碎，層次豐富，味道清甜淡香。 💰$78比利時脆朱古力慕絲蛋糕 🍫我就揀咗用上比利時朱古力製作嘅蛋糕，mousse夾心有脆脆嘅朱古力碎，亦有混入榛子醬整餅底，增加口感。
繼續閱讀