Boaz House

營業中

休息中

真係估唔到原來香港有一間以基督教為主題嘅餐廳😛，環境仲要幾靚，食嘅嘢都好特別，我哋今次揀咗個二人餐，貪佢咩都可以試下。二人餐（$3️⃣6️⃣8️⃣）佢包左兩碗餐湯、兩杯飲品、一份前菜、一份主菜、一碟意粉/飯同埋甜品，超豐富。鷹嘴豆蔬菜球比起沙律，我更加鍾意食鷹嘴豆！呢個鷹嘴豆整得超好食😋，外層好脆，入面係鷹嘴豆蓉，好似薯蓉咁，炸到熱辣辣好正。水波蛋香草燒汁雞肉意粉我覺得佢呢個燒汁幾特別，有啲啲似咖喱，少少辣咁。佢個雞肉本身葉得好入味，好重香草味，而個意粉就比較彈牙。彼得香酥魚我覺得重頭戲應該係呢一個！其實我唔知佢係咩魚🤣，但佢揸到炸到連個骨都好脆，但魚肉仲好滑又唔鞋，其實我覺得唔點醬都已經好好食！地中海酥脆香蕉甜品有香蕉同埋甜甜圈揀，朋友就揀咗食蕉🤣。其實本身會以為好甜，但食落去又唔會喎，而且啲香蕉炸到溶晒咁，配埋外層脆皮一齊食感覺好特別，呢個可以試吓。我覺得呢一餐同平時食個西餐好唔同，啲食物款式好特別，條魚令我印象幾難忘。同埋佢嗰個花牆真係好靚🙈，好啱打卡。