摩登堂 (荃灣廣場) (已結業)

全新泰國餐廳「摩登堂 More than Thai 」登陸荃灣廣場，感覺相對新派，仲有部份特色打卡菜式，以及大量加入泰式元素嘅飲品、水果茶、沙冰，及雪糕甜品等等。冬陰功紅蝦湯 ($88/2位用): 原鍋上keep warm唔怕變凍急住飲。湯頭偏濃郁，冬陰功味重，有大量海鮮，包括紅蝦兩隻、魷魚、青口及蜆，整體新鮮，亦令個湯更香甜，最後，辣度適中（對本人而言，因湯內有大量指天辣粒，大概有譚仔小辣程度，友人飲一啖已經頂唔順，但食開譚仔特辣的我表示正常並有少少辣味）。炭燒牛肉串燒 ($18@ 3串起): 肉嫩帶點脂肪，油香豐富，肉味適中，加上沙嗲醬汁，幾惹味。手工月亮炸蝦餅 ($58/4件): 外層酥脆，肉質緊緻Q彈，蝦味濃郁，蘸泰式香辣/甜酸醬更香口。泰國D24榴槤酥球 ($48/4件): 外皮香脆，內裡軟糯，非常酥香，D24榴槤味頗香甜。鮮芒生椰楊枝金露 ($42): 飲品其實都幾大杯，500ML，飲完都好飲食左個甜品咁，沙冰仲誇，750ML成座山咁高。芒果份量多，富椰香，好似食緊楊枝金露糖水咁。