隨心 (已搬遷) 新店位置

我食過一次之後，就深深愛上咗佢🥹，雖然鰂魚涌對我嚟講比較遠，但我係會絕對返去探佢。🔆招牌沸騰魚（$1️⃣9️⃣8️⃣）真係冇諗過一間專整新加坡菜嘅舖頭整川菜都咁好食😋！佢呢一款招牌沸騰魚，有啲似走酸菜嘅酸菜魚咁，冇咁酸，更加食得魚既鮮甜味。佢啲魚肉好新鮮好嫩😆，份量又多。入面好多配料，最鍾意就係啲寬粉，佢爽爽哋，口感好好。佢唔會算好辣，冬天食呢個真係超正🥹！🔆荔枝灣咕嚕肉（$1️⃣2️⃣8️⃣）呢一款咕嚕肉同平時食既有少少唔同，因為佢入面有荔枝😍，大愛荔枝。咕嚕肉炸粉唔厚，每一舊都沾滿左醬汁，酸酸甜甜好開胃。🔆新加坡黑蘿蔔糕（$5️⃣8️⃣）次次食新加坡嘢都一定會叫呢個！咁呢個醬油兜得好均勻，真係每一個蘿蔔糕都勁黑，充滿醬油嘅味道。蘿蔔糕唔算好粉，啱啱好，有少少肉碎同蝦米咁，好惹味，呢一款我都好鍾意❤️！最後叫咗2杯飲品，中意佢低糖🙈，飲落冇咁大罪惡感。整體嚟講，真係好滿意，超中意呢一間，環境又乾淨企理，啲姐姐服務好好🥹，我會再返嚟❤️。