影片
更多
2023-05-21
21 瀏覽
係九龍灣想醫肚選擇超多，今日無意中發現左呢間係德福二期既韓燒店，因為店面係food court 隔離，唔知差點行過籠。.今日坐卡位，好闊落，抽風都好好，唔會好油煙味，座位枱面都乾淨，唔會油淋淋。.一坐低店員即刻會幫你加泡菜雞蛋同芝士粟米係爐邊，食完仲可以無限任添，仲有前菜三小碟，韓燒標準配搭。.🔹大牛骨🔹呢到既主打黎，好震撼，真係大大條牛骨，肉就已經起好左切成一粒粒方塊肉，每粒肉既四邊有輕輕炙燒過，中間仲係生的，可見到肉肥瘦相間。燒過後，肉質軟腍，咬落滿滿油香，喜歡油脂豐富的一定鍾意。. 🔹食堂牛小排 (醬油) 🔹呢個相對就瘦啲，牛味重啲，但口感一樣咁軟腍，由於有用醬油醃製過，食到淡淡醬油甜味。.🔹濟洲特上黑毛豬拼盤 🔹喜愛食豬的必點，拼盤有大大塊豬排、五花肉、豬頸肉同豬皮。店員會幫我地燒豬排，因為比較搶火，經專人燒既豬排熟度剛好，肉質唔柴又醃製得入味。薄切五花肉燒過後逼左油份出黎，外脆內香、豬頸肉爽脆，豬皮Q彈。.🔹每日新鮮鰻魚(半份) 🔹呢個都係招牌菜，而且店員會幫你燒，因為需要技巧先燒得好。鰻魚新鮮，加上燒烤時店員會加檸檬汁癖腥，到差唔多燒好時會加甜醬汁。口感非常彈牙，尤其魚皮部
.
今日坐卡位，好闊落，抽風都好好，唔會好油煙味，座位枱面都乾淨，唔會油淋淋。
.
一坐低店員即刻會幫你加泡菜雞蛋同芝士粟米係爐邊，食完仲可以無限任添，仲有前菜三小碟，韓燒標準配搭。
.
🔹大牛骨🔹
呢到既主打黎，好震撼，真係大大條牛骨，肉就已經起好左切成一粒粒方塊肉，每粒肉既四邊有輕輕炙燒過，中間仲係生的，可見到肉肥瘦相間。燒過後，肉質軟腍，咬落滿滿油香，喜歡油脂豐富的一定鍾意。
.
🔹食堂牛小排 (醬油) 🔹
呢個相對就瘦啲，牛味重啲，但口感一樣咁軟腍，由於有用醬油醃製過，食到淡淡醬油甜味。
.
🔹濟洲特上黑毛豬拼盤 🔹
喜愛食豬的必點，拼盤有大大塊豬排、五花肉、豬頸肉同豬皮。店員會幫我地燒豬排，因為比較搶火，經專人燒既豬排熟度剛好，肉質唔柴又醃製得入味。薄切五花肉燒過後逼左油份出黎，外脆內香、豬頸肉爽脆，豬皮Q彈。
.
🔹每日新鮮鰻魚(半份) 🔹
呢個都係招牌菜，而且店員會幫你燒，因為需要技巧先燒得好。鰻魚新鮮，加上燒烤時店員會加檸檬汁癖腥，到差唔多燒好時會加甜醬汁。口感非常彈牙，尤其魚皮部分，肉質嫩滑又唔腥，同埋魚油甘香，果然名不虛傳。
.
🔹牛‧燒肉飯 🔹
呢到韓燒出色，但估唔到熱食都唔錯。價錢雖然唔平，但個份量超大份，兩個人食綽綽有餘。牛肉入味又嫩滑，配上泡菜及溫泉蛋冇得輸，幾飽都要扒埋碗飯！
.
🔹朱古力棉花糖🔹
建議可以留肚試下，份量都大，最好四人或以上先試，用竹籤吉住棉花糖燒到半融，即刻用餅乾夾住，勁甜勁滿足。
.
🔹梅子青檸梳打、濟洲特飲🔹
梳打酸酸甜甜，特飲係橙/柑橘口味，配上重口味燒烤十分解膩。
張貼
