影片
更多
2023-08-28
1676 瀏覽
鏞記屹立係中環超過八十年，主打粵菜，注重食物既原味同烹調技巧，以燒鵝最廣為人知。通常都黎呢度食晚飯，貪佢水準穩定，選料用心，價錢合理！🪿正宗炭燒黑鬃鵝餐廳用上頂級廣東黑鬃鵝，以獨家秘方醃製後炭燒，之後運到香港，每日都新鮮製作，售完即止🫣一上檯就淋上熱辣辣既燒鵝汁，皮脆肉嫩，皮下仲有一層油脂，最厲害係做到油而不膩，再點埋酸梅汁，齒頰留香。🐖鮮摘鳳梨咕嚕肉咕嚕肉粉漿薄身，酸甜平衡。豬肉入口無臭豬味🐽，肉質香嫩又唔油膩，搭配洋蔥，新鮮菠蘿同一堆三色椒，色彩鮮艷，胃口都大增！🐟碧綠油泡生斑球斑球肉質鮮美，色澤迷人，魚味經過爆香後更突出😉！伴碟既百合同西芹一啲都唔馬虎，兩者都好清脆爽口，點鮮蠔油後提升左斑球既風味！🦑避風塘揀手吊片吊片係曬乾既魷魚，用比土魷更細隻既魷魚，通常曬至半乾濕，保留其口感同香氣！火喉控制得岩岩好，有嚼勁得黎又唔會好似嚼橡筋咁咬唔開，吊片味香濃，碟上不沾油，再加上椒鹽同辣椒碎，更加之惹味同香噴噴。🤭🥬香心菜蒸嫩菜遠香心菜姐係梅菜，梅菜先洗乾淨再用豉油同砂糖先炒，炒之後拎去蒸就會變成甜梅菜。平均鋪係菜芯上一齊蒸，令菜芯清中帶甜，送飯一流。🍚鮮蝦仁揚州炒飯蝦仁好飽滿又鮮甜，口質
🪿正宗炭燒黑鬃鵝
餐廳用上頂級廣東黑鬃鵝，以獨家秘方醃製後炭燒，之後運到香港，每日都新鮮製作，售完即止🫣一上檯就淋上熱辣辣既燒鵝汁，皮脆肉嫩，皮下仲有一層油脂，最厲害係做到油而不膩，再點埋酸梅汁，齒頰留香。
🐖鮮摘鳳梨咕嚕肉
咕嚕肉粉漿薄身，酸甜平衡。豬肉入口無臭豬味🐽，肉質香嫩又唔油膩，搭配洋蔥，新鮮菠蘿同一堆三色椒，色彩鮮艷，胃口都大增！
🐟碧綠油泡生斑球
斑球肉質鮮美，色澤迷人，魚味經過爆香後更突出😉！伴碟既百合同西芹一啲都唔馬虎，兩者都好清脆爽口，點鮮蠔油後提升左斑球既風味！
🦑避風塘揀手吊片
吊片係曬乾既魷魚，用比土魷更細隻既魷魚，通常曬至半乾濕，保留其口感同香氣！火喉控制得岩岩好，有嚼勁得黎又唔會好似嚼橡筋咁咬唔開，吊片味香濃，碟上不沾油，再加上椒鹽同辣椒碎，更加之惹味同香噴噴。🤭
🥬香心菜蒸嫩菜遠
香心菜姐係梅菜，梅菜先洗乾淨再用豉油同砂糖先炒，炒之後拎去蒸就會變成甜梅菜。平均鋪係菜芯上一齊蒸，令菜芯清中帶甜，送飯一流。
🍚鮮蝦仁揚州炒飯
蝦仁好飽滿又鮮甜，口質爽脆☺️用上泰國香米炒，粒粒分明，鑊氣夠又唔油膩，炒得非常乾身💯仲落埋叉燒粒，菜芯頭同蔥花一齊炒，口感更豐富，賣相更吸引！
📍鏞記酒家
中環威靈頓街32-40號
張貼
