影片
更多
2024-12-04
310 瀏覽
放工都成10點，飯就食唔落，所以黎飲酒～朋友已經坐定定等我，一嚟到就有新鮮野菜條，配上微辣嘅麵豉醬，清潔一下味蕾。嚟到居酒屋梗係要飲啤酒，黑啤白啤唔知點樣揀，我全部都要啊，京姬梅子酒，香香嘅梅子酒仲有果肉，啱晒女仔呀。朋友就要了一杯黑白啤啦，反正買一送一，點飲都得！先嚟嘅有珍珠番薯仔、青椒仔同埋新鮮蘆筍，師傅控制火候均勻，燒得來仍然保持住蔬菜入邊嘅水份。雞油渣炒枝豆，又係呢間店嘅特色，佐酒一流。煙燻鹿兒島豬腩，先試原味，然後沾酸汁再吃，享受截然不同的味道。免治雞肉棒啖啖肉有咬口，雞肉棒本身已經沾上特製醬油，再沾上橙紅色嘅雞蛋，實在太好味，忍唔住一啖接一啖。封門牛柳居然係夾住啲大蔥一齊燒，一口牛又一口蔥，田園feel頗堪玩味。食到咁上下一杯啤酒就梗係唔夠啦，唔該我地要多杯三得利生啤。鹽燒鵪鶉腿肉，皮脆肉嫩，肉質爽滑彈牙。白鱔又脆又彈牙，雞下腿就好似脆卜卜炸雞一樣，啖啖肉，有咬口，一個字正呀。明太子長芋，明太子厚揚絕對值得推介，喺其他串燒店都少見，鹹香嘅明太子搽上新鮮嘅蔬菜度，口感同味道都係一流。燒雞翼，我鍾意食。雞全翼叉開好似一支槍咁樣，皮燒到金黃色，送啤酒一流。最後，鹽燒白鱔和雞腎，黎
嚟到居酒屋梗係要飲啤酒，黑啤白啤唔知點樣揀，我全部都要啊，京姬梅子酒，香香嘅梅子酒仲有果肉，啱晒女仔呀。朋友就要了一杯黑白啤啦，反正買一送一，點飲都得！
先嚟嘅有珍珠番薯仔、青椒仔同埋新鮮蘆筍，師傅控制火候均勻，燒得來仍然保持住蔬菜入邊嘅水份。
雞油渣炒枝豆，又係呢間店嘅特色，佐酒一流。
煙燻鹿兒島豬腩，先試原味，然後沾酸汁再吃，享受截然不同的味道。
免治雞肉棒啖啖肉有咬口，雞肉棒本身已經沾上特製醬油，再沾上橙紅色嘅雞蛋，實在太好味，忍唔住一啖接一啖。
封門牛柳居然係夾住啲大蔥一齊燒，一口牛又一口蔥，田園feel頗堪玩味。
食到咁上下一杯啤酒就梗係唔夠啦，唔該我地要多杯三得利生啤。鹽燒鵪鶉腿肉，皮脆肉嫩，肉質爽滑彈牙。白鱔又脆又彈牙，雞下腿就好似脆卜卜炸雞一樣，啖啖肉，有咬口，一個字正呀。
明太子長芋，明太子厚揚絕對值得推介，喺其他串燒店都少見，鹹香嘅明太子搽上新鮮嘅蔬菜度，口感同味道都係一流。
燒雞翼，我鍾意食。雞全翼叉開好似一支槍咁樣，皮燒到金黃色，送啤酒一流。
最後，鹽燒白鱔和雞腎，黎多幾串都唔會嫌多。成間居酒屋好有氣氛，食食下真係會唔到口，越點越多。但一定食得好盡興!!!
張貼
