Goobne係一間專注於無油烤雞嘅韓國連鎖店，都開左好耐，一直都係我心目中烤雞no1。 QR code落單，叫左火山+原味雞，無骨，同埋雞蛋捲。 首先講火山雞。無骨雞肉嫩滑，辣汁滲透入肉，非常惹味。不過，唔係太能食辣嘅朋友可能會覺得辣度有啲過火。配埋啤酒一齊食，辣味中和得啱啱好。 至於原味雞，味道就比較清淡，突出咗雞肉本身嘅鮮味。無油烤焗嘅方式保持咗雞肉嘅嫩滑，冇咁油膩，食落去唔會覺得滯。呢款雞好適合唔鍾意太重口味嘅人。 雞蛋捲係意外驚喜，蛋皮柔軟，裡面夾雜住青瓜，魚糕，醃蘿蔔，火腿，口感豐富。呢個配菜可以中和啲辣味。 總結嚟講，Goobne都幾適合frd 聚會，因為野食都比較大份，加上舒適嘅用餐環境幾好。

天氣開始涼少少，就crave for火鍋~本來想食重慶麻辣，但係小王子麻麻地，咁就不如explore下未去過嘅火鍋店啦！見到OpenRice評分唔錯，就揀咗呢間。佢啲火焰湯底好似好吸引。我叫小王子揀湯底，佢揀咗呢個火焰三椰雞湯鍋底。食開深圳嗰啲，心中已經準備評分。竟然係估唔到香港嘅椰子雞咁好食!!!!! （我想講，以後想食椰子雞煲，唔需要上深圳了） 佢個三椰湯底：有椰皇、椰青（係喺你面前一個個椰青椰皇倒落個鍋入面）、椰子肉。隻雞目測係黃油雞、好滑好香！我同小王子一路食一路點頭，表示極度滿意！好開心！ 除咗三椰雞湯做得好好之外，其他全部食物都做得很骨緻，好少打邊爐可以每一樣嘢都做得好食： 1）鼓勵全部餃子、雲吞都嗌。餃子啲皮係自己搓嘅，彈牙，唔會太厚。水餃/雲吞，啲料好足！(牛肉小湯包、黑松露蟹肉水餃、韭菜餃、水餃、全部都有湯汁！正！） 2）手打鹹蛋蝦丸 3） 手打香煎鵝肝墨丸 4） 手打蝦滑 5） 手打墨魚滑 （極度推介，唔知點解可以咁彈！仲曉自己爆汁） 6） 水蓮 （唔係度度有，真係超級好食、索晒啲椰子雞湯，好夾） 7） 貴妃蚌 （真係爽脆，好好食！啲椰子雞湯索咗入去，好鮮甜+清甜，味道極致提升！） 8） 鱔片ok 9）tropical iced tea (好好飲，有百香果、菠蘿汁、橙汁、茶） 10）嗌咗碟手切牛頸脊，但係因為其他嘢太好食，牛肉變得普通咗（正常） 備註1: 呢個湯底，記住要嗌稻庭烏冬，簡直係椰子雞湯嘅天花板！索晒啲湯，極度清甜😍 備注2: 調味料嗰度，佢有比「青花椒油」，好食。不過唔食麻嘅朋友就唔好加。同埋基本上個三椰雞湯好夠味，唔係太需要點醬。 另外想讚佢啲員工，每一個後生仔女都好有禮貌！有train 過！（一定會帶朋友再返嚟打邊爐👍）仲見到有K房，下次可以包房打邊爐！

呢間舖開咗一排，有幾次經過都俾香味吸引，前排終於買咗個招牌烤雞餐同海南雞餐試下～海南雞份量幾多，一個女仔食唔晒，男人食都夠，聽到前面有個職安真漢子話想多飯，都好似有做俾佢。雞肉嫩滑，麻辣醬幾麻幾惹味，油飯都OK啦，50蚊嚟講有呢個質素都唔錯啦。 烤雞餐打開有驚喜，外賣返到屋企都KEEP到熱，外皮色水烤得幾靚，入面肉質都JUICY。今次揀咗薯菜，中規中矩啦，下次想試下蘑菇飯～ BTW想講下個例湯，真係幾多料，飲完唔口渴，涼涼地有啖湯水飲下都幾正～

中環IFC嘅「唐述」，真係俾佢嘅格調同美食驚艷到！✨ 餐廳環境優雅舒適，落地玻璃窗外就係維港醉人嘅景色，真係令人心曠神怡！💖 加上柔和嘅燈光同精緻嘅擺設，整體感覺好有氣氛，好啱同朋友、家人或者另一半慢慢享受美食。😌 我哋今次點咗「世味人生」套餐，由前菜到甜品都充滿驚喜，真係令人回味無窮！😋 滕椒蔥油蟶子皇: 蟶子皇肉質飽滿鮮甜，配上香辣惹味嘅滕椒蔥油，真係好開胃，令人胃口大開！ 20年古越龍山花雕鮮鮑魚.梅子蕃茄.海蜇銀花: 鮑魚用20年花雕慢煮，酒香滲入鮑魚之中，口感軟糯入味，令人一試難忘！梅子蕃茄同海蜇銀花酸甜清新，正好平衡鮑魚嘅濃郁。 綿綿川貝杏汁花膠螺頭燉蜜瓜湯: 呢個湯真係滋潤養顏！綿滑嘅口感，加上花膠、螺頭同蜜瓜嘅清甜，飲完感覺暖笠笠，好舒服！🥰 脆皮海參•麒麟魚: 海參外脆內嫩，麒麟魚煎得香脆可口，兩者嘅口感同味道都非常夾！ 珍寶珠: 清新嘅雪葩，酸酸甜甜，可以清除口腔嘅油膩感，令人期待下一道菜。 太子玉枕: 賣相精緻可愛，味道清甜，口感軟糯，真係令人愛不釋口！ 茅台鮮蠔屈雞煲: 呢個煲真係好有特色！茅台嘅酒香完美咁融入咗蠔同雞肉裡面，味道濃郁醇厚，非常惹味！ 甘栗珍菌炆飯: 飯粒吸收咗甘栗同珍菌嘅精華，口感豐富，每一啖都好有層次！ 萬壽薑茶鴛鴦湯圓: 最後以暖笠笠嘅薑茶湯圓作結，為呢一餐畫上完美嘅句號。 聽聞「唐述」嘅「珠光寶盒」、「燈影蓮藕」、「桂花烏龍煙燻脆皮雞」等等，下次一定要試吓！😍 總括嚟講，「唐述」無論係環境、服務定係食物質素都非常出色，絕對值得推薦俾大家！👍 下次打算帶屋企人嚟試吓其他菜式，相信都會有驚喜！💖

在繁忙的中環區，我最近嘗試了來自食鰻の成瀬的外賣，這家專注於鰻魚料理的店舖，以其新鮮和美味著稱。這次我點了鰻魚飯（松）、鰻魚玉子燒、鰻の烤飯團和海帶湯，讓我來分享一下這次的用餐體驗。 首先，鰻魚飯（松）可謂是這家店的招牌之一。當我打開外賣盒，香氣撲鼻而來，讓人忍不住想立即嘗試。鰻魚的肉質鮮嫩，烤得恰到好處，外層微焦，內裡卻保持著肉汁的豐富。配上特製的醬汁，味道濃郁卻不至於過於膩口，讓人每一口都充滿驚喜。配菜的米飯也十分出色，粒粒分明，吸收了鰻魚的醬汁，口感柔滑。 接著是鰻魚玉子燒，這道菜的外觀精緻，色澤金黃。每一片玉子燒都鬆軟，入口即化，鰻魚的加入為傳統的玉子燒增添了獨特的風味。這道菜的甜味與鰻魚的鮮味交織，讓人回味無窮，成為我這次外賣中意想不到的驚喜。 再來是鰻の烤飯團，外表金黃酥脆，咬下去時能感受到內裡的鰻魚與飯團的完美結合。這道小吃不僅增添了用餐的樂趣，也讓我感受到鰻魚在不同形態下的美味。外層的烤焦香氣與裡面的柔軟米飯形成鮮明的對比，讓人欲罷不能。 最後，海帶湯作為搭配，清淡而不失滋味，湯底鮮美，海帶的口感彈牙，為整頓飯帶來了一絲清新的感覺。雖然海帶湯的份量不算特別多，但正好為這頓豐盛的餐點增添了一點平衡感。 除了中環的這家店，食鰻の成瀬在銅鑼灣也有分店，地址位於銅鑼灣軒尼詩道555號崇光百貨B2樓35號舖，方便了許多喜愛鰻魚的食客。

原來餃掂係有快食店，啱哂我哋里啲趕頭趕命嘅人😂😂入到去係收銀度落單，就可以坐底等食👍🏼有專人送到😍 重慶鮮肉雲吞 (18隻) $54 細細粒，配湯食啱哂口味，個湯少少辣嘅！一啖一粒😂性價比王！！ 大白菜餃(10隻) $57 好多料😳好多白菜，好爽口！！食到索索聲😍調味唔會好濃，健康嘅感覺，再配埋佢嘅招牌九鼎湯，食落好舒服😎 四川涼皮 $33 冇我想像中咁濃味，相對比較重辣油味嘅！涼皮煙煙韌韌🤭QQ控一定鐘意！！ 香煎軟心芝士餃(10隻) $69 佢啲煎餃好有質素😍煎到啱啱好唔會好乾👍🏼入面係粟米豬肉再加芝士，里個mix n match無得輸，係我暫時食過頭三位好食嘅煎餃🤫推薦！！ 蜂蜜檸檬薏米水 $20 一大杯！食完啲煎炸肥膩嘢，飲番啲健康嘅飲品😂👍🏼perfect!好多料係入面，好似健康嘅珍珠奶茶😂

「宏 Hiroshi」開業多年，主打新鮮手工製日式蛋糕和卷蛋，在尖沙咀美麗華廣場開設Cafe蛋糕店，Cafe主打定食套餐和輕食為主，之前已經試過佢哋嘅晚餐和卷蛋，非常有日式風味，今日就特別訂購咗我家小朋友好喜歡食嘅「北海道芝士蛋糕」，賣相非常簡潔，但相當有內涵🫶 🧀 Hokkaido Cheesecake 🎂北海道芝士蛋糕 一打開蛋糕盒蓋已經聞到好清香嘅芝士香氣，外層係白朱古力芝士碎，咬下去層次非常豐富，食到有Cream Cheese、好新鮮嘅忌廉和輕盈嘅蛋糕，整個口感非常香滑，濃濃芝士香，但又不甜不膩，非常出色嘅味道，小朋友同老人家都爭住食🫶

出外旅行咗成個月，畀手信朋友時，佢帶我來到將軍澳唐俊街23號呢間DHYC飲夜茶，够晒正宗，以彌補呢一個月的"損失”，話晒第二度雖然有得飲，但始終爭啲嘅😜 平時我唔使餐餐蝦餃，燒賣嘅，今次隔咗成個月就來個蝦餃吧，唔係3件而係4件一籠，晶瑩通透，皮薄餡靚，朋友食一件，我食3件，好滿足。菜苗餃(3件)不嬲都鍾意，好飽滿的3隻亦沒有令我失望。 「牛肉腸粉」都好正，腸粉滑捋捋，而「韭菜金錢蟹盒」裡可以食到蟹肉，啱晒喜歡海鮮的我，「焗叉燒包」表皮鬆鬆脆脆，內裡的叉燒調味適中，可以食番香港的味道。除咗點心，仲叫咗個小菜「滑蛋炒蝦球」，蝦球好大件，好彈牙，超級正👍👍👍

芝加哥串燒酒場 (中環) 地點📍 中環榮華里12-14號榮華大廈B座地下L及M號舖 串燒呢樣野真係食極都唔厭，加上一到串燒一到飲啤酒，爽！！！！！ --------------- 人氣豚肉組合 💲98 呢個組合最值得推介既就係極品即燒乳豬🐷 燒到岩岩好，唔會過火 肉汁依然keep 住，個皮又脆 --------------- 炭燒牛板腱 💲49 牛板腱一D 都唔韌，Keep 到有炭燒既香味，肉質嫩口有肉汁 --------------- 香蒜蔥花廣島蠔（可轉芝士） 💲32 蠔肉好肥花，就算加左蒜同蔥花亦都唔會搶左蠔既鮮美 --------------- 招牌紙鷂雞皮 💲19 呢個都冇乜係其他串燒鋪頭見過 外皮炸得勁酥脆，好似食緊薯片咁🤭 --------------- Red Horse+chicago logo 💲99+99 Red horse 個酒味就重D 較為濃郁 而Chicago 個酒味就甜好多，相對起易入口

最近瘋狂洗版嘅月見丼飯 完全被相片誘惑· 能有不吃的原因嗎？！ 位於長沙灣· 金酒屋 日式居酒屋格局· 設有bar枱位置 當晚人氣爆燈· 到9點還是滿坐狀態 想食一定一定要訂枱！ ꕺ金糖盒。海膽三文魚籽日式豆腐（$158) 賣相超吸岩打卡！ 海膽以魚籽點綴· 配上海量三文魚籽 每口鮮味誘人·這組合很難不好吃 別錯過下面的海膽豆腐· 香濃Q嫩 ꕺ金龍珠海膽吞拿魚蓉卷（$158) 這橫切面美得誇張· 是會令人一口愛上 蛋黃經過處理後·甘香綿密細膩 配上海膽、吞拿魚蓉· 味道口感層次豐富 甘甜鮮美· 是會令人想encore！ ꕺ粟米脆餅壽司·海膽三文魚籽（$138) 加入Taco創意理念· 裡面是海膽、三文魚籽壽司 香脆粟米脆片增加層次·最喜歡是脆餅增加額外風味 ꕺ日式金柑帆立貝刺身（$188｜六切) 鮮甜帆立貝配上清新甜柑· 刺身更為清新 金柑香甜意外地同帆立貝幾夾 ꕺ自家製雞皮蝦（$58)｜厚燒牛舌心（$58) ꕺ安格斯牛肋肉（$58)｜嚴選松板豬（頸）（$58) 試左4款串燒· 最推是雞皮蝦·香脆又彈牙；松板豬口感爽嫩·油香滿滿！ ꕺ戀丼·月見特厚燒牛舌三文魚籽（$238｜限量供應） 每枱必點· 打卡必備 輕輕劃破蛋黃· 配上海量三文魚籽·這畫面太幸福了 厚切牛舌很加分· 口感彈牙燒味香濃惹味 香濃蛋液配上牛舌、燒汁·秒速被清碗！ ꕺ桃丼·月見海老拖羅蓉（$168) 賣相同樣吸引！甜蝦同拖羅蓉堆疊的幸福感 蛋黃緩緩流出· 配上拖羅蓉·口感更綿密細膩 甜蝦份量多到食極都仲有· 鮮味十足 木村飲料｜完熟水蜜桃汽水（$48) 木村飲料｜静岡柑橘汽水（$48)

之前睇YouTube 介紹牛丼飯，啲留言都話要試下牛魔王飯，所以去開附近就過嚟食下。可以係地下點好食物先至搵位，都有兩層所以都易搵位。 ⭐️牛魔王飯加配炸雞、冰紅茶 我地叫最普通個款牛魔王飯，眼看都好多人叫呢款。仲有特別食法，啲汁要淋落啲飯到，唔好淋落啲牛到。牛肉好香牛味，都要有勁多肉汁，超正超推薦。炸雞外酥內嫩，唔錯，記得係自助位加醬汁。 ⭐️咖哩豚肉飯加配炸公魚仔、白桃汁 咖哩煮得好濃郁，豚肉軟嫩，正。炸公魚仔炸得好脆。 如果係學生仲有優惠。唔係學生都可以買套票，糧尾岩用。

講藝術🎨講氣派，講食物質素高質有看頭，一定要介紹今次初嘗試呢間西班牙🇪🇸餐廳🍴———Hara Kitchen🇪🇸 餐廳門面靚，氣氛夠曬浪漫🌹係門口已經深深被餐廳的氛圍吸引著，裡面有好多畫風類似的圖畫作品，也讓我有特別舒適的感受，簡直每一處都充滿了藝術🎨也感受到老闆創意及用心❤️ 食物方面要大讚，好難得食到正宗西班牙菜，烹飪得得好美味😋令我一邊食一邊不禁說好好味喔😋分享下我食過既菜式🤗 1. Cold cut platter 呢個冷盤ham 同腸，配有麵包🥖岩曬happy hour 時段配紅酒🍷 2. Seafood paella 超級好味的西班牙海鮮飯，推薦必食先食到呢度既水準🤤 3. Baby lamp chop 擺盤靚，羊架肉質夠嫩滑 4. Pan fried cheese cake 超級特別既cheese cake , 外脆內香的芝士蛋糕第一次食🤭 飲品： Richland Shiraz 呢隻酒不錯也不算貴，岩曬鍾意飲紅酒既我，由冷盤開始邊食邊飲，飲到食羊架，一樣咁好飲

又同兩知己去幸福鳥食飯~服務一如既往的細心舒服~食物方便亦冇令人失望~叫咗條刺身魚赤小鯛~新鮮好味~食完刺身嗰條魚骨會煲埋個魚湯飲~好鮮甜~串燒叫咗十幾款~都好香口好味~再配埋支清酒~冇得輸~ 再次選擇呢度gathering 真係冇揀錯~

星期一至七都有半價item 週末就最抵deal 因為有烤春雞同鴨肝！ Mojo Bistro 喺正熱鬧嘅中環石板街 用餐環境有種美式嘅復右懷舊感 耳邊傳來80年代嘅首首經典名曲 有啲啲似去咗父母年輕時約會嘅美好時代 星期一遇上嘅係個 #美式香辣烤春雞 半價後百三蚊就食到！ 另外要讚個 #加拿大豬鞍 （逢星期一半價） 豬扒烤得外焦內嫩，口感紥實juicy 至於個Foie gras 2-ways多人讚食過就明 （逢星期日有半價） 一邊係原塊鴨肝 另一邊就係個鴨肝焦糖燉蛋 大家記得預留quota😝 最後甜品有homemade tiramisu 味道唔太甜好igtable

講起豉油西餐，後生一代唔喺好知乜，但一聽就明，就證明你小弟咁，都喺有番咁上下年紀。早前晌太子食嘢，偶見呢一家「鐵板世家」，主打喺港式懷舊鐵板餐，之後再上網睇睇佢啲食評，感到好有興趣，所以，拉埋獨居老友嚟鋸吓扒。雖然呢個鋪位唔喺咩幾十年老店，但喺裏面裝修格局好有回到以前嘅感覺，好有復古懷舊風，尤其是啲紅白格仔枱布，絕對喺七八十年代嘅標記。佢唔喺咩茶餐廳，茶式唔會包羅萬有，但務求貴精不貴多，包括各款鐵板餐之外，就只有焗飯、焗意粉……等等。我哋嚟得目標清晰就喺港式鐵板餐。有一樣嘢好搞笑，坐低無耐，餐都唔好話未點，連食乜嘢都仲研究緊，侍應哥哥已經問你紅湯定白湯，相信點乜餐都包餐湯、餐包。餐湯、餐包 叫得豉油西餐，揀紅湯白湯又喺另一經典，小弟就鍾意紅湯羅宋湯，因為酸香微辣好醒胃之餘，有大量蔬菜夠健康，飲落確喺好足料。跟湯送嚟呢一款餐包，真喺滿有情懷感，依家真喺唔多地方仲供應呢一款餐包。餐包非常之軟熟，微微暖，搽上牛油，配羅宋湯真喺經典中嘅經典。鐵板肉眼牛扒拼豬扒 $128 呢度嘅服務好有香港人嘅特色，就喺快，兩份鐵板餐好快就送到上枱。我就多心少少揀咗肉眼拼豬扒配燒汁，啲燒汁淋落去真喺「咋咋聲」，好有儀式感，亦可見塊鐵板幾咁熱。無論件肉眼，還是豬扒，都非常之大件，下面放滿咗曲紋薯條，再有少少西蘭花、車厘茄伴碟，單睇外觀就
好夠份量，而啲肉眼果然好夠腍滑，而且，有肉香，豬扒亦都好鬆化，沾上燒汁，確喺幾唔錯，百零蚊絕對物有所值。鐵板肉眼牛扒 $128 老友就對肉眼情有獨鍾，所以，單單淨揀肉眼扒，有相你睇件肉眼真喺超大件，而且，有番又返咁上下厚身， 唔會大得嚟「薄切切」。佢就揀咗七成熟，但就無話好韌，同樣喺肉質嫩滑，咁大件加埋啲薯菜，佢都話夠晒飽，好彩無加配意粉或飯，唔喺就嘥晒。紅豆冰 +$8、凍咖啡 +$3 老友鍾意嘆咖啡，自然揀杯凍咖啡嚟爽下。我就諗住食鐵板餐，所以，升級搵杯冰凍紅豆冰嚟「降溫」。紅豆冰最緊要喺啲紅豆夠腍，呢杯就合晒格，啲紅豆仲好清甜，份量又夠多，一邊食住扒，一邊飲住凍飲，食吓紅豆，幾咁爽呀！甜品 餐牌就無寫話奉送甜品，不過，見阿姐拎住一大盤啫喱全場周圍遊走，枱枱都送上啫喱。我就梗喺要加花奶啦，阿姐仲好好人，同佢講多奶就多奶俾我。啫哩除咗有啲雜果，仲喺好耐無食過嘅黑加侖子口味，雖然只喺一杯簡簡單單嘅啫喱，卻勾起唔少童年回憶，儲到幾毫就落去士多買杯啫喱食。無論環境、抑或餐湯、餐包、甜品，都充滿港式懷舊風味，今時今日香港嘅消費指數，呢度一份鐵板餐只喺百鬆啲蚊，仲要無加一，再者，我同老友都覺得啲扒嘅質素以咁嘅價錢一啲都唔失禮，確喺性價比高，所以，你見全場滿座，一枱人走又一枱人入，就知唔喺靠吹就得。