影片
港鐵利東站A1出口, 步行約1分鐘
繼續閱讀
電話號碼
25623010
附加資料
90分鐘進食時間
營業時間
今日營業
10:00 - 00:00
星期一至日
10:00 - 00:00
*最後點餐：22:15
以上資料只供參考, 請與餐廳確認詳情
招牌菜
今日同老婆兩個去咗漁米鎮，本來想叫小菜的，但見天氣寒冷，於是叫咗羊腩煲同埋鐵板炒米。羊腩係premium嘅正宗坑腩位，大煲，肉多，非常好味，配料嘅冬菇同枝竹都好出色，生菜亦大份。鐵板炒米夠亁身，炒得開無痴埋，所以好入味。而且重係免茶介同加一，性價比超高。店員亦好禮貌，地方乾淨。推薦👍👍👍
繼續閱讀
上網搵謝記的魚片相片，無意間發現原來鴨脷洲都有類似的餐廳，仲記得謝記堂食時候都要自己去排隊買魚片！在這間就輕易食到，而且有9成接近（1成是唔夠彈），回憶感覺返晒嚟！其他小炒都夠鑊氣，雖然舖細細，但係有種親切的感覺，夥計也很親切！南區居民應該食過，旅客來也可以遊香仔海濱公園搭船 幾分鐘就到，地鐵鴨脷州利東一出5分鐘到，不過隔離有間糖水舖就不推介了，上水人糖水做得很難吃，香港仔糖水舖就好味 ，魚蛋魚片香港仔冇得輸好味
繼續閱讀
平時都冇喺鴨脷洲食過嘢，如果唔係返工暫時返呢度，我諗我都唔會專登黎試食呢度嘅餐廳。咖哩雞扒飯 $47普通茶餐廳都會有嘅碟頭飯， 有塊正常size嘅雞扒、午餐肉同火腿。整體個飯分量足夠，食碟頭飯主要食佢個汁既味度，咁我就叫咗咖哩汁，辣辣地，不過都算食到嘅，味道嚟講就一般啦。雞扒正常厚度，有煎過，雞皮有少少脆，雞肉汁仲保留住，算唔錯。午餐肉同火腿就普通平時都會食到嘅 現現成嘢。凍飲加三蚊，嗌咗杯凍檸茶，檸檬片份量夠。
繼續閱讀
今日同男朋友👫去鴨脷洲大街搵食。🍴「漁米鎮小菜館」位於利東站🚇外面，非常易搵。😉雖然餐廳個名叫小菜館🥢，但都有下午茶餐可以選擇。😎下午茶嘅炒粉麵飯餐至到4點半。🕟而其他下午茶餐就到5點半。🕠幸好我地坐低嘅時間就啱啱好🏃🏻♀️趕到食炒粉麵飯餐。🥳🍜 肉絲炒麵 + 凍檸茶炒麵脆卜卜，有鑊氣。🤓下午茶嚟講份量啱啱好，唔會太大份，仲可以去食晚餐。☺️🥩 黑椒牛扒配薯條 + 凍奶茶牛扒有3件，黑椒汁味道濃。🤤仲有粗身嘅薯條🍟蘸住茄汁食。係我小朋友時候👧🏻成日食嘅。
繼續閱讀
成日去鴨脷洲大街尋找美食，見到呢間舖頭已經開咗幾年。都冇入過去，因為見到好似好多人。突然之間心癮起，真係好想食魚片。見到佢打住山窿謝記嘅招牌，所以一定要試！講真，頭一次食，真係好有山窿謝記神粹。無論係魚肉同魚片外皮方面。一食，成個feel吧bar聲標出嚟。第一啖食落去，梗係激動啦！食第二啖，你就知道，好似同其他食評一樣，真係喊咗啲喎！而且，認真地講，唔係咸一啲咁簡單。真係好需要將啲鹽大量減少。以前山窿謝記，齋賣魚片，就梗係新鮮；而家，返完熱先拎出嚟，就梗係有啲唔一樣㗎喇。最奇嘅就係，佢唔係真係所有嘢都太鹹個喎！有啲好想食鹹嘅嘢，佢又反而，真係唔落鹽㗎喎！例如你嗌炸薯條，係新鮮滾熱辣，但係佢又完全都唔喊。簡單啲，可以形容為冇味。不過都係果句，山窿謝記，淨係噏得出四個字，個腦海入邊爆出黎嘅回憶，都值回票價！當然啦，價錢方面值唔值，因人而異。
繼續閱讀