影片
港鐵利東站A1出口, 步行約2分鐘
繼續閱讀
電話號碼
67629600
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
很少去鴨利洲大街食午餐，咁啱今日中午經過，見到這一間陳記冰室幾新淨，所以停低車就去試吓，打開餐牌見到有一款魚香茄子魚塊煲是我鍾意食的菜式，就叫咗一煲嚟試吓再配埋飯一杯嘢飲，冇幾耐啲菜送到我面前，我一睇，咦！點解見唔到鹹魚及肉粒碎，餐牌及票明明寫魚香茄子魚塊煲，但是一粒鹹魚及肉碎粒都冇。跟住同侍應及老細反應，佢哋都無語。又冇任何表示，心諗，算啦是一餐啫費事講咁多。嚴格嚟講係違反商品條例啊。不過茄子同埋魚塊是可以，魚塊比較嫩滑味道也正常。是意外驚喜。
繼續閱讀
辛辛苦苦，係上面利東整完個馬桶，望一望個鐘…………嘩！八點半架喇？咁即時同老友落大街搵食啦～行下行下，而？有間陳記冰室小廚，有位，好即試，都未見過。原來都開左幾年了，可能真太少深度遊得兩個人，所以叫左3碟餸……第一碟，酒香椒鹽豬扒香口，彈牙，唯一覺得椒鹽豬扒應該要乾身d但好好食，配埋炸蒜，一流。沙嗲牛肉炒西蘭花好食，沙牛夠入味，普通一碟小炒，卻回味粟米班塊香脆味美，一般一定有既小菜但呢間我食得回味無窮簡單咁講，呢間陳記，價廉味美無得彈
繼續閱讀
成家去鴨脷洲搵野食，細佬之前食過話呢間好食又大份。ok！一於試下一入去已經冇空枱，只可搭枱。一張圓枱搭咗3 group人，茶餐廳都預咗嘅，但冇諗過要同陌生人坐得咁逼。我叫咗個常餐 雞扒通粉 w/ 奄列&牛油方包&熱阿華田 $46湯唔算味精重；雞扒煎得唔錯，但咬落去好大陣雪藏味，呢樣就麻麻；通粉正正常常；奄列出面嘅蛋皮唔錯👍🏻好有蛋味，同埋唔會煎到乾晒，濕濕哋👍🏻👍🏻整體而言，對得住價錢，但我本身唔係住嗰邊就唔會特登再幫襯。同埋建議佢哋唔好3grouo 10幾個人放埋同一張圓枱，全程幾乎冇講過嘢，食完20分鐘就閃。
繼續閱讀
近排去開南區做嘢，多咗機會去發掘下，覓食下🤤🤤 不過今日有啲趕，亂入咗間茶餐廳，落咗單之後即刻search下，竟然咁啱係黃店🥰🥰🌞 常餐 ($44)🍗雞扒公仔麵雞扒啱啱炸起，雖然無另外用碟分開上，但影完相食嗰時仲超級熱同鬆脆，好正😋🍳奄列+牛油方包火腿奄列好嫩滑，唔同一般舊式茶餐廳嘅好油個種奄列，幾有驚喜🤤食食吓嘅時候見有一家人係專登喺區外揸車過嚟食，慶幸自己入左黎食，感覺上覺得自己無揀錯，好開心🥳
繼續閱讀
陳記係我既飯堂之一食中午飯除左有熱飲仲會送大大碗例湯碗湯飲落好甜而且唔咸唔肯定係咪無味精但忍唔住成碗飲晒都唔會頸渴食過咸魚雞粒炒飯 好香 有獲氣蒸排骨飯都係好好味 大大碟佢既早餐我都好鍾意沙嗲牛轉一丁加蛋包麻油同味粉比你自己落感覺特別開心佢既早餐係我係大街食過最鍾意❤️基本上唔會再考慮其他茶記老闆同店員都幾有禮貌感覺幾親切佢既下午茶 雞翼係炸既但入面保持肉汁肉好滑！蛋治 熱狗 基本上冇野難食凍奶茶有茶香諗起都想食真心推介！
繼續閱讀