影片
電話號碼
90276970 (WhatsApp)
開飯介紹
店內放滿土耳其杯具，精緻土耳其燈，非常有異國風情。更有特色土耳其咖啡，在烹煮熱沙咖啡時，需將咖啡壺放在已預熱沙堆中。另有自家製乳酪、土耳其軟糖、土耳其燒雞等，給你全面享受土耳其文化。
繼續閱讀
附加資料
一星期有一天休息，敬請預約。
營業時間
今日營業
09:00 - 21:00
星期一至五
11:30 - 21:00
星期六至日
09:00 - 21:00
公眾假期
09:00 - 21:00
公眾假期前夕
09:00 - 21:00
以上資料只供參考, 請與餐廳確認詳情
-
網上訂座服務暫停
同狗狗、狗狗爸爸喺馬灣staycation。以往去開Cafe Roma、Little Mario，食的都係薄餅、漢堡包，今次嚟呢度試下土耳其菜。欣賞餐廳係寵物友善，狗狗可入餐廳坐，唔需要坐室位區域（室外的櫈係高椅，唔方便照顧狗狗），仲可以隨意喺餐廳裡面行走添。餐廳提供「街坊價」餐點，經濟實惠，不過當中只有幾款土耳其食物。烤雞1/4隻（$98）：餐牌冇寫有配菜（沙律），我哋問店員係咪跟飯，最後，跟咗飯。其後聽到另一檯點烤餅，先知道可以揀飯/烤餅，建議大家可問下店員，跟烤餅有特色啲。烤雞色澤好靚，充滿油光，狗狗爸爸切落去時都感覺到雞肉好嫩滑。佢話雞件調味唔錯，而碟上的乳酪醬我哋唔確定係咪配烤雞，但狗狗爸爸話雞係熱，醬係凍，夾埋奇怪啲，所以最後冇醮嚟食。飯的份量唔多，半碗左右；沙律材料豐富，調味仲唔錯添鷹咀豆醬伊斯坦漢堡（$48）：抵食！賣相靚，漢堡大大個，店員都話打卡最啱；麵包烤焗得啱啱好，外脆內軟；跟餐的沙律份量幾多；漢堡入面的鷹咀豆醬搽得唔算好厚、好多，味道略鹹；漢堡的饀料仲有用沙律醬撈咗的紅蘿蔔絲，佢的味道幾特別，好食，加落個漢堡度，令漢堡的味道同層次更豐富；芝士細細件，冇乜特別；整體而言，呢個漢堡性價比極高，以呢個價錢可試到土耳其菜，超值~菠蘿蘋果沙冰（跟餐+$48）：飲品唔算好大杯，亦冇乜presentation，但絕對真材實料，似飲緊一啖啖蘋果蓉咁；感覺佢的甜味係嚟自鮮果，幾抵飲，值得一試嚟到馬灣，可以抱住度假心情，試下異國的食物，包括少接觸到的土耳其菜，好特別。加上狗狗嚟到，受到餐廳接納、歡迎，呢點都好重要。下次有機會再到馬灣，都會再幫襯。
繼續閱讀
📍「熱沙咖啡」- 馬灣今次食食食之旅嚟到馬灣😌平時weekend 係香港無咩節目，就諗住去吓馬灣玩，當去個小旅行，點知俾👧🏻搵到間好chill 嘅土耳其cafe ，仲可以試埋土耳其服飾同沖土耳其咖啡，超得意‼️‼️‼️📷Cafe裝修充滿土耳其🇹🇷風，店面唔算大但坐得幾舒服，唔單止有土耳其衫、首飾同帽，可以著住嚟打卡影相，仲有得參加咖啡工作坊，自己落手落腳沖咖啡，幾特別嘅嘢體驗🤩呢度仲有貓店長🐱「沙沙」同狗狗「啤啤」🐶，超可愛又親人🥰岩哂中意動物嘅朋友仔😇🍴土耳其烤雞飯1/2💰HK$178✨推薦指數：8.5/10半隻烤雞比想像中大隻，食落皮脆肉滑夠juicy，就算雞胸都唔會鞋，醃得好入味😋沙律份量好多，有紫椰菜、粟米、紅蘿蔔等，仲有白飯鋪底，夠哂balance 👍🏻🍴秘製雞肉烤餅💰HK$178✨推薦指數：7.5/10Kebab 好大份，入面包住有好多沙律菜、烤雞肉、番茄仔，用上千島醬甜甜哋幾夾，不過醬比較多，雞肉乾身咗啲😗每一啖都咬到好多料，層次幾豐富，不過大份到食個陣有少少狼狽🤣🍴土耳其開心果酥餅💰HK$68（主菜+HK$30)✨推薦指數：7/10印象中未食過土耳其甜品，所以嗌咗近期大熱嘅#開心果 味🤣甜品賣相好靚🤩蝴蝶酥放係雲尼拿雪糕上，旁邊放咗開心果酥，打卡一流📸食落蝴蝶酥幾厚身，口感酥脆香甜；雲尼拿雪糕口感幼滿唔算太甜，中間混合咗果仁碎增加口感😙主角開心果酥反而食落個底比較硬身，而且非常甜，👧🏻就唔係太接受到咁甜嘅酥🫣🍴土耳其咖啡💰HK$58（主菜+HK$30；教玩+$80）✨推薦指數：8/10呢度最特別係有得自己沖土耳其咖啡‼️Staff 會示範咗先，然後就教👧🏻點樣沖，成個過程仲可以著土耳其🇹🇷衫一路沖一路打卡，樂岩情侶去拍拖拖🥰自己沖嘅咖啡特別好飲，飲落比較苦，但佢會配埋土耳其軟糖，一邊食一邊飲，軟糖嘅甜中和咗咖啡嘅苦，岩岩好☕️😙🍴一生紫愛💰HK$68（主菜+HK$30；教玩+$80）✨推薦指數：8/10賣相幾靚，下面係紫薯奶，上面有雲尼拿雪糕，飲落紫薯味好濃，飲飲下仲食到紫薯粒同果仁粒，口感好豐富☺️
繼續閱讀
朋友👱🏻♀️帶咗我嚟呢間土耳其🇹🇷餐廳兼咖啡店等我試吓土耳其咖啡同料理🤣店長哥哥招呼好好，對土耳其🇹🇷咖啡同埋食物好 knowledgeable👍，仲同好多客人都有講有笑👍$48「鮮紅石榴特飲」：顏色紅卜卜，有淡淡的紅石榴味道，少少甜，夠清新😋$158「土耳其🇹🇷全日早餐」：應該有鷹嘴豆蓉、乳酪醬、白桃醬、漬紅蘿蔔絲、土耳其式 Tortilla、滑蛋煎牛肉腸、沙律菜，相當豐富😋；「土耳其🇹🇷全日早餐」嘅組合對我嚟講幾有趣，亦都好味😋$158「烤香草慢煮鴨（辣/不辣）½隻」：要咗唔辣😋；½隻鴨份量其實相當多，呢隻鴨大隻多肉，80°C慢煮之下鴨肉肉質軟熟，加咗香草煮當然就更加香啦🤣；仲配有沙律菜、車厘茄、珍珠米，同慢煮鴨一齊食，好夾又好食😋「香蕉🍌加牛油果🥑」：有好香香蕉同埋牛油果味，好滑好 creamy，好清新😋「香蕉🍌加芒果🥭」：有好香香蕉同埋芒果味，都係好滑好 creamy，都係好清新😋Turkish Coffee 教玩 跟主菜 +$80 ：店長哥哥教煮土耳其🇹🇷咖啡，好玩又好飲👍，咖啡係用喺土耳其🇹🇷烘焙同磨成極幼咖啡粉嘅咖啡煮成，味道唔酸亦唔苦，但係有香濃咖啡味，口感好乾淨，係一個獨特嘅味道😋仲見到有人客穿上餐廳提供嘅土耳其🇹🇷服裝沖咖啡，玩得好開心🤣仲有好可愛嘅貓咪🤣
繼續閱讀
趁住假期就去咗馬灣玩，點知係馬灣村屋發現咗一間好chill嘅土耳其餐廳🥰 首先餐廳嘅外面已經好吸引，有好多燈飾同植物🌳；而裡面有特色嘅吊燈💡除咗可以食地道嘅土耳其菜，仲可以試製作正宗嘅土耳其咖啡🇹🇷☕️點咗兩杯特飲：🔸 朱古力脆脆土耳其咖啡 (跟餐 +$40)🔸 爆炸糖配土耳其咖啡 (跟餐 +$40)首先，餐廳職員好用心講解土耳其咖啡嘅歷史，然後慢慢教我哋係熱沙上面整土耳其咖啡☕️ 土耳其咖啡嘅特點係連咖啡嘅油渣都加埋入杯😮 所以咖啡飲落都幾濃郁同有口感✨ 而朱古力脆脆同爆炸糖就裝飾係杯嘅外層，增添咗唔少口感（一路飲一路食到啲脆脆😆）又增添咗啲甜味🍬 呢個製作體驗同杯咖啡都好正🥰食物都好有驚喜‼️試咗餐廳嘅招牌菜✨🔸 土耳其烤雞飯🍗 ($178)個烤雞大到佔咗成個碟嘅2/3😳‼️ 而且顏色超豐富🌈烤雞充滿住香草味🌿 外皮香脆😋 裡面嘅肉質鮮嫩多汁🤤配上超大份嘅沙律同乳酪醬出奇地夾😆🔸 亞美尼亞羊架粒薄餅🍕 ($188)呢個pizza超足料🥰 超多羊肉，幾乎每一啖都食到✨ 然後極多芝士係面🧀 仲有好香嘅洋蔥、粟米、紅椒🌶️ 羊肉唔騷🤤 加上超豐富嘅配料同好薄脆嘅pizza底🌟 好好食🤩總結一下，完全冇諗過係馬灣有間咁高質嘅土耳其餐廳❤️ 除咗食仲有得體驗製作🥰（原來除咗整咖啡，仲可以整土耳其燈、畫碟等等）✨ 而且職員都好耐心教導🥰 好啱一家大細一齊係假日嚟玩🧑🧑🧒🧒
繼續閱讀
首先門口裝修已經好靚！依家仲有啲聖誕裝飾～ 仲有得同狗狗玩🐶嘢食方面都好有水準，牛肉餃子同乳酪咖啡都好出色，嚟馬灣一定要試！店主同店員都好friendly，成個用餐體驗都好滿意好開心✨
繼續閱讀