影片
以上資料只供參考, 請與餐廳確認詳情
【灣仔區】【人和荳品廠】呢間嘢我之前成日食佢哋嘅旺角店，甚至 1am foodie 呢個名都係有少少啟蒙自佢哋，因為我收工食嘢，成日都喺一兩點呢啲時間諗起佢哋。而旺角店嗰時每日都開到好夜，我又係嗰啲中意食垃雜嘢嘅人，可以話係完美契合。話雖如此，我又唔算好積極話想食晒佢哋啲分店，始終個重點係喺開得夜、多選擇度，同味道關係不大，冇乜必要要周圍食佢。今次都係見個朋友喺度買外賣，作為一個八卦精，我又好奇吓究竟佢哋啲嘢得唔得，就去食返次。叫咗碟 $24 嘅「鹵水豆腐豆卜」，即係鹵水豆腐併鹵水豆卜，兩款都有得食，幾好，味道都唔差嘅，略嫌呢次鹵得有啲甜。跟住叫我幾中意食嘅嗰款 $24 嘅「魚肉煎豆腐」，水準保持到，唔好睇豆製品嘅成本價就唔貴啦。嘢飲方面我叫咗杯 $20 嘅「朱古力豆漿」，又幾得意，喺杯凍豆漿裡面加咗啲朱古力味咁。而最後我有叫埋甜品先走，喺呢度就梗係食豆腐花，要 $24 嘅「花奶豆腐花」，一向覺得呢個組合勁夾勁好食。埋單 $92，咁食算係咁啦。。。（地址：銅鑼灣渣甸街49號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店：1am0964#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #人和荳品廠 #鹵水豆腐豆卜 #鹵水豆腐 #鹵水豆卜 #魚肉煎豆腐 #朱古力豆漿 #花奶豆腐花 #1am1261 #1ambackup
繼續閱讀
经常来做36x回家，等车期间买个鱼豆腐和豆浆。味道不错，我家小女儿也比较爱吃。但给我印象最深的是老板娘，很有女人味也很有礼貌。记得以前是个大妈，是不是店被女儿继承了。
繼續閱讀
銅鑼灣地帶通常都消費高，有時想簡單食少少嘢又唔好太飽又唔想太貴，我就會去依間豆腐店，比較輕盈 可以飲豆漿、食豆腐花、煎釀豆腐、炒麵舖頭前排進行咗翻新裝修，明顯感覺乾淨明亮舒服啲，但價錢好似有少少唔同咗 多咗幾蚊？！👓魚肉煎豆腐 $24/一份4塊基本上個個都會叫好多人買，店員係咁煎豆腐所以流量好快，保證熱辣辣，煎得香脆，不過魚肉其實唔算多，$24呢個價錢都唔算好平，不過銅鑼灣地帶算啦😆👓紅豆綠豆豆腐花 $40見到係有少少貴嘅，不過好大碗兩個人share會好啲，亦都好多豆。想經濟啲有原味豆腐花$16碗、杏仁/椰汁/薑汁豆腐花就$24、糖水底嘅紅豆沙/綠豆沙/雜果涼粉/黑糯米豆腐花 $30都幾香豆味夠滑，一碗豆腐花加個豆腐已經好飽😆
繼續閱讀
今日同男友行街街見有d餓就嚟食吓豆腐花😚記得以前細間d E家新鋪感覺大咗，但係一樣坐得好迫夾💦以前有卡位都仲好d，依家兩張細枱逼七八個人坐得好辛苦😞入正題，叫咗兩杯豆漿一碟煎豆腐一碗紅綠豆花一個粥同炒麵。煎豆腐冇乜特別ok〜碗紅綠豆腐花就有少少被騙嘅感覺🫢豆花雖然夠滑👍但上面d豆似糊仔咁好結..量又少咁就$40豆漿嗌咗一杯少甜一杯正常，但甜度一樣🤷🏻♀️叫待應換過杯都係一樣..當再叫待應對方已經表現岀唔耐煩…算。最失望係炒麵同粥簡直係嘥錢💸炒麵偏鹹冇乜豆卜得幾條菜..加少少辣醬諗住增加食慾點知鹹上加鹹😵💫個粥仲衰賣$30碗，又淡又冇料得d花生柴魚完全食唔到，比病人食？！Anyways整體差咗..已經比不上當年，食少少嘢已經百幾蚊埋單😢
繼續閱讀
今天经過人和豆品餐室，就被豬大腸所吸引，於是就走入去食個下午茶。叫一碗唔夠，就叫多個鱼肉碗仔翅，是我中学時期的最佳小食。食落很飽足，很懷念往事。食物依舊，人卻老了。
繼續閱讀