影片
以上資料只供參考, 請與餐廳確認詳情
人和荳品廠呢個品牌已經好一段時間，亦都有唔同地方嘅分店，所以已經唔記得係第幾次食嘞。🤗是夜有飯局但未夠鐘，所以飲杯嘢食一碟小食Hea吓時間咁。☺️多數都會嗌無糖豆漿，因為健康得嚟，豆味亦會比有糖豆漿嘅出啲。👍🏻而佢嘅魚肉煎豆腐，亦一如既往咁煎得唔錯，兩面都係香香脆脆咁，唯一要講嘅就係佢嘅魚肉係薄到唔多覺嘅。🤭今次見到隔籬枱有「滷水豆腐豆卜」，望見又幾好，咁下次食素日就可以嗌埋，因為魚肉煎豆腐，雖然唔太感覺到個魚肉，但食素日係唔可以食嘅，咁而家就可以改嗌呢一個。😉今次Hea食就知多一個選擇😃
繼續閱讀
我本身是一個豆腐花愛好者。基本上素食就是以大豆為主，所以我的餐單有很多東西離不開以大豆製成的副製品，以增加蛋白質。而店內的豆腐花即叫即整，大豆還是隔夜泡浸過，感覺到石膏粉的比例不是太多。豆腐花猶如布丁的質地，用湯匙嘗試過爽滑彈牙質感，入口卻是即溶而不大一點苦澀味。
繼續閱讀
已經回訪多次銅鑼灣渣甸街的人和荳品廠，這家懷舊式港式豆品店主打新鮮自家製豆腐花、豆漿及各款經典小食。店面以簡約實在裝潢為主，換上新裝後環境光猛整潔，設有堂食及外賣，非常適合隨心坐低品嚐一碗順滑豆品或街頭小食。我的最愛：魚肉煎豆腐 - 最出名之一，外層煎得微脆，魚肉夠鮮甜，豆腐入口軟滑。建議加豉油或豆瓣醬，鹹辣香氣帶出豆香，每件大大塊，飽口又足料豆漿（無糖） - 黃豆新鮮打磨，豆香自然，無糖款特別適合注重健康的豆品迷。豆漿每日新鮮製作，口感幼滑，入口豆味突出豉油皇炒麵 - 熱辣上枱，份量大，色澤誘人。炒麵帶鑊氣，配以自家製混醬（甜豉油、辣醬、甜醬），鹹香惹味，是經典港式平民小食
繼續閱讀
行過銅鑼灣又想平平哋食個午餐，即刻諗到人和荳品廠，平靚正快，而且舖頭裝修過，比之前坐得闊落。豉油王炒麵 $24 豉油王炒麵有椰菜花絲、豆卜絲同芽菜，食落好有口感之餘又唔會太油。如果覺得冇味嘅話，可以加少少甜醬調味，個人覺得加甜醬會好食啲。熱豆腐花 $16 食豆腐花一定要食熱嘅，豆腐花好滑好有豆味，咁多年都係咁好食。佢本身已經配搭咗糖水，個人覺得已經好夠味，唔需要再落黃糖，大推😋必試因為今日一個人嘅關係，所以食唔到太多，下次會想食吓魚肉釀豆腐，都好似唔錯😍
繼續閱讀
屹立銅鑼灣多年嘅老字號豆品店，左舖搬右舖後，鋪面寬敞闊落咗，而食物都大致上仍然保持到出品水準。煎豆腐係豆腐上面釀上一層鯪魚肉，煎到金黃。無論豆腐同埋魚肉兩面，都煎到脆，加埋甜醬或者豆瓣醬，香口之選。鹵水豆卜豆卜入面浸滿鹵水汁，入口時傾湧而出（小心爆汁）。每次嚟嘅必食之選。豆花豆花非常之滑，豆味還不錯。 本身有糖水，稍稍加黃味調調味已好夠甜。原味之外仲可以選各種其他味道，不過其實原味先係最食得到豆味嘅。留意豆花有凍同熱，所謂熱其實係室溫，而咁樣豆花先係最滑嘅。豆品之外，呢度嘅粥都係推介。
繼續閱讀