影片
港鐵金鐘站 F 出口
繼續閱讀
電話號碼
28208571
開飯介紹
cafe TOO自助餐的精選包括雪蟹腳、麵包蟹、日式刺身、即製泰式沙律、燒特級美國牛扒、火喉十足的燉湯及原籠小籠包等。而一向受歡迎的甜品固不遑多讓，多達8款不同口味的雪糕、即製班戟和梳乎里等在美食舞台上大放異彩。
繼續閱讀
營業時間
今日營業
12:00 - 15:00
18:30 - 22:00
星期一至五
12:00 - 14:30
18:30 - 22:00
星期六至日
12:00 - 15:00
18:30 - 22:00
公眾假期
12:00 - 15:00
18:30 - 22:00
公眾假期前夕
12:00 - 15:00
18:30 - 22:00
以上資料只供參考, 請與餐廳確認詳情
有關餐廳
有關獎賞計劃
相關文章
日本美食, 認真無人不愛! 尤其今年應該不會去日本, Café Too的東瀛風味之旅, 確實能一解相思之苦. 這天的準備好好的胃口去迎接超長的buffet line!! 有好多美食都超吸引!!! 例如自製三文魚籽丼, 新鮮現切吞拿魚、也有油脂豐腴的大拖羅、中拖羅及赤身. 三文魚籽可無限添加, 好震憾!! 非常鮮甜!和牛壽喜燒, 有豆腐、秋葵、京蔥、娃娃菜, 全部都入味, 甜度剛剛好!日式串燒, 例如鯖魚、鯛魚、雞軟骨、雞腎, 而本地白鱔更獲得超多讚. 喜歡天婦羅的話, 這裏也不缺. 清酒煮蜆隻隻都脹卜卜、多料的粟米豆腐海皇羹及蟹粥, 真的是….最緊要有個大的胃口! 朋友端來的吉列和牛震憾味蕾!!!! 外脆內軟, 肉質仍然嫩滑, 會多吃幾件~ 鮮甜刺身, 肥美油潤的大拖羅, 又有每天兩款空運原條鮮魚, 當晚的是深海池魚、金目鯛, 讓人口水直流. 藍鰭金槍魚、鮟鱇魚肝、油甘魚、三文魚等, 必定能滿足喜歡吃魚的你.連鮟康魚肝也有!!!海鮮方面, 清蒸龍蝦及蒜蓉蒸, 兩款都好好味, 肉厚多膏又鮮甜, 是回本之選!凍鎮海鮮也極受歡迎! 麵包蟹、花蟹、沙白、海蝦, 長腳蟹, 瀨尿蝦都有!一系列中西式美食, 例如中式熱葷有栗板海參煲、蝦餃燒賣、咖喱魚、椰汁香芋雞煲、豉油雞、蜜汁叉燒及燒鴨, 極多選擇.燉湯成為了我吃自助餐的其中一個重要item, 印象中好像只有一輪, 是晚的粟米栗子腰果赤小豆馬蹄燉瘦肉, 補腎去濕, 非常適合春天.食肉獸大快朵頤~ 香煎鴨胸蜜糖芥末汁、烤羊架配燒汁、意大利雲吞配忌廉汁、烤雞烤牛肋骨. 麵包那區也有頭盤, 例如蟹肉沙律、烤蝦小米沙律、魷魚青口沙律等, 一些side例如乳酪醬, 好好味! 大家記得去這邊啊~ 因為再行過少少就是自助飲品區. 三款mocktail之餘亦可自製珍珠奶茶bubble tea.甜品區以櫻花點綴, 抹茶麻糬撻、黑芝麻榛果蛋糕、焙茶咖啡泡芙、芒果大福、 百利甜酒tiramisu等都係我的心水. 其餘的甜品有焙茶蛋糕、焦糖餅乾布朗尼、朱古力撻、烏龍茶士多啤梨卷、北海道芝士蛋糕、抹茶黑芝麻蛋糕等.低調高手雞蛋仔, 即整特別香脆好味, 每粒雞蛋仔中間都不會空心或過脆, 就是想吃這款~6款Gelato, 款款都俘虜了我!!! 雲呢拿、牛奶朱古力、鐵觀音, 我最喜歡冧酒提子、泰式奶茶、焙茶!!自助晚餐, 成人每位由HK$828至HK$888, 供應期由2月20日至5月10日
繼續閱讀
向來熱愛日本料理嘅我，今晚去咗港島香格里拉酒店 café TOO，全新推出東瀛風味自助餐，無限供應三文魚籽、新鮮現切吞拿魚、和牛壽喜燒、冰鎮海鮮、新鮮蒸龍蝦、豐富甜品等，食得我滿心歡喜！🔹無限三文魚籽自助餐其中一大亮點就係無限供應嘅三文魚籽，食客可以隨意搭配蒸白飯，自製獨特三文魚籽丼，有得食又有得玩，每一碗都可以根據自己嘅喜好來調配，感受日本料理獨特嘅濃郁風味。🔹新鮮現切吞拿魚廚師以精湛技術現場切割新鮮吞拿魚，從大拖羅到中拖羅，再到赤身，配合辣吞拿魚沙律，味道更加昇華，真係一場視覺同味覺嘅雙重享受。🔹新鮮出爐麵包Corner無論係軟麵包捲、硬麵包捲定係法國長棍麵包、芝士蒜蓉麵包或者皮塔餅，款款新鮮出爐，香氣四溢，麵包控如我超滿足。🔹奢華和牛鐵板燒鐘意濃郁風味嘅朋友，一定要試和牛壽喜燒同和牛鐵板燒，味道醇厚，肉質滑嫩，配上各式日式串燒如燒雞肉串、鯖魚、鯛魚等，真係令人回味無窮。🔹新鮮壽司壽司櫃有多款新鮮魚生，金槍魚、三文魚、鰤魚等各種選擇應有盡有，更有每日新鮮空運到港嘅獨特日本魚種！壽司方面，有吞拿魚、蟹棒、多汁和牛等，盡情滿足味蕾。🔹特色招牌菜café TOO 仲有幾道特色招牌菜值得一試，例如鰻魚茶碗蒸，加入海苔同毛豆，口感獨特。而玉子燒則配上北寄貝沙拉、海藻同芝士，絕對係一個味覺盛宴。🔹西式頭盤選擇相當豐富，包括煙三文魚、凍火腿同風乾火腿等，仲有多款芝士可供選擇，無論係芝士迷定係肉類愛好者，都可以搵到自己嘅心水美食。🔹冰鎮海鮮絕對係食客最期待嘅環節，花蟹、海蝦、半殼青口等新鮮海鮮，無論係搭配醬汁定係單吃，可以大快朵頤地盡情享用。🔹龍蝦無限量供應新鮮蒸龍蝦，提供清蒸及蒜蓉蒸兩種口味，保留活龍蝦鮮美彈牙口感。🔹中式熱葷有香港人最愛嘅燒味，例如豉油雞、蜜汁叉燒、燒鵝等，配以XO海鮮炆伊麵同椰汁香芋雞煲，令人食指大動。🔹海帶蒸海鮮細膩口感充分展現新鮮食材嘅美味，加上傳統烹飪技術，有驚喜。🔹西式美食提供烤雞、燒牛肋骨、香煎鴨胸等選擇，樣樣都香氣四溢。🔹日式熱食日式熱食當然唔可以少～有炸吉列和牛、天婦羅同和牛壽喜燒，必試炸吉列和牛，外皮薄脆酥香，色澤粉嫩，保留和牛鮮嫩肉汁，油花分佈均勻，肉味濃郁。🔹甜品甜品區亦係另一個亮點，提供六款口味Gelato、各式各樣蛋糕，如黑芝麻榛果蛋糕、北海道芝士蛋糕、柚子士多啤梨蛋糕、百利甜酒提拉米蘇、烏龍茶士多啤梨卷、焙茶蛋糕及焦糖餅乾布朗尼等，仲有低調高手嘅雞蛋仔同夾餅，無限享用，真係甜品控福音！🔹飲品可選Fruit Punch、Grapefruit Lime & Lemon Tea、Orange Juice等，每一款都香甜可口，清新又解渴。cafe TOO ✨📍香港金鐘金鐘道88號太古廣場港島香格里拉7樓
繼續閱讀
踏入10月，真係蟹迷最開心的日子，因為好多餐廳都有優惠，而且大閘蟹開始肥美多膏，手痕痕又想拆蟹了。近日港島島香格里拉 Cafe Too 的自助餐又有新菜色，今次當然以大閘蟹作主打啦！未講其他菜色前，一定要提龍蝦、大頭蝦同肉蟹都係游水活貨。先講清蒸新鮮波士頓龍蝦，好多都爆膏，尤其是新鮮貨肉質爽彈無得輸。另外，每位可有一隻清蒸足五兩大閘蟹，仲要係蟹公，又多紅彤彤的蟹膏，超正。食完蟹當然要飲返杯薑茶芝麻湯圓。仲有清蒸游水大頭蝦及東風螺，新鮮勝過一切，爽口彈牙的蝦肉；柔韌的東風螺，都令人勾起兒時同老爸在街頭吃灼螺的光景。最有儀式感就一定係用新鮮蟹煮的即炒蒜子胡椒肉蟹煲，邊炒邊放火，將胡椒粒的辛香味盡情揮發，絕對要食。不得不提平日有松葉蟹肉，而假日就會有花咲蟹肉，每口都是甜美的蟹肉，滋味無窮。至於咖哩炒蟹就好惹味。想啖啖豐腴口感就要食蟹粉炒粉皮。當然少不了蟹肉西蘭花。湯羹類的蟹肉魚肚羹好滑溜，蟹肉亦不少。想食新鮮原味？蒜蓉蒸花蟹就一定啱大家。一如早前，Cafe Too聯乘本地品牌一樂燒鵝，家陣無須排隊，任選部位同任食，當然要配返碗油香滿滿的鵝油炒飯。講返收費，逢星期一至四收費$888，星期五、六、日及公眾假期及前夕$948，成為香格裡拉會員12位以上可享八折優惠。海鮮除了特別菜色外，基本海鮮陣容都好豐富，有瀨尿蝦 、沙白、海蝦、青口、花蟹、咖啡蟹及翡翠螺，都係大大隻質量好。刺身本身已經有藍鰭金槍魚而每晚7點15分更有大拖羅提供，夠晒肥美可口。而本身亦有象拔蚌、八爪魚、希靈魚、三文魚及油甘魚，解凍處理得相當好。壽司有蟹柳壽司、三文魚壽司及吞拿魚壽司。其他日式食品有玉子燒、章魚燒、日式腐皮餃子及蟹肉蒸蛋。熱葷中式類有好受歡迎既避風塘炒龍蝦。而鹽焗海螺就好惹味。仲有清蒸大鱸魚、油鹽水蜆、蝦餃燒賣及四喜丸子。西式首推燒鵝清湯意大利雲吞，完全揉合中西元素，好特別。另外有煎鴨胸肉配黑莓汁、紅酒燉雞、燒椰菜配水瓜柳牛油汁以及印度咖哩牛肉及印度飯。Carving Station有烤羊腿及烤牛肋骨，食肉獸當然要整返一片。中湯最愛飲燉湯是黑蒜螺頭燉赤肉，火喉十足。但另一款沙參玉竹百合煲唐排又係好濃稠，我鍾意。西湯是椰菜花忌廉湯，質感滑溜鮮甜。一向對喇沙湯麵情有獨鍾，雖然與新加坡當地食有出入，但已經有七成水準。至於蟹肉伊麵，個人覺得蟹肉可以重手些小。燒味區有豉油雞、鹵水蛋及豆腐及叉燒。芝士有Comte AOP、St.Maure 及 Camembert。Cold Cut有煙三文魚及莎樂美腸。沙律想清清地，不妨來份沙律，選擇有蟹肉沙律、烤蝦小米沙律、魷魚青口沙律、凱撒沙律、DIY沙律及中華沙律螺肉。甜品先係有哈根大師雪糕，味道有士多啤梨、比利時朱古力、抹茶、焦糖脆餅、雲呢拿以及曲奇香奶，最啱配格仔餅。整個甜品區，種類是同級酒店中罕見的豐富。有碧根果牛奶朱古力蛋糕、栗子黑醋栗蛋糕、咖啡朱古力蛋糕、杏桃牛奶朱古力撻、楓糖核桃蛋糕、朱古力柑橘蛋糕、焙茶柚子蛋糕、洋梨零陵香豆蛋糕、無花果伯爵茶蛋糕、南瓜焦糖蛋糕、老婆餅、朱古力撻、合桃酥、黑芝麻大福、雜錦馬卡龍、榛子泡芙、黑糖花生大福、朱古力鳥結、焦糖海鹽朱古力及味噌布朗尼蛋糕，超過20款。仲有聯乘低調高手出品雞蛋仔及格仔餅。食完甜品，當然來一份新鮮水果杯。飲品有Bubble tea，已經有原味芋頭及蜜瓜三種口味。另外有雜果賓治，以及用西柚青檸及檸檬茶調製的特飲。小朋友就最啱飲橙汁。
繼續閱讀
近來大閘蟹橫行無忌連自助餐也能見到它的蹤影！那我也不客氣繼續跟它渡過短暫的蟹逅情緣。這次自助晚餐選到Island Shangri-La的cafe TOO，跟一眾好友品嚐鮮氣十足的蟹之盛宴。打頭陣當然要先介紹這夜主角大閘蟹！品嚐自助餐的客人憑藉蟹仔號碼牌，可以到這個自助區領取大閘蟹一隻。吃過大閘蟹後當然要有薑茶芝麻湯圓解渴暖胃。緊接著大家會看見火光熊熊的蒜子胡椒肉蟹煲即煮區。師傅會在現場烹煮這個胡椒蟹，那份香氣即時充斥於空間之中惹人垂涎。繼續還有銅盆糯米蒸花蟹、蟹粥及佐料、避風塘炒龍蝦、蟹肉扒時蔬及咖喱炒蟹等不同風味的蟹料理。另外還有很多豐富美味海鮮可以選擇！包括有雞油花雕焗鱸魚、油鹽水大蜆粉絲、鹽焗海螺、清蒸海螺、大頭蝦、蟹粉炒粉皮及蟹肉魚肚羹。即製粉麵檔這夜供應有蟹肉伊麵和喇沙，兩款也是即叫即煮非常吸引。繼續往前走仍然有一樂燒鵝任取任吃，別忘記品嚐那邪惡又美味的鵝油炒飯喔。西湯這夜供應的是忌廉蘑菇湯，另外還有燒鵝清湯意大利雲吞、燒椰菜、愛爾蘭燉肉、煎鴨胸肉、烤牛柳及烤雞。中式美食有潮州滷水、豉油雞、蜜汁叉燒、沙參玉竹百合煲唐排、蝦餃、燒賣、黃府紅燒肉及麻婆豆腐，另外也有印度咖喱牛肉配香飯。自助餐的其中一個亮點新鮮波士頓龍蝦！以巨型蒸籠新鮮炮製波士頓龍蝦，源源不絕地供應這幸福的味道。冷盤前菜及日式專區打頭陣有松葉蟹，緊接著還有藍鰭吞拿魚及醬油漬吞拿魚。刺身包括有油甘魚、三文魚、象拔蚌、希靈魚及北寄貝。日式前菜有中華沙律及芝麻八爪魚，另外還有多款壽司及卷物，玉子燒也有三款選擇那麼多！最後還有章魚燒、吉列炸蝦餅及蟹肉蒸蛋。冰鎮海鮮區亦非常豐富！當中包括有翡翠螺、麵包蟹、花蟹、鮮蜆、瀨尿蝦、海蝦及青口。沙律區打頭陣有芝士拼盤、烤蝦小米沙律、魷魚青口沙律及超好味的蟹肉沙律。然後還有煙三文魚、凍肉拼盤及各式各樣新鮮沙律菜。自助飲品區選擇豐富得來很特別！好似有自己動手製作的Bubble Tea、橙汁、西柚青檸檸檬茶及雜果賓治。終於來到勁豐富的甜品區！內有超級勁多不同的甜點選擇，包保甜魔們一定吃得非常愉快。馬卡龍、焙茶柚子蛋糕、綠茶紅豆大福、芒果大福、栗子黑醋栗蛋糕、老婆餅、朱古力撻、南瓜焦糖蛋糕、朱古力柑橘蛋糕、碧根果牛奶朱古力蛋糕、楓糖合桃蛋糕、杏桃牛奶朱古力撻、無花果伯爵茶蛋糕、咖啡朱古力蛋糕、洋梨零陵香豆蛋糕、味噌布朗味蛋糕、栗子泡芙、伯爵茶朱古力及新鮮水果杯。食自助餐當然少不了雪糕！餐廳選用Häagen-Dazs供應六款口味之多。但最吸引我的肯定是低調高手的雞蛋仔和格仔餅！師傅用上低調高手食譜來炮製，新鮮熱辣出爐可以任食真的非常幸福。先來品嚐頭盤美食這碟刺身水準非常之高！當中的藍鰭吞拿大、中拖羅肥美油潤，魚油香氣非常濃郁鮮味得過分。這個松葉蟹沙律內盡是啖啖鮮甜蟹肉，一匙羹放入口中那滿足感無與倫比。冷盤每樣選了少許來品嚐！當中的瀨尿蝦個子小小但鮮味十足。車爸爸最喜歡粟米湯吃自助餐也要飲！這個內裏還加入了鮮味的蟹肉，除了清甜的粟米外還加入了海洋的鮮氣真好喝。而我就大愛這個響鈴燉湯！聽到鈴聲記得出去排隊取這個黑蒜螺頭燉湯，看到濃郁的湯色便知足料非常，喝下去帶濃郁的黑蒜香甜味，加上螺頭和赤肉的加持這口湯非常美味。吃過前菜喝過熱湯後要品嚐大閘蟹喇！侍應送上這隻可愛蟹仔憑著它便可取得每人一隻大閘蟹。這夜我們品嚐到的大閘雌蟹有四両重！揭開蟹蓋後看到蟹羔非常澎湃，絕對能夠滿足我這個大閘蟹迷。這一刻當然要繼續嚐鮮！清蒸波士頓龍蝦紅、綠羔兼備，雪白的龍蝦肉入口非常爽彈鮮甜，旁邊的大頭蝦也非省油燈，蝦頭藏有滿滿的蝦羔邪惡但鮮味太讚了吧。這個蒜子胡椒肉蟹是我的超級推介！斯里蘭卡蟹肉質非常紮實又鮮美，蒜子胡椒完全滲進蟹肉之中惹味無窮好吃得要啜手指。意大利雲吞吃過不少！但這個燒鵝清湯意大利雲吞組合真的非常特別，燒鵝作湯底配襯芝士味香濃的意大利雲吞沒有丁點違和感，中西合璧迸發出滋味無窮的吸引力。我們還試上飲宴名菜蟹肉伊麵！記得小時候跟父母去飲喜酒，大家都會點這個矜貴的蟹肉伊麵來嘆，現在於自助餐可以無限品嚐真的非常開心。喇沙我們選擇了瀨粉底除了粉麵檔的魚蛋外，我們於附近找來新鮮海鮮搭配即時升級不少。最後我們還嘆了碗鮮甜的蟹粥才肯罷休，粥底煲得好綿滑加上花生皮蛋等配料令口感更加豐富。甜品時間首先當然要嘆兩球雪糕，消滯解膩沒有什麼好得過吃雪糕吧。低調高手的雞蛋仔絕對不能放過！等待師傅做起剎那全底取回來跟好友一起分享。最後再來多一小碟心水的甜點，當中泰昌餅店的蛋撻真的非常好吃。蟹之盛宴自助晚餐星期一至四收費為$888/位，星期五至日、公眾假期及其前夕$948/位，免費成為香格里拉會會員12位以上可享8折優惠。
繼續閱讀
雖不是自助餐的狂熱份子，可是從日本回來不久後，被朋友半推半拉到了港島香格里拉酒店的 「Cafe Too」，意外地體驗了一頓很值得推介的自助晚餐！首先本人是一名一等一的蟹精，當蟹精可以吃到重四両半的時令大閘蟹 (每位客人一隻)、選用斯里蘭卡蟹製作出香濃惹味的蒜子胡椒肉蟹煲、本地鮮甜的三點蟹或藍蟹，加上味道和新鮮度也是一等一，加分是合理必然吧！ 此外，咖喱炒蟹、蟹肉扒蔬菜、蟹粥、糯米蟹飯、蟹肉魚肚羮、蟹粉炒粉皮、松葉蟹沙律、蟹肉蒸蛋和蟹粉蟹肉伊麵等，帶來意想不到、同樣誘人的蟹菜式。聽聞週未及公眾假期更有北海道花咲蟹坐陣，蟹癡必定來個大滿足！除可品嚐到蟹鮮，「Cafe Too」的海鮮也極為吸引，尤其大蒸籠𥚃的龍蝦，不論原味或蒜蓉口味，一樣鮮甜彈牙，鮮美度的確超越了別的自助餐！熱海鮮有避風塘炒龍蝦、鹽焗海螺、油鹽水蜆及雞油花雕焗鱸魚等：凍海鮮則有蝦、蜆、青口、翡翠螺、麵包蟹和瀨尿蝦等，款式真的不少。另外，將自助餐注入本地品牌美食， 如「一樂燒鵝」、「泰昌餅家」和「低調高手」， 令自助餐即時添上玩味和港式美食元素，絕對是有意思的驚喜，個人十分欣賞。先來品嚐熱燙燙的燒鵝，然後再以蛋撻和港式格仔餅配上 Haagen-Dazs 雪糕作為甜品，港味實在太讚了！還有與燒鵝一脈相成的煎鴨胸配黑莓汁、燒鵝清湯意大利雲吞和鵝油炒飯，亦相當吸引！而當中又香又邪惡的鵝油炒飯，成了我的翻吃之選！香港人特別喜歡日本食品，具備藍鰭吞拿魚、象拔蚌、油甘魚、三文魚、北寄貝和希靈魚等刺身。多款壽司，卷物、玉子，還有吉列炸蝦餅、章魚燒等。吃過凍海鮮和刺身，來一碗熱湯暖胃，最適合不過！除了忌廉蘑菇湯，我更愛中式黑蒜老火燉湯和沙參玉竹湯，腸胃頓感舒暢起來！其他熱盤有叉燒、豉油雞、滷水蛋及豆腐、黃府紅燒肉、麻婆豆腐、蝦餃、燒賣、烤雞、烤牛柳、烤肋骨和愛爾蘭燉肉，客人可逐一細嚐。而印度咖喱牛肉配印度飯是我的喜好，不得不吃！「Cafe Too」的蔬菜和沙律富有心思，基本上每次挑選食物時，都能以新鮮的椰菜花、小西蘭花、法邊豆、蘆筍、粟米心、紫椰菜花等蔬菜作配搭，自助餐也來得均衡。特別喜歡燒椰菜配水瓜柳牛油汁，紫椰菜處理得宜，焦香爽脆且腍度適中，好吃啊！還未夠滿足的話，可以在品嚐甜品前，來一碗自選餸料的喇沙，我們則自製了蝦蜆魚蛋喇沙。不過，我還是要表達我對鵝油炒飯、糯米蟹飯及蟹粥三款主食的鍾愛，特別推介給大家！洋梨零陵香豆蛋糕、楓糖核桃蛋糕、杏桃牛奶朱古力撻、朱古力柑橘蛋糕、碧根果牛奶朱古力蛋糕、南瓜焦糖蛋糕和無花果伯爵茶蛋糕等的豐富糕點，實在叫我的肚子撐得快要爆開！認真值得推介的自肋晚餐，自命蟹癡都食到企唔穩！溫馨提示：網上平台和香格里拉官方網頁均可找到不同的優惠，勿切留意！
繼續閱讀