影片
港鐵觀塘站 A2 出口, 步行約10分鐘
繼續閱讀
電話號碼
27277127
開飯介紹
設計走復古優雅風格，是一間情調滿滿的西餐廳。供應結合經典與創意的西式料理和甜品，如招牌意粉、炭燒牛扒、梳乎厘班戟等。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
公眾假期
12:00 - 15:00
18:00 - 22:00
公眾假期前夕
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
影片
相片
Fresh Mustard Lobster Spaghetti
+506
+68
食家推介
今日去左觀塘行街，見到有間望落幾high class嘅西餐廳，又有二人晚市套餐，於是就同朋友入左去試下🤤佢個二人套餐有海鮮拼盤、餐湯、意粉、主菜（澳洲M4和牛/澳洲羊架 二選一）、同甜品😆望落都幾多野食～首先嚟嘅係海鮮拼盤😋😋有蠔、熟蝦、煙鱔、煙三文魚同埋墨魚沙律🤤隔離仲有個兜仔係裝沙律醬加埋Wasabi，用嚟點蝦一齊食都幾夾，辣辣地咁幾過癮！😋隻蠔就已經切好左係殼入面，方便哂大家食😂用隻叉咭住食就可以，唔洗驚整污糟手😂😂同埋蠔上面有魚子醬加海膽，令隻蠔更加好食😋墨魚沙律就煙煙韌韌咁好彈牙！個日餐湯就係羅宋湯，都好足料，而且好鮮甜😋意粉方面，就有黑毛火腿意大利粉😆無諗過黑毛火腿撈意粉又幾夾~👏🏻而且仲有香蒜、辣椒、橄欖油加埋一齊，令整碟意粉更加升華😆至於主菜，我哋揀咗炭燒澳洲M4和牛🤤要左5成熟～牛肉嘅肉質嫩滑，唔會靭！撈埋佢個牛肉汁嚟食更加好食！另外仲有蕃茄、焗薯仔、南瓜同大蒜做伴菜～當日嘅甜品係白桃味芝士餅～不過略嫌白桃味唔算好濃，反而芝士味較濃郁同出味🤤另外，我地兩個都叫左杯野飲，分別係Cosmopolitan同Aperol Spritz, 兩杯都係酒精濃度唔算高，好易入口～女仔都好啱飲！Btw餐廳裝修好靚！如果慶祝生日或者紀念日都好有氣氛😍而且啲員工服務態度都好好！
繼續閱讀
觀塘銀八越來越多優質餐廳進駐，中菜、西餐、日本菜樣樣齊，仲要間間高質，今日放工去了1樓全層的西餐廳Classy - Seafood & Steak，地方好大，非常寬敞舒適，有情調，服務員又有禮貌，是拍拖/和朋友聚餐嘅好地方。晚餐每位$388，如果成為了Lucky 7 會員，第二份晚餐可享半價優惠🥳🥳🥳晚餐可選是日精選頭盤或特色廚師沙律，兩款都各具特色，前者精緻美味，後者就清新開胃，和友人各點了一份，頭盤包括手撕豬肉多士、燉蛋和三文魚；廚師沙律就包括粟米、青瓜、煙肉、沙律菜、柚子、車厘茄和南瓜，沙律裏面仲有一隻溫泉蛋🥚，味道清新，是一道令人胃口大開的前菜。餐湯：野菌湯味道濃郁，幾有水準。主菜：燒北海道赤豚，外皮燒得金黃，加埋蜜糖芥末汁就更惹味，伴蘋果脆麵包粒，𣎴單只是賣相靚咗，味道也不錯。主菜：香煎深海多寶魚伴煙蠔他他，肉質好嫩滑，配搭煙蠔他他更顯鮮味。飲品：Mango Ale $58，Rosemary Blueberry Smash $68，兩款都好靚，一款果香味較濃，一款口味較清新，同樣推薦😊🥞梳乎厘班戟是餐廳的招牌甜品之一，有幾款口味可供選擇，我的抹茶控朋友即時點了Matcha Mochi Souffle Pancake $138，空氣感十足，口感軟綿綿，而且蛋香味十足，大滿足😋。
繼續閱讀
最近知道銀八呢到開咗啲新餐廳, 再加上喺網上見到佢不斷賣廣告, 但上網只見人放晚餐餐牌, 唔見有LUNCH SET, 今日就去探下路睇下午餐貴唔貴, 喺樓下唔見有放餐牌, 上到去見到餐廳門口有個餐牌一睇, 價錢大概$148-$328, 價錢都中上價, 如果佢唔係咁啱做緊買一送一, 又話即時登記做會員已經可以有優惠既話, 我係唔會去試, 普通一個肉醬意粉都要$148仲未加一, 另外餐廳環境雖然大, 但啲聲音好困聲, 變到好嘈餐湯 - 好似係忌廉磨茹湯餐沙律 - 雪蟹柳未完全溶雪, 沙律一般炭燒澳洲安格斯肉眼配戴安娜汁 - 賣相一般, 呢塊肉眼係勁多筋, 鍾意食既朋友可能好喜歡, 但鍾意啖啖肉既朋友就覺得差炭燒日本黑豚配牛肝菌芥茉汁 - 黑豚肉肉質比較鞋口, 我記得喺同區我試過一間西餐, 同樣係黑豚但人地口感係入口軟熟好好味坦白講就算買一送一價錢都唔平, 喺同區咁既價錢既西餐廳真係大把, 如果係正價咁既食物質素加賣相真係唔值, 試一次就夠, 有時睇啲食評講到好好食, 但自己親身去試就會發覺, 朋友你上當了, 所以我寫既食評全是個人口味, 有果句講果!
繼續閱讀
I understand now booking using QR code is the norm, however, it shouldn’t become an excuse to serve like fast food with over $300 per head for lunch.We took a lunch there and ordered using the QR code, the soup arrived within 3 min (which is normal) but the main course also arrived within 5 min while I hadn’t started my soup, then I told the waitress I hadn’t finished my soup and why she hurried out the main, her blunt reply was “cos you ordered using the QR code system” (which is also the only way to order)End up we had to finished the main cold.
繼續閱讀
大約嚟過午餐十次左右，大部分菜式也試過，除了蝦意粉的蝦比較細隻同午餐跟嘅沙律較普通之外，其餘我都很滿意。今日朋友叫咗帶子天使麵，賣相不錯，朋友都話好食；我自己叫咗煎三文魚，配菜薯仔好味，魚煎得剛好夠香又唔會太乾，配上生果及忌廉汁，清新不油膩，好正！匈牙利牛肉湯唔蘇，濃稠程度剛。黑咖啡溫度濃度也不錯。甜品試過朱古力梳扶厘，好睇好食。服務員有禮有效率非常友善，抵讚！坐位舒適不狹窄，略嫌比較嘈吵，整體係舒服嘅！以集團會員制的折扣用餐，價格很合理。
繼續閱讀