影片
營業時間
今日營業
詳細營業時間
星期一至日
詳細營業時間
*星期一至日: 18:00-23:00
以上資料只供參考, 請與餐廳確認詳情
國慶放假，相聚龍泉私房菜慶生，提早預訂了廂房，近觀塘地鐵站不足5分鐘可到，地點方便，食物大份，海鮮新鮮兼好味，師傅用心制作，侍應服務態度好，環境乾淨企理，值得再黎。花旗參燉竹絲雞：湯料好足，無味精，湯甘香可口金銀蒜粉絲蒸蝦：蝦好大隻爽口新鮮，蒜蓉好香，時間蒸得啱啱好，好味😋彩椒炒聖子皇：肉好厚，炒得爽，彩椒洋蔥都食晒炒蟹升級了清蒸松葉蟹，大大一隻蟹，肉質好實，鮮客家黃酒炆鴨我哋加$換了招牌芝麻雞，雞肉好滑，皮脆，好味秘制蒙古骨：特色每人一塊，椒鹽好香口。清蒸海斑：新鮮大條，肉質好滑瑤柱扒時蔬：菜芯嫩得來好甜，好多瑤柱，滿足的一餐
繼續閱讀
食物還可，但服務不達標當晚去到有2間房有食客，係好少人。我地提早訂左D餐，有兩個湯揀嘅，訂果時冇同我confirm就變左食翅。。。果刻O左咀，私房菜要同客人講清楚會食啲咩架嘛，蝦多士又變左龍蝦，話係upgrade, 好彩check番唔駛加錢，野食好食嘅，唔駛收開瓶費。staff到最後有啲黑面想趕收工要我地走，呢個我唔ok. 因為嚟得私房菜，計哂人頭費係唔應該限住啲客係咁暗示要人走，感覺唔好受，而且房入面有小強有啲驚，唔會食第二次
繼續閱讀
想同朋友傾計又想食好嘢，食私房菜就最啱。鄰近觀塘地鐵站樓上中菜，如果吾係同事介紹都吾知呢度有間餐廳，私隱度極高，有多間獨立房位，可以放開懷抱高談闊論，今晚三五知己聚在一起。首次揀咗招牌套餐龍蝦燕窩海鮮餐$ 438/位🥢生拆蟹肉扒金山勾翅或花膠海參燉螺頭湯訂座時預先選擇了螺頭湯，湯料好足，真材實料，食得出無落味精，飲過之後一的都吾覺口乾🥢金銀蒜粉絲蒸元貝，今日元貝吾新鮮買咗聖子皇俾我哋，好大一隻爽口，新鮮兼好味，睇得出老板都係揀最新鮮的實材。🥢芝麻雞，超好味，皮脆好香，肉質好滑，還想再食，留肚下次再食🥢芝士龍蝦伊麵，睇得又食得係澳洲龍蝦，肉質爽口，味道好鮮，芝士味好濃🥢原隻鮑魚扣山珍海味，好似佛跳牆，味道好好，料好足🥢美極蝦拼芋蓉多士，蝦好大隻兼新鮮，芋蓉多士好特別，香脆🥢清蒸游水東星斑，新鮮兼大條，火喉控制得啱啱好，鮮我哋6點半到，吾夠8點已出齊餸，上菜速度好快，食完我哋吹水到10點先走，下次會帶多啲朋友試吓其他餐
繼續閱讀
第一次去食私房菜，必須訂位時揀埋menu，好讓廚師用新鮮的食材為你度身訂造屬於你的menu,睇到衰食評，搞到我三心兩意，後面還是相信朋友的口啤，來了就沒有後悔，值得再嚟我哋選咗E套餐訂座時預先選擇翅或湯二選一，環保吾食翅的我哋選擇花膠海參燉螺頭湯，十足老火湯，湯料好足，湯好鮮味比骨碟還大隻的元貝，肉質好厚，鮮芝士龍蝦，以上係10人份量好大碟，肉質好彈牙，伊麵底拌芝士汁好好味好特別的芋蓉多士，皮脆餡香，可惜每人只得一塊，美極蝦也特大隻好爽口天下第一雞即係芝麻雞，人生還是第一次食到如此好味的雞，皮脆肉滑，雞味好香，無敵贊👍 原隻鮑魚扣山珍海味，份量十足，而且味道扣得好好，食到此個個都九分飽了清蒸東星斑，10人份量有2斤多一條，時間蒸得啱啱好，肉質好滑新鮮，努力乾完瑤柱扒菜心，菜好嫰帶甜炒飯，雖然好飽，但也必須試一啖，少油飯粒分明 總結：第一次食私房菜食後感，份量多兼新鮮，價錢合理，上菜速度還好，我哋安排咗獨立房位，一邊傾偈一邊品嘗，好滿足的一餐，後來聽老板講，如果要趕時間食完早走的客要起餸時提早講
繼續閱讀
上菜慢到 以為你咁慢有幾咁精致 仲要係垃圾 你無廚房就唔好學人開餐廳 話咩自己私房菜 我求其去間熟食中心都好過你 唔識開餐廳就咪學人開啦 你自己蝕錢唔緊要呀 你咪累啲食客呀嘛！！!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
繼續閱讀