龍泉私房菜

睇食評有好有衰，但朋友係12/23食過好味，推介我地去食，咁我拉咗家人去試下。當晚我地5:45pm到達，但人地未營業，員工食飯中，我地只好係門口罰企。踏正6pm，我地才衝入去，估5到係叫我地7條入廳房坐。我地叫咗”商務套餐” (每位＄318加一)，有7餸1翅1飯。諗住星期日會多人食，但只得7-8枱客，全部都入廳房坐，所以大廳係吉既～係威係勢先上咗1翅1餸後，我地就開始食法國菜既模式。。。。開始等。。。好。。。耐。。。。才。。。上。。。一。。。碟。。。坦白講，我覺得私房菜係上菜快，等你地快走。可能當晚無乜客，你急佢5急。但要等半粒鐘才上第3道菜，食完又要等20-30分鐘再上第4道菜，直至最後3樣食材才可以10分鐘內連住上菜。真係呆坐到涷和眼瞓。。。睇住不停斷信號既電視節目，由雲岡佛像睇到中年好聲音，大家也由不停吹水變成呆滯。雖然食 buffet都係幾粒鐘，但係可以不停有嘢食，跟我等食既情況真係兩碼子。。。。。我不停倒數仲有幾多道菜未上。。。講返服務態度，係ok。雖然佢地上菜慢，但態度都好，有問有答，語氣溫和。講食物質素，有出色有5掂：1. 雞燉翅(5/10分)：翅係好大梳，仲有一梳侍應阿姐弄跌在枱面，蝕！但雞味無乜，失色。。。2. 蝦多士(2/10分)：5掂！d 油完全鎖係麵包里，所以一咬就油份全部溢出來。。。。3. 花雕蛋白蒸長腳蟹(10/10分)：本來係避風塘炒蟹，但等咗30分鐘，我地出去催過。之後，阿姐拎呢碟蛋白蟹入來，講升級俾我地。哈。。。其實我見到左右廳房遲過我地黎既客，都仍食呢個，我估廚師一齊整，無時間再開鑊炒蟹。不過，係整到幾好食，呢30分鐘等待都值得4. 崩沙腩(10/10分)：好搞笑佢嗰碟底放咗蠟燭，應該係點著保溫，但佢無點火就上枱。5緊要，因為吃完蟹後又等咗20分鐘，大家都餓，所以一上菜就立馬起筷。腩係腍又入味，餸汁好味，正5. 酥炸生蠔(10/10分)：呢個都得，粉漿薄又炸得鬆化。蠔本身大隻又 juicy，讚🤤6. 咕嚕肉(4/10分)：賣相靚，可是沾粉厚咗，又炸得過火，所以有d實7. 蒸海斑(8/10分)：本來係雲腿玉樹蒸海斑。。。但上枱，只係得豉油，腿5見、玉樹也5知去咗邊。不過，我地5理。。。有餸上枱已感恩，都係斑，只係5同煮法，算吧。。。條斑係蒸得恰到好處，d肉係滑。不過，佢地用咸豉油，5係用甜豉油，所以扣分😅8. 瑤柱扒時蔬(6/10分)：瑤柱菜芯，賣相失色，調味ok。可是。。。芡汁形成一嚿嚿膠狀，5太掂9. 飄香炒飯(8/10分)：飯粒分明，還可以~飯後甜品係。。。冰涷甜橙😂…查看更多

工廈里隱藏咗無數的食店，看它能否長久于恆，那就一定要靠它做得多出色，踏入店鋪的第一印象豪華的裝飾干淨利落，四周獨立廂房包圍咗一個廳位擺設咗幾張大圓臺，今晚我們十位有幸安排了獨立房位，可以開懷太笑盡情地食了，感謝何太的安排🙏分享下我們當晚的菜式商務套餐C濃香的湯底加足夠的食材，甚至連湯料我們一起食盡好味加賣相，師傅精心的手藝極有特色，餡料有馬蹄鴨肉九才，想食的自己動手包了脆薄的表層醬咗香滑的蠔肉，一隻食落太飽口福羅卜吸收了牛腩的味道，牛腩淋身，雖然是一道普通菜式，但也有其獨特的味道還好不是太辣，蟹肉結實新鮮多膏，回味肉質香滑，配上濃郁的醬汁，好味菜心甜加爽口配上適中的瑶柱醬汁本身的姜蛋炒飯我們改至飄香炒飯，飯粒分明，干身少油够鍋氣極精至的愛心甜品，口感滑加甜心有幾款吾同菜式的套餐，都是以海鮮為主題，價錢適中，真材實料，每次食完一碟侍應會熱情幫我們倒骨，做足環保，其實一間食店能夠吸引源源不絕的食客，肯定要有其出色之道…查看更多

公司長官退休，大家當然出心同佢食飯，晚上訂咗呢度，地點唔難搵，地方唔大，店內有廳房，我哋訂咗間大房，放到3圍枱，中菜酒樓格局，啲酒紅色格套幾娘！因為唔係我訂位，我亦唔知菜單！睇番店家嘅Openrice，我哋食嘅應該係「招牌套餐」生拆蟹肉扒金山勾翅：翅一梳梳細細的都爽口，湯底濃香幾滑！蟹肉正常（不過最好唔好食翅，店家都可以用燉湯代替）金銀蒜粉絲蒜扇貝：扇貝肉正常，蒜味幾香唔辣，粉絲頗油膩，因為扇貝嘅汁不多，甜豉油唔夠（或掛唔到在殼內！ok天下第一雞：脆皮雞面有芝麻，皮幾脆，肉正常，點甜醬油幾好！花雕蛋白蒸蟹：賣相豪華，蛋白索晒酒味，味道略苦，蟹身入味，可能有蟹殼保護，所以無苦味，好味！原隻鮑魚扣山珍海味：鮑魚入味，花膠片滑溜，冬菇入味，不過配最唔喜歡嘅小棠菜，招牌三式蝦：熱氣之選，黃金蝦、椒鹽蝦、炸蝦丸，食咗黃金蝦，薄薄鹹蛋黃醬包裹蝦身，蝦肉唔老鹹香好味，蝦丸外脆又彈牙，入面有流心芝士餡！好味！清蒸游水海斑：唔大條，蒸得離骨唔老，加上蔥絲甜豉油，好味瑤柱扒時蔬：菜心粗身唔老爽脆，瑤柱獻汁薄薄的，唔會太鹹！幾清爽飄香炒飯：炒飯色水靚，飯粒炒得粒粒分明，材料多，好多叉燒粒，蔥粒同蛋，蛋包裹飯粒，飯粒唔乾，鹹香好味！芒果布甸：做成鯉魚型態，布甸嫩滑，加咗大量花奶（因為我唔食花奶，如果另上會更好）布甸唔太甜，芒果味幾濃，有芒果肉，幾好！食物好味，店員出入幫手清碟上菜，好勤快，又幫我哋排位影大合照！好幫手！適合大圍人飯聚…查看更多

三百零蚊可以食到鮑參翅肚，可說是不可思議，睇來以後聚餐又多一個好地方了，之前訂了幾次位都沒訂到位，今次提早了一個禮拜前訂好位，慶祝今月的牛一之星 好大隻的翅，夾得起一塊塊，勝過外面酒樓的，真材實料 ，無味精 粉絲吸收咗濃濃的祘香味，好大隻的元貝肉，新鮮超食蛋白勝過食蟹，蛋白吸收咗花雕的香味，蟹肉好多膏 天下第一雞即係芝麻炸雞，皮脆肉滑再加芝麻的香味，賣相和食味都贊 鮑魚雖然不是很大隻，但炆得夠淋，加上厚厚肉的冬菇配有花膠海參有芝士蝦丸，黃金蝦和豉油皇煎蝦，特色中的黃金蝦是我的最愛 新鮮蒸的時間剛好，肉質好滑食了數樣海鮮，再來個綠色食品，已經好滿足了炒飯粒粒分明，少油干身，雖然看來是一碟普通炒飯，但真的吾錯套餐中完美的組合少不了飯後的甜品，已經滿肚美食了總的來說服務和食物都相比之下，聚餐之點，還會有下次…查看更多

友人邀請吃晚飯，到了龍泉私房菜 (觀塘)。平時很少吃私房菜，所以沒有比較，很難評分，唯有以酒樓作標準吧。 友人選了《招牌套餐》 (HKD308/位)：生拆蟹肉扒金山勾翅：魚翅的份量超足! 宴客一流。味道亦不錯，如果蟹肉可以多點就好了!  金銀蒜粉絲蒸元貝：元貝不錯，粉絲吸了蒜蓉的香味，很可口!天下第一雞：雞肉鮮甜，而且頗幼嫩多汁，外皮包滿芝麻，炸得很香脆 (有點像吃上海的芝麻大餅呢!)。不過略為油膩。花雕蛋白蒸蟹：蟹肉很結實新鮮，蛋白及火候控制得很好，因為蛋白很幼滑，酒味香濃，食指大動!原隻鮑魚扣山珍海味：這道菜賣相一般，有鮑魚、海參及大花菇。大花菇很稔滑。不過如果用煲仔上可能會更吸引吧。招牌三式蝦：因已吃得很飽，這道菜看上去似炸得太油，所以沒有試....  不過賣相不錯!清蒸游水海斑：海斑蒸得剛好 (看似大概一斤吧)，肉質很滑，值得一讚!瑤柱扒時蔬：瑤柱很多很鮮味，配菜心很好吃呀!飄香炒飯：如果愛吃蛋黃的朋友一定很愛這炒飯，因為充滿蛋黃的香味。 (沒有拍照... 不好意思...)香芒布甸：大菜的份量太多，不夠 "布甸"，不過甜度適中，賣相一流，不錯!服務：這裡服務我只可說不過不失。不過一進入食店內有陣陣怪味 (似枱布味)，有待改善。…查看更多

第一次來觀塘工業區食私房菜，入到餐廳，發覺裝飾比想像中靚，有6-7間廂房，只是大廳枱與枱之間緊貼左少少第一次來就試試他們的招牌套餐-鮑參翅肚海鮮餐其中有幾個菜式，做得非常好花雕蛋白蒸蟹，蟹肉清甜結實，很大隻，份量十足，蛋白有酒香，滑溜，伴飯一流清蒸游水海班，火候恰好，滑滑的魚肉有魚味招牌三式蝦，有蛋黃蝦，椒鹽蝦，炸蝦丸，一次過滿足你三個要求 金銀蒜粉絲蒸元貝，元貝非常大隻，肉質實而不硬，元貝味濃郁最後有少少蝦碌野，在我們切生日蛋糕時，很辛苦走暈全餐廳才找到個打火機，如果大家要去慶祝生日，記得自備打火機…查看更多